Addis Ababa Agda Baxissok 3 Sanay 2017 (ENA) Keeniyak Malindi Tayyaarah Booxah Dariifal Geytimta Kiwachochah Magaalal Toofeh Tan Qunxa Tayyaarah Qawwalaylat 3 Numih Qawwaddi Edde Yeywqe. Tamakkel Intih Yubleh Yan Mari, Tama Tayyaara Ta Dariifal Suget Raddem Kee Gira Teetit Urteh Tanim Qaddoosen. Namma Num Tayyaarak Yiggiriqqeh Radeh Birtat Tonnaluuk Edde Rabeenim Ascassuuk:- Inki Num Kaaduk Tayyaarat Gira Gexxeek Lakal Rabem Warsen.   Gersi Katuk Tayyaarah Addat Suge Inki Paylet Kee Namma Barteynit Ta Qawwalayla Taafek Naharal Yewqeenim Kee Away Dayli Kattat Keenih Abak Geytimaanam Asosheetid Press Xaagi Yascasse. A Ayyaamih Addat Baxaabaxsa Le Baaxooxal Qagaqagitak Taayafeh Tan Tayyara Qawwalaylaak Ugut Abak, Aveeshin Langil Kaxxa Aqayyaare Tekkeh Geytimta.

Addis Ababa Agda Baxossok 1 Sanat 2017 (ENA) Ameerikak Gabbi Kaliforniyah Rakaakayal Geytimta Losanjeles Magaalal Ugutteh Tan Gira 52 Kee 57 Biliyoonih Doolarih Innah Tanim Tayyaaqem Xiqta Qawwalayla Katasseh Tanim Qaddowte. Tama Gira Kaxxa Silayti Yaniimik Ugut Abak, Sissikaanet Baarimak Geytimtah Tanim Warsen. CNN Xaagi Elle Yascassennal:- Ta Gira Daggowwa Inteki Aham Fanah 5 Numih Qawwaddi Edde Yewqeh Geytimam Yiysixxigen.   Royteris Xaagul Kaadul:- Ameerikak Rosqa Kattaatiyyih Fanteena (Akkuwer) Geyteh Tan Oytal:- Ta Gira Katasseh Tanimi 52 Ila 57 Biliyoonih Doolarih Innah Takke Lakqo Tayyaaqeh Tan Qawwalayla Katassem Qaddoosen. Tama Gira Xayih Lowsisiisaanam Xiiqe Weenik Tonnah Ossetina Qawwalayla Katassu Waytam Tekkekim Qasreiino Leh Tan Kaliforniyah Magaalah Aydaadul Cararteh Tan Kalqatitteh Manga Kee Maddur Khasaara Kaxxaam Uma Caddo Gufelem Yiysixxigen.

Addis Ababa Ciggilta Kudok 25 Sanat 2017 (ENA) Farangi Liggidak Qusba Sanatih Qimbol BRIKS 9 Takke Qusbaa Baacioxa Qokoleynit Migaaqal Oggolte. Farangi Liggidih Loowok 2024 Ciggilta-KudokAsih Addat, Rusiyak Kaazan Magaalal Gexsen 16heele BRIKS Koboxul 13 Takke Baaxooxa BRIKS Qokoliyjit Akah Yakken Innah Ken Arcibiseenih Sugen. Tamakkeh Fanak Ta Sagaala Belaarusuuy, Boliviyaay, Kuubaay, Indonozhouaay, Kazakistanaay, Malezhiyaay, Taylandiiy, Yuganda Kee Uzbekistan BRIKS Qokoloynit Akkuk Yengeleenini Ze Sawyz Afrikah Xaagi Yascasse. Briraaziliiu, Rusiyaay, Hindiiy, Chayna Kee Gabbi Afriakah Baaxooxa Afoytiinu Dibuk Sugteh Iyya, Farangi Liggidih Loowok 2024 Itiyoppiyaay, Iraanaau, Tengele Qarab Emarat Kee Masri Adoytiinuh Tengeleh Tanim.Tamixx8ge.

Addis Ababa Ciggilta Kudok 21 Sanat 2017 (ENA) Ameerika Yukreenih 2 Ximmooy 5 Biliyoonih Doolar Tayyae Qaskariyyoh Mansoofah Qokol Teetih Abtam Faxxam Warsen. Tama Qokol Yukren Rusiyak Teetik Takke Maysattakak Isi Akah Kalalittannah Abtam Kinnim Yiysixxigen. Farangi Liggidih Loowok Agda-Baxissoh Alsak 20 Sanat 2025 Qado Doolat-Kalqatak Yawaquwah Yan Jo Bayden " Kaak Raaqeh Yan Reedah Waktih Addat, Ameerika Yukreen Leh Tan Mabla Diggossuh Abta Macal Diggoosele" Axcuk Qaddosoe. Pirezdant Vilodmir Zeleniski Ahak Afal, Ameerikak Geytima Qokol, Rusiyak Keenit Takke Maysattat Koositoonuh Kaxxa Doori Allelem Yiysixxige Suge. Kalah Tan Qokoleynitik Geyan Cato Elle Faxximta Caddol Akah Diggowtannah Taamitak Geytimaanam Qaddoose.

Addis Ababa, Ciggilta-Kudok 20, 2017 (ENA) Gabbi Qarih Koriyal Toofe Tayyaara Qawwalaylat Daggowwa Inteki 85 Yakke Mari Edde Rabe Yiysixxigen. 175 Yakke Safar Mara Kee 6 Takke Tayyaarah Addah Taama Abeynit Taylandik Inaytà Bankookuk Terreh, Gabbi Koriya Gufteh Tan Tama Tayaara, Mu'an Baad Caddibnih Tayyaarah Booxa Obtuh Gibbatak Sugte Wak Toofe Qawwalayla Kinnim Warsen.   Tama Toofeh Tan Qawwalaylat Aham Daggowwa Inteki, 85 Yakke Marih Qawwaddi Edde Yewqeh Yanim Tama Baaxok Gira Kee Cube Wayni Qawwalaylah Ejensi Qaddosse. Ta Qawwalayla Elle Toofe Aracal Takke Rooci Wadi Taama Diggoyseloonum Yescessen.

Addis Ababa Ciggilta Kudok 12 Sanat 2017 (ENA) Qusubih Doorimeh Yan Ameerikah Pirezdanti Doonald Tiramp Somalilandih Mamaxxaga Acele Axcuk Qambaalaanah Iyya, Tama Dariifal Jeo-Poletikah Caagiidil Kaxxa Milaagu Baahelemih Akkal Yan. Kaxxaam Baxsa Le Jeo-Poletikah Angagoyya Somalilandi Baaxo Takkuh Mamaxxaga Akah Yacuh Taddeera Yibbixeenih Geytimaanamat Yaabeh Yan Dumi Biritaaniyak Kalali Qamdeh Malak Gavin Wiliyams Yiysixxigeh Yan Ripportittel Yescesse.   Tama Marga Afrikah Gaysal Yanih Yan Caylih Angagoyya Milaageleemih Akkal Yanim Tama Malakih Ripportik Rakiibo Abak Addaffakot Abeh Yan Siyaasa Kee Emegreesgin Mekeelose Aydan Je Simardon Qaddoose. Baxsa Luk Awayih Uddur Qasa Badih Gital Yanih Yan Adafaak Ugut Abak, Ayro Korma Baaxooxa Qaskariyyoh Angagoyyal Kaxxa Adaf Edde Boodeh Geytimaamat Yaabe. Tama Mekeelise "The cradle" Xiqsitta Online Ratteemal Kutbel Elle Daffeeseh Yan Innal:- Farngi Liggidih Loowok 1991 Somalilandi Somaliyak Curriino Isih Qaddossm Takkay Ikkah, Baad Caddibnal Mamaxxaga Akak Megeyinna" Axcuk Yiysixxige. Qadan Badih Dariifal Geytimta Somalilandi, Ameerika Kee Tet Xaqut Tan Caylitte, Yamanal Yakke Gaaduh Mafatacak Tan Lojistikis Fanteena Akkuk Ayfaf Tacem Xiqta Baaxo Kinnim Qaddoose. Qusubih Doorimeh Yan Ameerikah Pirezdanti Doonald Tiramp Ta Dariifak Jeo-Poletikaay Tinnah Baaxo LehnTan Weelook Ugut Abak, Maftacak Tan Baaxo Akkele Axcuk Qambaalan Yiysixxige.

Addis Ababa Ciggilta Kudok 7 Sanat 2017 (ENA) Eranal Mango Rakaakayittel Fayya Le Caddol Toofeh Tan Kaxxa Xabaaca Kee Kooran Keenik Yiggiriqqeemik Ugut Abak, Biiroora Kee Baritto Buxaaxi Alfimteh Tanim Qaddowte. Ameerikak Enerji Oytih Xiinisso Teyye Oyta Rakiibo Abak, Iran Kaxxam Nab Yan Kooran Caylih Raceyna Leh Tan Baaxo Kinnuuk, Gino Gaazih Gaddal Baad Baaxooxak 3haytòh Caddol Geytimta Yiysixxigen. Takkay Ikkah, Tama Baaxo Taturte Ayyaamitteh Addat, Fayya Le Caddol Siragleele Dagiinah Taqabi Teetit Boodak, Siragleele Qadaagah Akah Xayyyoose Waytannah Abteh Tanim Warsan.   Tah Akah Tekkeh Tanim Fayya Le Cadfol Cabaaca Koositiyyih Taagah, Baaxo Xayloh Kooran Cayla Siragleelek Akah Geyan Innah Abtaamih Taddeera Leh Tanim Yiysixxigen. Tama Kaxxa Xabaacak Gexxaamah Inaytà Magaala Tehran Edde Anuk, Kalah Tan Rakaakayittel, Biiroora Kee Baritto Buxaaxi Alfimteh Tanim Qaddowte.

Addis Ababa Ditelik 16 sanat 2016 (ENA) Ameerikak Ciggiila Pirezdantih tan Kamala Haris Ximokraatik Partik Awlaytitik Duddale Qokol Geytem Yiysixxigen. Itleenih Bar Abteh Tan Associated Press Oyti Elle Yascassennal, Harris 1 Alfi 976 Takke Demokraatik Partih Adoytit Qokol Geyteh Tanim Qaddoosen Ciggiila Pirezdanti Baarle Qokol Geemih Kaxxam Ruffa Edde Iyyem Kassiisaak, Dooroh Fayxi Kinnim Baxaabaxsale Caddol Oggoluh Bical Geytimam Qaddoose. 27 Takke Rakaakayak Demokraatik Partih Awlaytit Kamala Harris Qokol Abak Geytimaanam BBC CBS Xaagi Qawaytu Qaddosse. Tatre Caadah Pirezdanti Jo Bayden Doorok Yewqeek Lakal, Ciggiila Pirezdantih Yan Kamala Harris Naharsi Kudok Dooro Gexisseh Tan Demokratik Partih Fayxih Qokol Abeh Yanim Kassisen.

Addis Ababa Ditelk 14 sanat 2016 (ENA) Awayih Uddur Ameerikah Pirezdantih Yan Jo Biden Yamaate Sanata Takku wayta Pirezdantih Doorol Qalalewaam Qaddoyse ። Pirezdant Biden Ciggiila Sanat Ameerikah Takku Wayta Dooroh Uddur Pirezdanti Riboblikaan Partik Pirezdanti Dooro Xayyoweh Yan Doonald Tirampi Lih Yo Doora Qalayli Abak Sugem Tamixxige ። Takkay ikkah ta carra yuktuben ayyuftal tama doorot gabah agle alle waanam yiysixxigen ። Bayden Tamahih Addatino Xayi Udduurih Addat Aysaxaaxagelem Aysaxxaguk Ameerikah Xaylo Kah Abteh Tan Qokoluh Gadda Gacse Iyye ። Tama Dooro Takkem Fanah Reedal Sugelem Washington Post Xaagi Qaddosse ። Awayih uddur uddurruta Iyyeh Yewuqe oyti elle yascassennal Biden doorok Sinni Yeyyeeqek Kay Araca kak Ciggilta Perezixantih Tan Kamala Caaris Raaqissaamih Saami Baar Lee Qaddoysan ።

Addis Ababa waysuk 19 sanat 2016 (ENA) Kotxivarak Nabah Tan Qidaddo Magaala Abijan Toofeh Tan Baaxo Futce kee Weeqi Qawwalaylat 24 Yakke Marih Qawwaddi Edde Yewuqemit Yaaban ':: Ayro Kormah Afrikah Baaxoxal Madabiinoh Radah Yan Roobuk Fayya Axcuk Radak Geytima Roobu Katayak Qidaddo Nabnal Tamixxigeh Tan Abijal Taturte 10 Ayroh Sittal Lakayleh Dare Roobut Gino Qawwalayla Toofem Timixxige :: Tahak Ammakkaquk Inkih Tan Baaxol Leeh Arooca Leek Kibbimtem Kinnuk Weeqi Qawwalayla kee Baaxo Futce Maadem Qaddoysen :: Tama Roobuk Gexxaamah Yoofeh Yan Weeqa kee Baaxo Futceh Qawwalaylat 24 Yekke Mari Qawwaddi Yewuqem Caagid Wagitta Reedon Qaddose :: Tama Qawwalayak Gexxaamah 2 Yekke Mari Edde Culen Ikke Amixxigewaytam CGTN Xaagi Yascasse :: Tama Qawwalylat Kalqatitte Diglo Taafu Waytamih Kakkawiso Yeceen :: Tamaatu wayta 3 Alsah Sugu waa Karmah Uddur Roobut Gino Qawwalayla Toofu Xiqtam Tama Oyti Yasxasse ::

Addis Ababa waysuk 19 sanat 2016 (ENA) Keeniyah Parlaama Faaticisseh Tan Qiso Madqaak Ugut Abak, Tama Baaxol Ugutteh Tan Uluuluka Kee Kookaxiwtte Akah Xabbocowtannah Afrikah Inkiinoh Komishinik Saqalah Yan Musa Faaki Macammat Seeco Xayyoose. Tama Saqala Asaaku Yeyyeqeh Yan Maybalaalaqal:- Keeniyak Qiso Madqa Sabab Abak, Yunkullukeh Yan Ummatta Sadi, Afrikah Inkiino Kaxxaam Cisabbossah Tan Caagiida Kinnim Ascassuuk:- Afrikah Inkiino Tama Caagid Xayikkeek Kattataakak Sugteh Tanim Yiysixxige.   Ta Ummatta Sadul Sihada Qawwaddi Edde Yewqem Kee Duyye Edde Finqitteh Tanim Ascassuuk:- Tama Kookaxaw Salaam Gitall Calli Akah Aboonuh, Wagittah Tan Dagorti Walal Elle Abtam Faxximtam Kassiise. Keeniyak Salaam Kee Amaana Dacayrih Kookaxawak, Walala Fan Yamaateenim Faxximtam Tama Saqal Diggoyse. Tahat Axawah Anuk, Galli Maroh Eglak Naharsi Saqal Antooniyo Gutoorez:- Keeniyal Yoofeh Yan Ummatta Saduuk Ugut Abak, Sihada Qawwaddi Edde Yewqem Kee Duyye Edde Finqitteh Tanih Iyyal Kaah Tontobbeh Tan Rookat Qaddoose.   Qiso Madqa Faaticiseenimiik Ugut Abak, Rama Baaxol Baxaabaxsa Le Magaaloolil Waysi Alsak 18 Xabba Haanam Ummatta Saduh Tewqqeh Geytimta. Tama Ummatta Sadi, Merrah Ayfaaf Edde Anuk, Tellemmo Fanteenit Alfimteh Tanim Kinnuuk, Tama Kookaxawal Poliis Toogoreh Tan Giraat Aham Fanah Ixxima Akak Ammixxige Sinni Marih Qawwaddi Edde Yewqeh Geytimam The Star Xaagi Yascasse.

Addis Ababa, Waysuk 12 Sanat 2016 (ENA) Taama Gufneh Kilbatti Koriyak Inaytah Tan Piyongyang Magaala Culeh Yan Rusiyah Pirezdanti Viladmir Puutin, Pirezdanti Kim Jong Un Qax Meqe Qaskariyyoh Mayballal Garayyo Kaah Abe. Pirezdant Putun, Tatre Qunxa Garablih Alsih Addat Kim Jong Un Rusiya Gexeh Yan Uddur Kaah Abeh Yan Arcibaak Ugut Abak 24 Sanaataal Lakal Taama Gufneh Kilbatti Koriya Culeh Geytima.   Namma Mirocti Sitta Lih Abteh Tan Walalal, Namma Baaaxo Leh Tan Qaskariyyoh Sittin Qokol Diggousaanam Elle Duudan Caagiidil Baar Luk Mabboloowen. Awayi Waktil Yukreeni Lih Carbit Tan Rusiya, Kilbatti Koriya Faxxiiam.Qokol Teetih Abtu Waytam Kim Jong Un Qaddoose. Baxsa Luk 2 Baaxo Nukleer Silac Tittikiyyeh Tan Baaxooxa Kinnuuk, Tama Langil Lon Sittin Qokol Yayse Gurral Diggoysoonu Elle Duudan Innal Walaleenim Yiysixxigen.   Tahak Tatural, Namma Morocti Maddur Kee Kalah Tan Langittek Sittin Qokol Fayya Hoonuh Walaleenim Aljaziirah Xaagi Yascasse. Pirezdanti Kim, Rusiya Yukreeni Lih Abak, Geytimta Carbih Faxxiima Qokol Abelem Qaddoose.

Addis Ababa, Waysu 02, 2016 (ENA) Iraanak Baaxoh Addih Caagiidah Malak, Tama Baaxok Pirezdanti Dooroh Qalalah Yan 6 Yakke Farita Mara Qaddoose. Ta Malak A Alsih Addat Gexisoonu 2ab Pirezdanti Dooroh Qalaylih Illacabo 6 Yakke Marih Migaaqih Addaffakot Abe. Pirezdanti Dooro, A Xayi Udduurih Addat, Iran Pirezdanti Ibrahim Rayosi Helikopter Qawwalaylat Rab3emik Ugut Abak, Tama Baaxol Qusba Pirezdanti Dooraanam Faxximtaamih Taagah Gexsan Dooro Kinni. Pirezdanti Doorol Qalalah Yan Marih Fanak, Iranak Ciggiila Pirezdantih Yan Amir Cusen Qhazizadeh Haashini Edde Anuk, Baxaabaxsa Le Miraaciinul Geytimah Yan Marih Xayyooweh Yanim Art Xaagi Yascasse.

Addis Ababa, Laqini-Alsak 20, 2016 (ENA) Qasa Badih Dariifak Tanteh Gexxah Tan Tellemmo Markabittet Takke Maysattaka Soolisak, Salaamal Yan Safar Yakkem Faxximtam Chaynak Afa Caagiidah Malak Wang Yi Seeco Xayyoose. Tama Malak Seeco Elle Tatruseh Yanimi, Asaakih Ayro Yamanak Afa Caagiidah Malak Lih Chaynak Inayta Magaala Beejingil Walaleenik Lakal Kinnim Warsen. Tama Caagiidal, Chayna Kaxxa Doori Elle Digirtuh Bicat Geytimtam Qaddoosemi, Royteris Xaagi Yascasse.

Addis Ababa, Laqini-Alsak 08, 2016 (ENA) Boolul 90 Gaba Takkem Rusiya Kee Chaynah Qadaagah Limol, Isinni Lakqot Abbinooseenim Rusiyah Pirezadanti Viladmir Puutin Qaddoose. Pirezdanti Puutin Namma Ayroh Taama Gufneh Kimaalih Ayro Beejing Culeh Yanim Kee Chaynah pirezdanti Shi Ji Ping Lih Walaleh Yanim Yiysixxigen. Tama Walalal Rusiya Kee Chaynah Fanal Yanih Yan Angaaraw Sittin Assakoxxaay, Meqe Cuggaane Kee Sittin Tuxiiqih Gexsitil Rakiiboh Le Angaaraw Loonum Pirezadnt Puutin Abeh Yan Yaabal Qaddoose. Koroonah Vayresih Dalka Kee 3hele Dagarih Gabah Culsa Ta Namma Cayla Le Baaxooxat Xukko Abaanam Gibbateenim Takkay Ikkah, Namma baaxo Maqar Le Sittin Investimenti Qokol Xsiak, Tellemmo Tabaatabsa Isinnik Fayya Haak Geytimaanam Yiysixxige. Baxsa luk Boolul 90 Gaba Takke Tellemmo Tabaatabsitte Rubil Kee Yuwaanal Qadaaga Limol Akah Asisan Innah Abak, Ken Fanal Yan Maqar Le Tellemmoh Fantaaxaw Akah Diggoowannah Rakiibo Keenih Tekkeh Tanim Kassiise. Namma Baaxok Tellemmo Tabaatabsi Waktiik Waktih Fayya Axcuk Geytimam Kinnuuk, Awayih Uddur 227 Biliyoonih Doolar Gufeh Geytimam Qaddoose. Pirezadnt Puutin Beejingil Suguwah Yan Uddur, Nammay Takkoh Angaarawaay, Maddur Qokoluuy, Yukreen Carbi Kee Baad Caddibnih Caagiidal Walal Abele Axcuk Qmabalaanam RT Xaagi Yascasse.

Addis Ababa, Qado-Dirrik 23, 2016 (ENA) Rusiyak Kusaq Makaado A Xayi Udduurih Addat Moskol Tekke Maysattakat Axawah Anuk Ameerika Kee Kalah Tan Ayro Korma Baaxooxal Kusaq Qimbissem Tiysixxige. "Yukren Missosseh Akak Iyyen Tama Maysattakat Axawah Anuk, Ameerika Kee Ayro Korma Baaxooxa Gaba Edde Maay Leeh" Intah Tanim Akak Yasimteenim Elle Duidan Kusaq Qimbiseenim Tama Makaado Qaddosse. Tahak Ugut Abak Ameerika Kee Ayro Korma Baaxooxa, Tama Maysattaka Koobahisaanamaay, Maaliyyah Qokol Kee Maysattaka Akah Takkennah Amri Yaceenimil Gaba Edde Lem Kee Alle Waytam Asmiteloonum Yiysixxigen. Ayyaamake Naharal Moskol Inki Gad Elle Xayyoosak Sugen Aracat Tekke Maysattakat 140 Daga Yakke Marih Qawwaddi Edde Yewqem Kee 100 Daga Yakke Mari Edde Biyaakiteh Yanim Kassiisak RT Xaagi Yascasse.

Addis Ababa, Qado-Dirrik 09, 2016 (ENA) Viladmir Puutih Rusyal Gexsen Pirezdanti Dooroh Qalaylil Fayya Le Xongolo Geyak Mayso Geyeh Yanim Qaddowte. Puutin Aham Fanah Tekkeh Tan Loowol Boolul 88 Gabah Xongolo Geyeh Yanim Warsen. Kaxxaam Daqayat Luk Sugeh Akak Iyyen Tama Dooro, Puutin Ila Farangi Liggidak 2030 Fan Rusiyah Pirzdanti Akkuk 6 Sanatah Qagitak Miraaciini Arac Geyeh Yanim Qaddowte. Tama Gexseenih Yanin Dooro, Aamanti Luk masuginna, Dudda Le Anaakara Mari Edde Mangalinna Intah Tanim Kee Tama Bis Le Saditte Antabbamuk Geytimta

Addis Ababa, Qado-Dirrik 09, 2016 (ENA) Ameerikak Afa Caagiidah Malak Antoni Bilinken, Malokti Daffeynah Koboxuh Gabbi Koriyak Inayta Si'ol Culeh Yaniimik Ugut Abak, Kilbatti Koriya Mangoh Tan UX Xexxaara Fan Tamuggure Balastik Misaelitte Ayro Mawqa Bada Fan Toogoreh Tanim Gabbi Koriya Qaddosse. Piyongyang Tama Dariifah Saaqatih Loowol Asaaki Macsenta Toogoreh Tanim Ascassuuk, 300 Kiilo Meetir Fan Gexak Ayro Mawqa Badal Raddeh Tanim Yiysixxigen. Kilbatti Koriyajk Inki Qaynatak Tan KN-24 Xiqsittah Tan 3 Takke Ux Xexxaar Fan Tamuggureh Tan Balastik Miselitte Toogoreh Tanim Qandek Fayya Le Reedon Qaddosse. Gabbi Koriya Koriyah Qande, Tama Misaelitte Tonnaluuk Yubleenim Kee Yasmateenik Lakal Tama Oyta Ameerika Kee Jappan Reedonuh Yiysixxigen. Tama Baaxooxsah Reedon Isinni Katuk:- Kilbatti Koriyah Abto, Koriyah Dariifal Salaam Kee Xacac Sinna Akah Yankullukennah Abtah Tan Umaaneh Uguuugusiyyih Abto Kinnimit Yaabenimi Azer-News Xaagi Yascasse.

Addis Ababa, Caxah-Alsak 25, 2016 (ENA) Baad Caddol Siragleele Rubtah Tan Baaxooxa Qadaaga Fayxi Milaaguh Calli Akah Abak, Bica Le Qadaaga Saami Hadaloonuh, Sitta Lih Taamotaanam Elle Duudan Sittin Gey Aben. "Gino Gaaz Assakat Leh Tonnah Sarrimaane Le Fooci Saamih" Intah Tan Mablal Aljeeriyal Gexiseenih Yanin 7hele Kobox 14 Takke Siragleele Rubtah Tan Baaxooxa, Siragleele Qadaagah Fayxi Milaagu Akak Raaqisoonu Elle Duudan Sittin Gey Abeenih Yaniinim Qaddowte. Tama Sittin Gey Gufteh Tan Baaxooxak Rusiyaay, Iraanaay, Qhatar Kee Venzhiwelah Baaxooxa Kinnih Tanim Yiysixxigen. Tama Koboxul Kulli Baaxoh Awlaytit Umman Yaafeh Yan Siragleele Murtih Qadaagah Milaagu, Baad Madduurul Taqabi Kataasak Geytimah Yanim Qaddooseenimi Afrika News Xaagi Yascasse. Ossetinah:- Industritte Siragleele Kee Gino Gaazat Antiffiqime Way Kee Qusbah Yan Asqassaabe Caylih Dooritir Antiffiqimuk Geytimaanama Adaf Akkuk Geytimah Yabim Warsen.

  Addis Ababa, Agda-Baxissok 23, 2016 (ENA) Chana Afrkah Baaxooxa Lih Leh Tan Tellemmo Tabaatabsi 282 Ximmo 1 Biliyoonih Doolar Gufeh Yanim Qaddowte. Chaynak Tellemmo Malak Elle Qaddoosennal:- Maddur Kee Tellemmoh Sittin Qokol Chayna-Afrikah Angaarawak Rakiibok Maftacak Yanim Qaddosen. Farangi Liggidih Loowok Sanat 2023 Beejing, Afrikah Baaxooxa Lih Luk Sugte Tellemmoh Angaaraw Faxe Udduurak Lait Luk Meqe Xalot Luk Sugteh Tanim Yiyixxigen. Mizaaniyyat Liggidal Chayna Afrikah Baaxooxa Lih Leh Tan Mango Langik Tellemmoh Tabaatabsal 282 Ximmo 1 Biliyoonih Dolaaraak Daga Gufeh Yanim Yescessen. Aham Kaaduk 15 Sanat Sitta Lakleh Afrika Lih Fayya Le Caddol Tellemmo Tabaatabsa Abte Dibuk Tan Baaxo Kinnim Qaddoose. Fooca Fanah Chayna-Afrika Maddur Kee Tellemmoh Sittin Qokol Yayse Gurral Diggoysak Qusba Ikraaro Akah Xabba Hayteh Taamitak Geytimtam Shinwah Xaagi Yascasse. Tahak Ugut Abak Chaynay Wohuk Taturak, Afrikah Baaxooxah Ummkattah Tuxxiiqi Takkeh Tan Taamoomih Hangi Acayuk Taamiteloonum Qaddoose.