Addis Ababa Ximolik12 Sanat 2016 (ENA) Leeda Partik Leena Kutbeh Buxa Kee Federal Fanteenaanih Fayyale Miraciini Adoytit A saakih Ayro Asosal Magaalal Labbat Ayfaf Qimmiseenih Yaniinim Qaddoysen ። Tama Missoynah Fayya Le Mirocti Kee Federaalak Fayale Xiinissoh Adoytit " Meqem kaban Kee Sittin Qokolu Itiyopiyah Nabna " Axcuk Karmah Meqem Abittoh Ayfaafay Qimmisen ።   Malaak Bilhadal Leeda Partik Leena Kutbeh Buxak Sehadayti Gadda Xiinissoh Saqalah Yan Ambasadder Casan Qabdulqadir Parti Ayyunti Rakiibo Abta Taamoomi Abak Ayyuntah Tuxxiiq Lee Taama Abak Geytimtam Qaddoyse ። Tahak Ugut Abak Addis Ababa Kee Gambellah Rakaakayal Tannah Tan Gaba Dagoytiit Buxaaxi Xisne Abteh Tanim Kassiise ። Ux Udduurih Addat 20 Takke Buxah Maritteh Tuxxiq Leh Tan 4 Buxaaxi Xisoonuh 14 Miliyoonih Birriik Daga Takke Miizaaniyyat Ekraarimteh Tanim Yiysixxige ። Tama Xisne Namma Alsih Addat Gabakalelem Kee Xisnek Maxxat Akah Diggowtannah Kattat Abeloonum Yiysixxige ። Benishangulgumuz Rakaakay Saqal Gifta Ashadli Casan Elle Qaddossennal Meqem Abittoh Ayfaf Qimbimeemiik Xabba haanam Mango Sekterittel Baxaabaxsa Le Taamoomi Akkuk Geytimtam Qaddoyse ። Ta Karmat 120 Takke Gaba Dagoytiiti Qarwa Xisaanam Kee 68 Takke Qarwa Yasqussuboonuh Ekraaro Abbixak Taamitak Geytimaanam Yiysixxige ። Kalah Kaaduk Anxaxin Raatay Buxaaxih Asqussubiyya Kee Maaqiddi Tabsih Taddeera Baxaabaxsa Le Dagaritte Lih Cattiimak Bisoh Axceloonum Yiysixxige ። Fana Brodkasting Korporeeshin, Walta Media Kee Communication Korporeeshin Kee Wafa Marketing Promotion Xiqsitta Egla 150 Takke Barteynit Baritto Mansoofah Qakol Abeenih Yaniinim Qaddoysen ። Tama Mirocti kaaduk Asoosa Magaalal Coox Daabisiyyih Taddera Gexseenih Yaniinim Timixxige ።

Addis Ababa Ximolik12 Sanat 2016 (ENA) Qafár Agatih Rakaakayih Doolatak Naharsí Saqal Massakaxxa le Cajji Awwal Qarba Kee Federaal Doolatak Culenti Malaak Gifti Aynaalem Neguuse Miraacissah Tan Federaal Kee Rakaakayak Fayya le Miraaciinih Erga Dubtê Daqaarak Ayrolaf Awdak Dabalaytoh Dariifal Anxaxin Raatih Taddeera Gexsen Tama aracal Federaalak Gumruuk Komishinik Komishineerih yan Gifta Xebele Qhabeta Kee Qafár Rakaakayih Doolatak Fayya le miraaciini edde anuk dariifah ayyunti elle geytimen.   Naharsi saqal Massakaxxa le Cajji Awwal Qarba tama aracal tatruseh yan farmol Qafar Baaxo Aggiriqqe sinni Weeqaytuy ,Buqreh Yakke Leemih Taagah Ummatta leh tan Saamit Antifiquk Anxaxin Coox Daabisak ,Maaqiddak isinnih Isinni Duudaanaah, Hawâ Milaagu Isinnik Yaymaaqeenim Faxxintah Tanim Yescesse. Baaxô Caddol Yibbixeenih yanin Anxaxin Raat Daabisaanamih Taddeera Udduruuk Uddur Milaagu Baahak geytintam tescesseh tan Federaalak Culenti Malaakah tan Gifti Aynaalem Neguuse Foocah fanah annah tan Taamoomi Diggoosoonuh Miraaciini Garuuq kee Ummattâ Gabatagle Faxxintah Tanim Kassisse. Federaalak Gumurruk Komishinik Komishineerih yan Gifta Xebele Qhabeta isinni dacrisaah, dagraanamal cami alle-sinnih tan Qafar Ummatta Anxaxin Raat Daabisaanaah, hanaawisaanamal aham fanah akkuk temeete taamoomi Assakat lem yabaloonu xiqeenim diggoyse.   Rakaakayak Buqre kee Ginô Gaddih Daddoosih Biirok Naharsi Saqal Cajji Ibraahim Qusbaan tama taddeerah aracal tatruseh yan farmol AsaakîTaddeera Ximoli Alsak 17, 2017 Agat caddol Gexsittu wayta Inki Ayrol 600 Miliyoonih Caxa Daabisaanamih Taddeerak Exxak Tiya kinnih tanim Qaddoose . Tama Erga Anxaxin Raatih Taddeera Gexiseenik Lakal Qamal Dagoytiitih Buxaaxi Yasqusbuseenimih Taama Loogiyâ Magalal Gexsen.

Addis Ababa Ximolik 11 Sanat 2016 (ENA) Rakaakayak Buqre kee Ginô gaddih daddoosih Biiro Qafar Rakaakayal Inki Maacat 600 Miliyon coox Daabisiyyih taddeeraK Faxxiima bicak Gaba Kaleenih Geytimaanam Qaddose ። Naharsi Malaak D/r Abiy Acmad Inki Maacat 600 Miliyoonih Coox Daabisoonuh Inkih Tan Ummatta Gabah Assagolla Edde Haysittaamih Farmo Tatruseh Yanim Tamixxige ።   Sittalih Ugutnek mangom abnam Dudnah Inkih Tan Itiyoppiyal Xaylo Inki Niyal Ninni Raat Cabnay Axcuk Qaddoyse ። Tama seecok ugutak Qafar Rakaakay Sinni Doori Yawaquh Faxxiima Bicak Gaba Kaleenih Geytimaanam Rakaakayak Buqure Kee Ginô Gaddih Daddoosih Biirok Ciggiila Saqal Gifta Qusmaan Macammad Qaddoose ። Ta Saqal ENA elle Qaddoysennal Rakaakayal Inki Maacat coox Daabisoonuh Missoysen cooxih fanak baxabaxsale Qaynatih caxâ baxa edde anuk muuz, mango, papaya, burtukaan kee zeytuun edde Geytimtam Qaddoyse ። Gifta Usman elle yescessennal Inki Maacat Takke coox Daabisiyyih taddera meqe gurral akah takkennah, coox Daabisiyyih Arooca Baxisak "GPS" addat Akah Culta Innah Anak Geytimaanam Qaddoysse ። Ta caxa daabisiyyih tadderal 220,000 daga takke ayyunti exxaaxi edde Tangalu Faxxiima Bica Abak Geytimaanam Qaddoysak Awayih uddur Rakaakayak Rasuk kee daqooritil akkuk geytimah yan bicih taama boolul 95 gaba gaba kalteh geytimtam Qaddoyse ። Tama Taddeeral Doolat Taama Abeenit, Barteynit, Qunxaaneyta, Sayyo Kee Kalah tan Ayyunti exxaaxi Edde Angalelem Yiysixxige. Naharsi malaak Abiy Acmad (Dr.) Inki maacat 600 milyoonih coox daabiseeh, isi raat cabeh, nanu itta geynek, tohuk muxxi abnam dudnah. inkih tan itiyoppiyal ni ratta inki niya luk cabnuh seeco abeenim kassitna ።

Addis Ababa Ximolik 11 Sanat 2016 (ENA) Ciggiila Naharsi Malak Gifta Temeseng Tiruneh Itiyoppiyah Xaylo Inki Maacat 600 Miliyon Coox Daabisak Anxaxin Raat Sitta Lih Caboonhh Taamitaanam Faxximtam Kassiise ። Naharsi Malaak Abiy Acmad (Dr.) Ximoli Alsak 17 Gexsituwa Inki Maacih Anxaxin Raat Taddeera 600 Miliyoonih Coox Dabisnuh Farmo Tatrusem Tamixxige ። Ta Taddeerat Kasle 20 daga takke coox daabissah Qunxaaneyti 10 daga takke coox daabisak Ninni Agatah Linoh Nan Kacanu Elle Faxiima Aracal Qaddosnam Faxximta Axcuk Qaddoyse ። Ciggiila Naharsi Malaak Gifta Temesgen Turuneh Elle Qaddossennal Anxaxin Raatih Taddeera Faxxiima Gital Akkuk Geytimtam Qaddoose ። Tahak Ugut Abak 7.5 bilyoonih coox Daabisoonuh Ekraariseenih Yaniinim 6 bilyoonuk daga takke coox Daabimtem Qaddoyse ። Ta Ikraaroh Addat Dabisen Cooxih Ixxima Taturte Sanootah Dabseenim Edde Anuk 40 Bilyoonih Gufelem kee Liggidi Ikraaro Raqte Uddurih Addat Arac Xagtam Duddah Tanim Qaddoyse ። Naharsi Malaak Abiy Acmad (Dr.) Elle Qaddosennalaay Inki Maacat Anxaxin Raat Taddeera Seecook Ugut Abak Baaxok Inkih Tan Dariifal Coox Dabsaanam Faxximtam Yiysixxige ።   Itiyoppiyah Xaylo Inki Maacih Addat Daabisaanam Faxxiimak Sugtemik Muxxi Daabisak Arac Xagtuh Gabah Assagolla Edde Haak Ni Baaxoh Migaq Fayya Haynuh Sitta Lih Taamitaanam Faxximtam Yiysixxige ። Tahak Ugut Abak Ximolik 17 Gexsitele Inki Maacih Anaxaxin Taddeeral Itiyoppiyah Xaylo Nagay Akah Gabah Assagolla Edde Haysitta Innah Seeco Xayyoose ። 2015 ih, Gexsen Inki Macsentih Taddeerat 566 milyoonuuk daga takke coox Daabimtem Kassitna ።

Addis Ababa Ximolik 9 Sanat 2016 (ENA) Ciggiila Naharsi Malaak Temesgen TUruneh Ta Sanat Anxaxin Taddeerah Addak 40% Takke Coox Abbay Weeqaytih Faacissoh Addat Daabiselem Yiysixxige Ciggiila Naharsi Malaak Gifta Temesgen Tiruneh Dredawa Magaalah Xiinissoh Saqal Gifta Keder Juhar Edde Anuk Rakaakay Saqolti Kee Malokti Dredawa Qali Biirah Parkil Anxaxin Raatih Raatih Taddeeray Gexsen ። A Sanat 7.5 Biliyoonih Coox Daabisoonuh Ikraariseenih Yaniinim Kee Tah Kaxxa Caddol Abak Geytimaanam Ciggiila Naharsi Malaak Qaddoose ።   Amolladi Daabisoonu Waan Cooxuk 40 Gaba Boolul Leeh Addah Nagaytaniina Dacrisoonuh Naba Itiyoppiyak Asqassabe Karawwadih Abbay Weeqaytih Dariifal Dabisak Geytimaanam Yiysixxige ። Dredawa Magaalah Xiiniso Saqal Gifti Keder Juhaar Anxaxin Rata Hawa Milaagih Xisneh Maduur Xisoonuh Lafale Doori Digirta Axcuk Qaddoyse ። Hawa Milaagih Sababah Dredawa Magaalal Ballaaqê Qawwalaylaay, Qabaar Kee Weeqi Qawwalayla Akah Yaynukuseenim Xiqqimtem Yiysixxige ። Ta Sanatih Addat Maaqiddi Caabih Dacayri Kee Sabhalal Le Hawa Gintuh 3 Miliyoonih Coox Daabisoonuh Ikraariseenih Yaniinim Kee Aham Fanah 1.5 Miliyoonih Coox Daabiseenim Yiysixxige ። Anxaxin Raat Dacrisaanam kee Hawa Milaagih Taqabi Yafdigoonuh Abaanah Yanin Macal Bisoh Axcelem Yiysixxige

Addis Ababa Ximolik 7 sanat 2016 (ENA) Anxaxin Raatih daddosih angagoyya lih, caxâ miru kee caxaaxuwa yabqureenimih taama kaxxa milaagu kee xalu geyak geytimta.   Ta assakat le taamak ugutak, ninni taamah afkan naysiisem kee ni cogdaadi tasqussubeh tan qusbaamih taama abnam faxximtaah, ninni dariifah dacayri kee buqre taamah afkan naysiisuh ayyunti edde angaluk gexsitak geytimna.

Addis Ababa Ditelik 28 Sanat 2016 (ENA) Itiyoppiyak Qaran Merraytih Mirocti Kee Taama Abeenit Anxaxin Raat Tadderal Coox Daabisak Isinni Raat Caben ። A saaku miraaciinu kee taama abeynit addis ababak bole garab magaalal tayyaara booxah darre axcuk yamixxige dariifal sinni anxax asta caben Itiyoppiyak Qaran Merrah Eglak Saqalah Yan Gifta Mesfen Tasewu Tama Qaran Merrah Egla Ayyuntiinô Masquuliyyat Kinnim Kee Dariifa Dacayrih Taama Abak Geytimaanam Qaddoose ።   Coox daabisiyyih ossotinah dariifa kataysiinu kee bicale haadiyyi teknoloojit xoqoysimak isi doori digirak geytimam warse ። Qusba kee Qasri Tayyaarat Haadiyyi Ayfaafay, Qaran Merraytitte Baad Caddol Dariifa Xarbi Aynukusoonuh Abaanah Yan Macal, Sarimanele Haadiyyi Siratat Antifiquk Karboon Rubta Kaxxam Aynukusak, Tonnah Uwwaytitte Qagitaak Antifiquk, dariifa dacrisoonuh kaxxa doori digirta   40 hektar takke dariifal 16 alfih coox baaxoh addah samaditteh coox daabisoonuh ekraaro yanim kee taham fanah 27 alfih coox daabiseenim aqaddoyse ። Tayaara Booxak Geytimeh Yan Oyti Elle Yascasenal Ta Inistitute Taama Abeenit Dabsen Coox Dacayri Abak Isinni Masquuliyat Kibiseloonum kee Fooca Fanah Anxaxin Raatih Taamat Gabat Agle Diggosoonuh Bisoh Axceloonum Qaddosen ።

Addis Ababa Diteli 28 Sanat 2016 (ENA) Itiyoppiyak Xaagi Qawa Ayfaaf Gitah Yan Oyta Yaceenimik Kalah Kaadu Anxaxin Raatihb Taddiirah Addat Abak Geytimaanam Itiyoppiyak Xaagi Ayfaafak Ciggiila Saqalah Yan Negasi Ambaye Qaddoose ።   Naharsi Malaak D/r Abiy Acmad Asanat Anxaxin Raat Taddeera Hayek Magaalal Baxaabaxsale gurral Qimmiseh Yanim Kassitna ። ENA miraaciinu kee mihrat leela kaaduk Entoto parkil coox daabisak sinni anxax asta caben ። Toh tonnal anuk Itiyoppiyak xaaguh Ayfaafak Ciggiila saqalah yan Negasi Ambaye iyyemih Ta xiso mango sanootah coox daabisak isi asta bicsak geytimta ። Usuk Elle Qaddosennalaay Ta Inistitute Dabise Coox Baaxoh Addal Geytimam kee Inkih yan Ux Uddurih Addat Ballaaqê Xaylo Qagitaak Geytimam Qaddoose ። Daabiseenih yanin coox dacayrih bical yaniinim tama coox daabisiyyat tengele miraaciinu kee mihrat leela qaddoysen ።   Ta Sanat Anxaxin Raatih Barnaamijih Addat 7.5 Bilyoonih Takke Coox Dabsaanam Ekraarimteh Tanim Kee "Baaxo Dabsaanam, Sarimanele Ado" Axcuk Miracsenta Mabla Luk Abni Taama Qimmiseenih Yaniinim Timixxige ።

Addis Ababa; Ditelik 27 Sanat 2016 (ENA) Federeeshin Malah Buxak Afteenah Yan Gifta Agnehu Teshager Karma labbatih Ayfaaf Taama Qimmisoonuh Butajra Magaalal Cule ። Afteena Agnehu Tashaager Federeeshin malah Buxah Gubat Raqta fanteynaani Buxaaxi Asqussubiyya Kee Barteynit Barittoh Silaacitte Xayyoosaanam Taddera Qimbiseloonum Yiysixxigen.   Mala buxah Afteyni Butajra magaala gufe waqdi Fanti Itiyopiyah rakaakayak saqal Gifta Ashashaw Tasawu kee rakaakayak fayya le mirocti garayyo kaah aben. Federeeshin Malah buxak Fayya Le Mirocti Kee Kay Gubat Raqta Missoynaanih Edde Anuk Afteena Ta Tadeera Edde Tengele Majlis kee Rakaakayak fayyale miroctiiy, Majlisik masquuliyat leh tan xisoosah saqoltii kee taama abeynit tonnah kaadu massakaxxale qibina edde anuk tama barnaamiji Baxaabaxsale gurral qimbimelem qaddoysen. Ayro Mawqah Gurgaon Zoonul 24 Miliyoonih Takke Coox Daddoosih Ekraaroh Addat, Coox Daddoosih Taddeera Gexsitele.   Federeshin Malah Buxak Geytime Oyti Elle Yascassennal, Ta Malah Buxa Taturte Sanootah Baxaabaxsa Le Dariifal Geytimta Karmah Anxaxin Rata Tadeera Abbinoosak Geytimtam Qaddoosen Naharsi Malaak D/r Abiy Acmad Baxaabaxsale Caddol Qimbisem Ta Sanat Anxaxin Raatih Tadeera " Coox Dacayri Baaxo kee Sarimanele Ado" Caxah Alsak 22, 2016 Gabbi Wolo Rasuk Hayqi Magaalal Qimbise Tamixxige ።

Addis Ababa Ditelil 23 Sanat 2016 (ENA) Ciggiila Naharsi Malaak Gifta Temeseng Turuneh Anxax Ibih Taddeera Dariifa Dacayrih Uguugus Aysaxaaxag Abak Anxax Gino Kee Qaafiyat Le Ardi Fooca Fanah Tabsenno Axcuk Qaddoose ። Ciggiila Naharsi Malaak Isi Ayyuntiinô Retteemah Galil Tatruse Farmol Bishoft Kutbe Abeh Yan Mesenkaca Yaqusbuseh Yan Kalit Gino Ritmi Ankacisaanam Kee Qaxmeqe Gad Elle Yaysixxigen Arac Kinnim Qaddoose ።   Ta sanatih Coox Daabissa Baaxo Diggossa Hora itta Maxcol Axcuk Barnaamijih Qimbisneh nan barnaamijih addat gexsitak geytimna Axcuk Qaddoyse ። Anxaxin Raatih Taamal Anxaxin Gino kee Qaafiyat le Ardi Ciggilta Horah Dariifa Bicale Uguugus Aysaxaxaguk Anxaxin Baaxo Horal Tabsenno Axcuk Qaddoyse ።

Addis Ababa Ditelik 17 sanat 2016 (ENA) Ciggiila Naharsi Malaakih Bilhadal Demokraasih Siirat Xisneh Koobaahissoh Fanteenah Saqal Kee Leeda Partik Ciggiila Pirezdantih Yan Gifta Adam Farac Kee Partik Fayya Le Mirocti Kee Taama Abeenit Lemi Kura Magaalah Footumah Addal Caxah Daabisaanamih Taddeera Gexsen ። Gifta Adam Farac Ta Tadderal Abeh Yan Yaabal Anxaxin Raatih Tadeera Kimal A saaku Kee Beerih Ado Akah Tasgoorowtannah Kaxxa Uguugus Kinnim Kee Itiyoppiya Rakaakayle Pilaanet Ginaanamih Doori Akah Kibtannah Abak Geytimtam Qaddoose ።   Kimal Abeenih Yanin Aydaaditte Bisoh Haanam Xiqqimtah, Qawwalayla Maytanih Kalalaanam Kee Ni Baaxo Hawa Milaagih Taqabi Kalaloonuh Bictam Kinnim Yiysixxige ። Taamâ saami ginaanamay, murti dadlisaanam kee A saaku tan horak maaqiddi kibal yasmitoonuh kaxxa doori Digirak Geytimam yescesse ። Rusqa milaagu Ramitte sinni Anxax Qidaddoh xisneh kaxxa doori digirtem Qaddoysen ። Sarra Horah Takkeh Tan Baaxo Kee Baadak Fooci Horah Takke Baaxo Tabsaanam Sinni Dirkik Akah Yawuqen Innah Abak Geytimna Axcuk Qaddoose ። Tayse Baaxo Kee Pilaaneti Fooca Fanah Tabsaanamal Abnah nan Macalal Arac Xagtem Kee Baad Caddol Leh Yan Doori Akah Tabsan Innah Abak Geytimna Taama Kinnim Qaddoyse ። Tohih taagah barri kee magaalâ dariifal inkih maqarroosaanam faxximtam qaddoyse ።   Leeda Partik Addis Ababah Luddih Kutbeh Buxak Saqalah Yan Gifta Moges Balcha Itiyoppiya Sariino Kee Raacat Leh Tan Baaxo Akah Takkennah Abak Geytimaanam Qaddoose ። Addis Ababa Diplomaasih Fanteenah Kinnim Kee Anxaxin Raatih Daabisaanam Abak Geytimaanam Yiysixxige ። Addis Ababa Qaxmeqe Magaala Akah Takkennah Kaxxa Caddoh Taama Akkuk Geytimtam Kassiisaak, Leeda Parti Tah Abina Akah Assannah Leh Tan Siyaasa Margaqa Abinal Ayballuk Geytimtam Yiysixxige ። Naharsi Malaak D/r Abiy Acmad Ta Sanat Anxaxin Ibih Taddeera "Baaxo Dabsaanam Kee Sarimanele Ado" Xiqsitta Mabla Lih Caxah Alsak 22/2016 Gabbi Wolo Zoon Haki Magaalal Qemmiseenim Timixxige ። Ta Sanat 7.5 Bilyoonih Coox Daabisoonuh Ikraariseenih Yaniinim Kee Coox Daabisen Ixxima 40 Bilyoonih Gufele.

Addis Ababa Ditelik 11 sanat 2016 (ENA) Itiyo Telekom "Algin Itiyoppiya Dabisen Baaxoh Sarimanele Ado" Axcuk A Sanat Anxaxin Raatih Tadeera Qimbise. Ethio Telekomuk Naharsi Saqaláh Tan Firehiwot Tamru Tama Taddeerah Aracal Elle Qaddossennal, Itiyo Telekom Anxaxin Raatih Tadeera A Sanat Ditelik 11 sanat 2016 Ila Ditelik 30 Fanal Garab Miliyoonih Coox Dabiselem Yiysixxigen.   Addis Ababa Edde Anuk Inkih Tan Baaxo Caddol Akkelem Yiysixxigen. 4 Alfi Takke Baaxo Xayloh Taama Saami Akah Ginnimtannah Abeloonum Warsen. Ityo Telekomul Leenah Taama Gexse Elle Tescessennal Ta Taamak Faticisiyyi Caddo Boolul 85 amo gufteh Tanim Kee Tahak Yayseh Xali Akah Yamaatennah Qaago Loonum Ascassuk, Inistitute Taham Fanah 3.8 Milyoonih Coox Dabiseenih LGeytimaanam Tiysixxige.

Addis Ababa Ditelik 4 sanat 2016 (ENA) Anxaxin Raatih Daabisiyyi waktih addat Abna taama meqe Qimmot tanim kee Daffesneh nan hadaf Aracat hayta Caddol Geytimta Naharsi Malaak D/r Abiy Acmad Qaddoyse ። Naharsi Malaak Isi Ayyuntiinô Retteemah Golil Tatruseh Yan Farmol A saaku Garbo Cugaysoh Aracal Tuffaac Coox Dabisne Axcuk Qaddoose ። Ni Ayyunti Coox Daabisaanamih Uguugus Fayya Lem Kinni Axcuk Naharsi Malaak Qaddoose ።   kalah Kaaduk sanata Tama dariifal coox daabisiyyih Taama Dumak baxsa Kah lem dumaahi baddi qayso alfenta duugumtem kee aracat gacteh baaxoh addah terrace taama kee coox kinnim Qaddoyse ። Harar kee konsok temeeteh tan ni ummatta ballaaqê laqna kalaloonuh Xiqan Gurrak Abak Raag tabisa Neh Abak geytimaana Axcuk Qaddoyse ። Naharsi Malaak Elle Qaddosennalaay Magaalol Addal Anxaxin Raat Dacayrih Taama Sitta Lih Abak Abak Addis Ababak Anxax Dariifa Baarisaanam Dudnam Yiysixxige ።  

Addis Ababa Ditelik 1 sanat 2016 (ENA) Ta sanatih Anxaxin Raatih barnaamiji Dredawa magaalal mango Aaynatih tuxxiq le coox daabisak asaaku qaduuk qimbisen :: Ta Tadeera Dredawa Magaalah Xiinissoh Saqal Gifta Kedir Juhar Kee Kalah Tan Magaala Xinissoh Miraacini Harla Barri Awydal Qimbisen ::   Doolat Taama Abeenit kee Baxaabaxsale Ayyunti Exxaaxi Tonah kaddu Saay Dagorti Edde Angalelem Anxaxin Raatih Tadeera Harla Awudal Aydaadi Wacaysir Fanteenal Qimmiseh Yan "Coox Dabbah Baaxo, Sarimanele Ado". Itta Maxcol Gexsen :: Ta Sanat Anxaxin Raatih Tadeera Sidooca Milyoonih Silal Caxâ kee Garbo Kee Qaxmaqaane Coox Daabisoonuh Faxxiima Bica Abak Taham Fana 2.8 Milyoon Dredawa Magaalah Xiinissoh Gubat Tan Barri Dariifa Kee Aqudoodil Daabiseloonum Qaddoysen ::

Addis Ababa waysuk 29 sanat 2016 (ENA) Arbaamichi Baxaabaxsale Caxaaxuwa kee caxâ miri cooxuy, Anxaxin Garbo sartanah leeh racta lee kee ginô gaddi ramidih elle yan dariifa. Ginô mattacooh naba qaago luk sugteh tan baaxoy abnu wayna taama a gaddat libdo luk nantifiquh nee catele. "Gebeta Harâ horâ cugayso baaxoh adda kee irô baaxol tan Itiyoppiyah xaylo a baaxo jannat abnuh isinni caddik awquk baaxol Investment abaanam.

Addis Ababa waysuk 27 sanat 2016 (ENA) Qafar Rakaakayak Naharsi Saqal Cajji Awwal Qarba Qammih baxi Daqaarak Sidha Fagi Awudal Rakaakayak Caddol Anxaxin Raatih Taddeera Qimmise :: Ta taddiira " Coox Daabissa Baaxo Diggossah tan hora" Itta Maxcol Tama Taddeera gexsoonu Xiqen :: Rakaakayak A saaku qimbimeh yan Anaxaxin Raatih Tadderal Ta hadafah Arcat Heen 250 hektaar takke baaxol coox Daabissiyya Abeenim Qaddoysen :: Tama Taddeeral Amibarah buqre Daddoysih Eglah taama abeynit kee dariifah ayyunta Coox Daabisso Gexseenim kee baxsa luk Burtukaan kee papaya coox mangom daabiseenih Yaniinim Timixxige :: A saakih Ayro Rakaakayak Naharsi Saqal Cajji Awwal Qarba elle Qaddoyseh Yan Innal ni ummatta coox daabisaanamih Qaada ossisak Daabisen coox hanaawisaanam faxximtam Qaddoyse :: Daabisen coox mango tuxxiq le coox kinnim Ascassuk ummattah Antifiqimiyyi Fayya Axcuk geytimam qaddosen :: Rakaakayak saqaay buqre kee gino gaddih biiroh saqalah yan Cajji Ibrahim Usmaan tatre sanatih addat yekkeh yan milaagi Rakaakayal sirray buqre kee Anxaxin Raatih taddiiral milaagi Geytimeh Yanim qaddoyse ::   Tama Rakaakayal 900 Alfih Muuz Coox Dabeenim Kee Ta Sanat 131 Alfih Kuntaal Murti Qadaaga Fanah Culeenim Ceelalloh Yescesse :: Rakaakayak saqaay Buqure kee Gino gaddih Biirok ciggiila saqalah yan Gifta Qusmaan Macammad elle yescessennal a sanatih tadderal 10 milyoonih coox daabise loonum qaddoyse :: Tama Cooxih Addak Boolul 60 Gaba Yakmeenim Xiqqimtah Tan Caxâ Baaxoh Coox Kinnim Kee Boolul 40 Gaba Kaadu Silaalak Kee Kalah Tan Hadafah Edde Yantifiqen Innah Abak Geytimaanam Yiysixxige : Tama Tadeera Saqaay Buqure Kee Gino Gaddih Biiro kee Qammih Baxa Buqre Daddoosih Egla Sitta Luk Cattiimak Missoysen Taddeera Kinnim Qaddoysen ::

Addis Ababa waysuk 24 sanat 2016 (ENA) Gambellah Rakaakayal Ciggiila Naharsi Malaak Gifta Temeseng Tiruneh Gambellah Rakaakayal Anxaxin Raatih Taddeera Abak Geytima :: Ciggiila Naharsi Malaak Ayyuntiinô Retteemah Golil Tatruseh Yan Farmol Gambellah Rakaakayal A sanat Anxaxin Raatih Tadeera "Coox Dabbissah Tan Baaxo, Maqarle Ado" Axcuk Qimmisneh Axcuk Qaddoyse ::   A saaku Gambellah Anuwaha Rasul Dima Daqaaral Anxaxin Raatih taddeera abbinoyseenih yaniinim qaddoysen :: Taturteh Tan Uddur Ciggiila Naharsi Malaak Ta Tadderal Baadal Cakkumuk Sugte Mayso Geyneeh Ta Maysoh Doolat Kee Ayyunti Sittin Qokol Kee Diggola Kaxxam Faxximtam Kassiise :: Tohih taagah, inkih tan wagsiisa maritte sinni doori digirtaah, anxax dadal ni ayyuntih addal qaada akah Raqtannah kee gersi ni taamah addat kataysis akah takkennah seeco xayyoysa ::

Addis Ababa waysuk 22 sanat 2016 (ENA) Naharsi Malaak D/r Abiy Acmad A saakih Ayro Amaara Rakaakayak Gabbi Qaxih Wollo Rasuk Hayqhi Magaalal A sanat Anxaxin Raatih Taama Qimmise :: Naharsi Malaak Isi Ayyuntiinô Retteemah Galil Tatruseh Yan Farmol Elle Qaddoosennal Amaarah Rakaakayak Gabbi Qaxih Wollo Rasuk Hayqhi Magaalal A Sanat Anxaxin Raatih Taama Qimbisnem Axcuk Qaddoose ::   Coox Daabisna waqdi Baaxo inxixi Abnam dibuk hinnay, Kulli Madduur Luddal Cayla Osisnam Naharsi Malak Yiysixxige ::

Addis Absba Waysuk 21 sanat 2016 (ENA) Leeda Partik Sayyoh Liigik Agat Karmah Uddur Gexsan Labbat Ayfaaf Gaamo Rasul Qaduuk Qimmisen :: Tama Labbat Ayfaaf A saaku Leeda Partik Dimokraasih Qaadah Xisneh koobaahise Gifta Meles Alemu Kee Leeda Partik Sayyo Liigih Pirezdantih Yan Gifti Zehara Cumed A saaku Qimbisen.     Gamo zonuk Arba Minchi daqaarak dorga kebele abaya badih qaxal coox daabisak Leeda Partik Sayyo liigik karmah meqem abittoh ayfaafih taama a saaku Qaduuk qimbisen :: Leeda Partih Sayyoh Liigik Taama Selta Makaadoh Adoytiit Coox daabisiyyih taddeerat tengeleh tan Arba Minchi Magaalal Baxaabaxsale Lemat Taddera Taama Kalah Kaadu Saytunne Taama Abak Geytimaanam Qaddoosen :: Tama Gaadul Federaal Kee Rakaakayittek Leeda Partik Sayyo Liig Taama Selta Makaadoh Adoytiit Edde Tengele :: Toh tonnal anuk, Gabbi qaxih Ityoppiyah Rakaakay, Gamo rasiiy, Arba Minchi magaala kee arba minchi daqaarak miraacinni dagorti edde tengele ::

Addis Ababa waysuk 18 sanat 2016 (ENA) Anxaxin Raatih Taama Ciggilta Horah Tayse Dariifa Angrisnuh A saaku kak Nawuqe Masquliyyata Kinnuk Itiyopiyah Xaylo Hangi Akah Acayuk Gabah Assagolla Edde Haysitoonuh Federeeshin Malah Buxak C/Afteyna Gifti Zahara Cummad Seeco Tatrusse :: Baadal Kaxxa Taqabi Kattasah Murti kee Murtissoh Fayya Haanamal Adaf Akkuk Geytimtam Rusqa Milaagu Kinni :: Naharsi Malaak D/r Abiy Acmad Mabla Xayyosul Qemmimteh Tan A sanati kah 6 Haytoh Adda Kinnih Yan Anxaxin Raatih Taddeera Itiyopiyak Taturak Baad Caddol Mamaaxaga Geytu Xiqte :: Sanat 2016 Karmah Uddur Anxaxin Raatih Taddeeral 7.5 Biliyoon Coox Daabisoonuh Ekraariseemin kinnuk Tahah kaaduk Coox Missoysaanam kee Arooca Baxsaanamih Taama Tekkem Qaddoysen :: Tama Caagidil Yaabisneh Nan Federeeshin Malah Buxak C/Afteyna Gifti Zahara Cummad Elle Qaddoseh Tan innal Anxaxin Raatih Taama Qedaddo kee Buqurel Rakuh Tan Itiyopiyak Manot Axawah Yan Caagid Kinnim Qaddose :: Baxsa luk Dacarsittoh Xiina kee Buqureh Xiinah Ayyuntat Qabar Edde Anuk Booda Rusqa Milaagih Taqabitte Qemmoh Biyaakittam Ken Kinnih Tanim Qaddose :: Anxaxin Raatih Taama Agat kee Horal Kaxxa Bohoy Akkuk Geytima Rusqa Milaagu Yaynukusoonu kee Horah Yayse Dariifa Ginoonuh Faxximta Maqatta kinnim Qaddose :: Anxaxin Raatih Taama Baaxo Nagartah Tan Horah Tayse Leedeh Tan Agat Nagrisnuh Kak Nawuqe Masquliyyat Kinnim Qaddoysak Kulli Num Sinni Doorik Yawuqem Faxximtam Qaddose ::