Addis Ababa Qasa Dirrik 16 Sanat 2017 (ENA) Qafár rakaakayih addal baxaabaxsa le coox samadittek samadak teenah tan Qas-qeera/Qas-Qeeraytô caxak samad baxaabaxsa le sababitteek gexxaamah bayak geytimtam kusaaqitte tascasse. Samarâ jaamiqatak Bayloojî barittoh exxak barseenaay, 3 haytô digri coox missoh langil kattaatak geytimah yan barseena Macammad Shumbacrî luk abneh nan Esser kee gacsa ahaak gubal xayyoossenno Samarâ jaamiqat :-qimboh Esser kee gacsa kok abnuh koh abneh nan seeco oggolak mihral caddol addâ fakoot neh abtuh temeeteemih Kulsa le gadda koh gacisna.   Samarâ jaamiqat Tatureh ayyaamah anu gersí kusaaq abeenitî luk gacak abteenih tanin kusaaq taamal F.L.L Aprilik 16 2025 yewqeh yanim nubleh sugne Too kusaaq wagsiisak dagoo addâ fakoot neh abey ? Macammad :- tama kusaaq lafa luk anu abak geytimah anim takkay immay baad caddoh xaagih warkatal ( International Journalal) booddah tan adafittek elle taban gurral qokol geyuh Springer Nature diqsittah tan baad caddol matbaqat caagiida abtah tan Shirkatâ luk cattiimak Biodiversity and Conservation iyya ammuntal "Dracaena ombet in peril in Ethiopia: a call for attention and action" Iyya ammuntih kusaaq akah yawqennah abne. #Samarâ jaamiqat:- Qas qeerâ caxah kinnaane wagsiisak dagoom neh baxxaaqisey? #Macammad:- Qas Qeerayto/ Qas qeerâ caxa qabaar kee cagay gibdaabina quuktaamih dudda le caxa, Qas qeeraytô caxah caffi saqi yakmeeh, teetik xaylo kaadu sahdaytí baxih maaqo takkeh, tonnaah tama caxa Xaylah edde yantifiqeenih. Qas qeerâ caxak dab buxah uwwayti akak bicsan axcih Can edde yaxiggilen (qarsan) ayniiy, canaay lab qittaa kee qitta edde haan mingil akak bicsaanaah, Dagca(buutí daro) edde haan Xayyoosan kooraay, diidaalê good akak bicisaanam kee tonnaah ayrok elle iraawitaanam duudan. #Samarâ jaamiqat:- Qas qeerâ caxa Itiyoopiyak iroo kee ní baaxoh addak maa baaxooxal geytimtaah? Is maa caalatat taniih? #Macammad:- Awayî saaqat Qas-qeerayto Itiyoopiyak irol Masriiy, Suudan kee Yamanal geytimtah tanim kee tama caxak Samad saaxuh kaxxa qawwalaylah addat geytimtaamih taagah IUCN missoyna baadal Samad akak bayuh kaxxa addat yanih yan samadat loowoh tan tama caxa   Qas-qeerâ caxa wagsiisak taham fanah tekkeh tan kusaaqittel Itiyoopiyah addak Qafár rakaakayaay, Tigray rakaakayak inki inki dariifaa kee Soomaalî rakaakayak geytimtah tanim tascassem Kassiise. Tama caxa ginô qawwalaylaa kee Sahdayti baxi ginah yan qawwalaylaak gexxaamah udduuruk udduur Qas-qeerâ caxah samadih ixxima daggoowak temeeteh geytimta. #Samarâ jaamiqat:-Isin abteenih tanin kusaaqal Qas-qeerâ caxa saaxak cattoonuh mannah yan doori lem takkaleeh? #Macammad:- Away "Springer Nature"il matbaqak akak akkuk yewqeh yan kusaaqal Samarâ jaamiqatak anu edde anuk Mekelê jaamiqataay, Qaddi giraat jaamiqat jaamiqatittee kee PLEM Itiyoopiyah missoynah Mihratleela edde tengele. Tama kusaaqal Qas-qeerâ caxa edde tan caddoo kee Tet saaxak catoonuh xiqsiissah tan tan mabloolii kee recommendation elle daffesneh geytimna. tohut Ossotinah baxaabaxsa le kusaaqittel mekelê Jaamiqataay addis ababah Jaamiqataay, addi giraat jaamiqat keeb Samarâ jaamiqat gexiseeniih uxih gexisak geytiman Saynis kusaaqittel Qas-qeerâ caxa saaxak cataanam kaxxaam faxximtam kee wakti akah yaceenim faxxiime sinni caagid kinnim elle nescesse. #Samarâ jaamiqat:- Qas-qeerâ caxa takkuu gersí cooxuy samad akak bayak geytimah yan baaxoh addal geytimah yan coox saaxak catoonuh Samarâ jaamiqat mannah yan macal abak geytimtaah? #Macammad:- tama kusaaqitteek ugut abak Samarâ jaamiqatak kusaaq kee Teknoloojî tabaatabsak ciggiila Prezidantih maktabih gubaak xissiimeh yan kafin dariifah (Biodiversity research) kusaaq kee dacayrî fanteena xissimteh geytimta. Toh yaanam Samarâ jaamiqatak inaytah gasoh addal baaxoh addal yan cooxih samad saaxaamak kusaaqissaah hanaawissah tan fanteenah yakkeh yan arac abbixuk Qafar Rakaakayak baxaabaxsa le daqooritik Coox xaylo kee yaabukeh yan qunxa coox elle gaaboosak too aracal Daddos taama qimbisuh taakume bicitte gaba kalak geytima. Tama fanteenak saqal akkuk tama fanteena anu miraacisak geytima Tama fanteenal yaysubukoonuh ikraaro akah Yibbixeenih yanin baaxoh addah cooxuk tiyakteenah tanim Qas-qeerâ caxa. Tama fanteena bartiyyaa kee barsiyyi fanteena kinniimik ossotinah dariifah ayyuntah baxaabaxsa le aydakaakanitte aceele. Ossotinah baaxoh addal geytimah yan baxsa le cooxuk qunxa coox aysubukuk ayyuntah keefnuh ikraaro nibbixeh geytimna. #Samarâ jaamiqat Liisoli Dr Macammad Shumbacri Qas-qeerâ caxa wagsiisak lito mihratih caddol neh abteh baar le baxxaaqsah Samarâ jaamiqatih migaaqal kulsa le gadda koh gacisna

Ni ballaaqeh darriiti ni Leedah! Addis Ababa Qasa Dirrik 12 Sanat 2017 (ENA) Qafar Agatih Rakaakayih Doolatak Naharsi Saqal Cajji Awwa Qarba "Ni ballaaqeh darriiti ni Leedah!" inta itrol Sifral qimbisiise ginô gaddih dacayrih taddeera Asaakih ayro Axcih 12/08/207 l.l.l Qafar Rakaakayih Doolatak Kabxa kee Qadaaga daddoosih Biirok C/Saqal Gifta Qabdu Casan Kee Kiblatti Rasuk Leedah Kutbeh Buxak Nahrasi Saqal Gifta Macammad Casana Qabdalla miraacisak Daqaar Miraacinu Kee Rasi Miraacini edde anuk gexsen.   Naharsi Saqal massakaxxale Cajji Awwal Qarba qimbisiiseh yan tama taddeera addah oobisaanamih taama kinnuuk kiblatti rasuk wasami daqaaral inkih yan rasu kee daqorti miraaciinuuy mangoh yan ayyunti xagorti edde tengele ni ballaaqeh darriiti ni Leedah inta itrol ayyunti uguugusih taddiira gexsen. Ayyunti maaqiddi muddaqiinu ninni dudnuh makkalsim kasak murtissoh fanah linoh nan afkan arac xagisnuh doolat kee Leedâ massoynah xaqut yaniinim qaduuk abinal baxxaqisen.

Addis Ababa Qasa Dirrik 9 Sanat 2017 (ENA) 70 Heele Afrikah Gaysak Silayti Mabla Gudgud (GHACOF 70) Laqiin Alsak 11 Kee 12 Sanat 2017 Addis Ababal Gexsitele Axcuk Qambaalan. Ta kobox " Hawa Ayfaf: Naharsi Mabitinah Dudda Sittaluk Maqarrosanam" Inta Mafdagal Gexsitelem Qaddoysen . Ta kobox Doolatak Addah Daddos Miraacini (IGAD) Hawa Fayxi kee Assabalta Fanteena (ICPAC) Daddos Wakliitilih Cattiimak Bicisen. IGAD ENA Yece Maybalaalaqal Qado Dirrik Ila Laqiin 2025 Fanah Hawa Fayxih Abinosiyal Walal Abeloonum Qaddosen. Dariifak Hawa Fayxih Walal Waysuk Ila Qunxa Garabluk 2025 Ta koboxul Gexsitelem Qaddoyse . Hawa fayramoh tuxxiiqitte kee xiinisso makcâ gurut walal akkelem Qaddoysen . Ta gudgud IGAD adoytit baaxooxay, kusaaqiseenit, pooliisih abbobtiiy, daddos waklentit kee wagitta xagaritte ittat geele. IGAD tiysixxigem silayti faalal kee fantaaxaw le workishoopitte gexsitele lafa le koboxuk naharal. 69 hele Afrikak Hawa Fayxih Forem Agda baxissok 2017 Addis Ababal Gexisen.

Qafár Rakaakayak Carri Rasuk Caxxa le Qeeli DaqaaralAkkuk Geytimta Ballaqe Waaso Kee Leeh Hooroh Taama #Muuci  

Addis Ababa Qado Dirrik 29 Sanat 2017 (ENA) Leceyhaytoh Afrikak Hawa Caagidih Walal Kee Sarimaane le Daddosih Hadafih Forom A saaku Ugandak Kampala Magaalal Qimbisen. Ta Walal Hawa Milaagih Maaliyyah Qokol Sarimaane le Anxaxin Daddala kee Daddos Afrikal: Qadli Caagida" Inta Gubat Gexsitak Geytima. Tama Qaffaydah Fakkenti Afrikah Inkiinoh Komishinik Buqreey, Barri Daddosuuy, Kuclin Maddur Kee Sarriino Le Daddosih Komishineerih Yan Moses Vilakatiy, Inkiinoh Saqoltiiy, Afrikah Baaxooxah Awlaytit, Boliisih Taama Abeenit, Kusaq Abeenit, Qokolih Taama Abeynit Kee Kalah Tan Wagsiisah Yan Dagorti Edde Tengele.   ENA Afrikah Inkiinoh Eglak (AU) 29 Heele Galli Maroh Eglak Hawa Milaagih Konferensil (COP29) Azerbaijaan Baku Magaalal Gexsen Margaqooqil Beyteh Tan Margaqooqi Wagittaamal Fayi Akah Gexannah Abak Geytimaanam Qaddoysen. COP29 Hawa Milaagih Maaliyyah Catol Yekke Margaqooqi Afrikah Caagiidal Ruftole Raddi Akah Yaceen Innah Abak, Baaxooxa Ta Caagidil Isini Xongolo Akah Yabtannah Abak Geytimaanam Qaddosen. Ciggiila sanat Biraazilik Belém Magaalal Gexsitele 30 Heele Galli Maroh Eglak Hawa Milaagih Konferensil (COP30) Afrikah Inkih Tan Afkanitte Maca Takkem Faxximtaah? A caagidil walal akkele axcuk qambaalan. Sanat 2024 Afrikal Hawa Milaagih Caagiida Kee Sanat 2025 Ajenxa Wagsiisak Walal Gexsitele. 38hytoh Afrikah Inkiinoh Daffeyna Kee Afrikah Baaxooxa Kee Doolat Saqolti Hawa Milaagih Caagiidal Makaado (CAHOSCC) Hawa Milaagih Caagiidal Addah Ababal Yekkeh Yan Margaqooqi Sekkacsele. Afrikak Sarrimanele Daddosih Hadafitte Abbinoysaanam Kee Fooca Fanah Hangi Akah Yaceen Afkanitte Kaadu Tama Walal Ajenxal Geytimta. Saytun Maqab Lee Kee Ayyunti Saytunnos Hangi Akah Yaceen WASH Cugaysoh Abnisso Gabat Agle Leh Tan Maritteh Xayyoosak Fayitte Akah Xayyoosan Innah Abak Geytiman. Ta Daffeynal Hawa Milaagih Kalalu Kee Sarrimanele Daddoosih Hadafitte Wagsiisak Calli Ogolelem Tama Eglah Oyti Yascasse. Leceytoh Afrikak Hawa Caagiidal Walal Kee Sarriino Le Daddos Hadafih Forem Ilaa Beera Fanah Gexsitele Axcuk Qambaalan. #Itiyoppiyak_Xaagi_Raceyna #ENA #Itiyoppiya #AU

Addis Ababa Qado dirrik 10 Sanat 2017 (ENA) Baadak Garbo Ayroh Qaffayda Wagsiisak Itiyoppiyak Garbo Daddoosih Mirocti Kee Mihratleela Ayro Mawqah Shewa Rasih Xintok Axeqah Daqaaral Daabisen Coox Dacayrih Taddeera Gexisen. Itiyoppiyak Garbo Dacayrih Exxak Naharsi Dayrekterih Yan Kebede Yimam Elle Qaddosennal, Baaxoh Addah Baaxooxa Asqassaabeh Abak Geytiman Taama Itiyoppiyak Baxsa Le Dariifa Dacayrih Cato Abak Geytimtam Qaddoose. Baadak Garbo Ayroh Mabla "Garbo Kee Maaqidda" Kinnim Qaddoysak Sarimaane Daddos Hadaf Arac Arac Xagtuh Garbo Daddosul Hangi Akah Haan Innah Macal Abak Geytimaanam Qaddoose.   Anxaxin ibi raatittel daabiseenih yanin coox maaqiddi caabih cato takkem xiqtam kee anxaxin ibi raatitte ityoppiyak kalah tan rakaakayah kaxxa ceelallo akkelem ta saqal qaddoyse. Hanaawi kee dacayri anxax raati tadderah abaanam faximtah coox daabisaanam dibuk hinnay tonnah ken hanaawisak garbo fan milaagaanam faxximtam yiysixxigen. Tahak kalah qagisuh kee finqitteh tan arooca edde xoqoysimaanama. Itiyoppiyak Garbo Dacayroh Reedoonih Exxak Ciggiila Dayrekterih Yan Dr. Mutuma Tolera “Itiyoppiya 26.7 Miliyoonih Hektaar Takke Baaxooxa Garbo Edde Buuleh Geytimta. Garboh Alif 23.6 Gabba Ardi, kee Baxaqiseh Doori Anxaxin Ibi Raata Taama Tuxxiqle Tahal. Bayite Garbo Qagitak Bicisuh Abaanah Yanin Macalite Aydukumusa Xalu Geye, Osotinah Garbo Daddos Hawa Milaagih Yaynukusoonuh Faximtah.

Addis Ababa Caxah Alsak 28 Sanat 2017 (ENA) Plan Kee Daddos Malaakah Tan Fitsum Assefa (Dr.) Elle Qaddossennal Jaamiqatitte Itiyoppiya Hawa Milaagih Caagiidal Abak Geytimta Macal Faxxiima Xaloot Akah Geysiisan Innah Abak Geytimta Fokkaaqo Kee Daddos Caagiidal Cato Abelem Qaddoysen . Hawa Forem Xisoonuh Hadaf Le Jaamiqatitte Lih Walal Gexisak Geytiman Plaan Kee Daddos Malaak Qaddoyse Itiyoppiya Hawa Milaagih Caagiidil Koositoonuh Digga le Maaqattooti Beyak Geytimtam Kassise   Doolat Hawa Milaagih Xisnele Anxaxin Maduur Daddosul Rakuh tan Angagoyite Abtol Asisak Geytimam Qaddosse . Anxaxin Raatih Taddera, Gino Gaddi Dacayri kee Daddos, Yaqusbuseen Caylih Raceenaanit Yantifiqenim, kee Silayti Xayosiya Aynukusiyah Macalite Uguugus kinnim Qaddoysen . Tahak Ugut Abak Doolat Hawa Milaagih Kalaluh Baxaabaxsa Le Poliisitte Kee Makcaggur Bicisak Abinosak Geytimtam Qaddoyse . Baaxo kee Baad Caddol Taqabi Yekkeh Yan Hawa Milaagi Kalaloonuh Abaanah Yanin Macal Kusaq Kee Daddosul Qokolanam Faxximtam Kassiise. Tahak Ugut Abak Itiyoppiya Abak Geytimta Macal Baad Caddol Yaysixxigeenimih Taamitaanam Faxximtam Kassiise. Baritto Malaakih Awlaytu Dr. Eba Mijena Elle Qaddossennal Jaamiqatittel Hawa Milaagih Caagidil Kusaq kee Daddos Taama Abinoosanam kee Poliisih Satqo Akah Yantifiqen Innah Maqar luk Taamitaanam Keenik Qabalsimtam Qaddoyse . #Ityoppiyah_Xaagi_Raceyna #ENA #Ityoppiya

Addis Ababa Caxáh Alsak 28 Sanat 2017 (ENA) Inkittiinoh Parkitte Korporeeshin Haramaya Jaamiqat Lih Garboh Addah Dacayrih, Baritto Kee Aydakaakan Saamitte, Kee Kusaq Kee Daddos Caagiidal Sitta Lih Taamitaanam Faxximtam Yiysixxigen. Tama Sittin Gey Inkittiinoh Parkitte Korporeeshin Naharsi Saqalah Yan Tamrat Hayle (Dr) Kee Haramaya Jaamiqatih Pirezdantih Yan Jamal Yusuf (Dr) Sittin Gey Abeenim Yiysixxigen. Ta Sitingeyik Lafale Hadaf Dacayri Aysaxaaxag, Baritto kee Kusaq Itiyyobiyal, Baxsaluk Itiyyobiyah Dalcuuy, Afrikah Dakanu, kee Garbo Faras, Baxsaluk Ken Qafiyat Wagsiisak, Asdoriyi Caloota, Gubti Dacayri, kee Maaqiddi Caagida Naharal Akah Yacen Innah Abaanama. Ta Jaamiqat, Kusaq kee Daddos Taamoomi Lih, Baritto kee Aydakaakan Saamitte Xayoosele Korporeshinih Taama Abeenit kee Abak raag Tabaatabsa Biciselem, Tonah kaddu Korporeshin Garbo Saqah Qafiyat kee Dacayri Cato Xayoosele, Oson Iyeh. Jaamiqat Isi Gasol Dessô Fanteena Kee Jaamiqat Gasol Iroh Ayyuntal Rakuh tan Parki Xisoonuh Sitta Lih Taamitaanam Kee Babile Dakan Dacayrih Arac Sitta Lih Mihratleela Qokol Kee Lowsis Akah Aban Innah Sitta Lih Taamitaanam Faxximtam Yiysixxigen.

Addis Ababa Caxah Alsak 18 Sanat 2017 (ENA) Baaxoh angoyyih sabbatah fentale qalek ugutak geytima gaas kee qer wagittaamal ayyuntiinô rettemal mango mablooli tan. Ta Yawqeh Yan Gaaz Mettaan Kinnih Itiyoppiyah Kaxxa Barkat Kinnim Warsan. Baaxoh angoyyak lakal ardik yawqeh yan gaas macaay? Tahak Ugutaj mixigitte Hayne Esserol Tah Wagsiisam oyta Net Tabseh yan Addis Ababah Jaamiqatak Geophysics, Space Saynis kee Astironomih inistituyutuk kusaq abeena Eliyas Levi (Dr) neh elle warsennal tama qawwalaylak hunun sabab akak geyoonuh kusaq faxxiimam warse.   tannah tan tekkooka nummaak takkem bictah innu kee saduh, ossotinah baxxaaqiseenih too tannah yan tekko takkem bictah Ceelalloh "Ta tekkookah sabab, ardi gubal gexxa laqin lee kee ardi addal geytimta 'organic' uwwaytitte Sitta luk Aban angaaraw takkem bictah." Gersi katuk, kusaq abe ABC xaagih elle warsennal, tama dariifal tekkeh tan baaxoh angoyyih sabab, gaazih addat tekkeh tan baqitte kinnim kee, tama baaxoh addal kibaltti ayro mawqah exxal geytimta. Kusaq Abeh Yan Yaabal “Sukati Kee Gino Gaaz Itiyoppiyak Gabbi Ayro Mawqah Rakaakayal Geytimam Yaaminen kee tama dariifal tekkeh tan qawwalayla tekkek, tama qawwalayla "methane gas" axcuk qaddoysaanam duudak Sugeweenim Qaddoysa Takkay ikkah tamah kinnim kee akke waytam wagsiisak, fooca fanah kusaq kee asmatiyya faxximtam warse. Tawak, Fentale Dariifal Geytimta Baaxoh Angoyyaak Lakal Tumbulleh Tan Qer Hinnay "Gaas" Gino Wagittaamal, Akah Gexannah Abaanam Faxximtam Kassisen. Kusaq Abeh Yan Num Elle Qaddosennalaay, Gersi Gaazitte Axcih Karbon Dioxide Kaadu Silayti Addat Geytimtaamih Taagah, Methan Kinnim Akah Yibbixen Innah Abaanam Faxximtam Kassiise. Tatre ayyaamah New Scientist Websitil Yewqeh Yan Maybalaalaqal, Awroppah Inkiinoh Eglak Satellite Oytitte Elle Yascassennal, Fentale Qaleelak Saaqatal 58 Metrik Toon Takke Methan Gaas Akah Yewqen Innah Abak Geytimaanam Qaddoosen.   Kanadak McGill Jaamiqatak Geologih Barittoh Buxah Saqalah Yan John Stix, New Scientist Xiqsitta Oyti Elle Qaddosennal, Gaazitte, Karbon Diyoksayid Kee Salfer Diyoksayid, Tama Volkaanitteh Addat Geytimtaah, Tama Giddaanim Methan Kaxxam Faxximtam Kinnim Qaddoose. Ta Qawwalayla Wagsiisak Itiyyobiyal Mango Mablooli Tabaatabteh Tan, Mangom Yamixxigem Meteen Gaaz Cayli Raceenah Innah Yantifiqenimih Taagah Itiyyobiyah Qambaaleween Booxa Kinnim kini. Takkay ikkah Addis Ababah Jaamiqatak Jifiziksiiy, Qaran Saynis Kee Astiroonomih Inistituyutuk Kusaq Abeh Yan Elias Levi (Dr) Tamah Diggoosoonuh Addah Yan Kusaq Abaanam Faxximtam Kassiise.

Addis Ababa Ximolik12 Sanat 2016 (ENA) Leeda Partik Leena Kutbeh Buxa Kee Federal Fanteenaanih Fayyale Miraciini Adoytit A saakih Ayro Asosal Magaalal Labbat Ayfaf Qimmiseenih Yaniinim Qaddoysen ። Tama Missoynah Fayya Le Mirocti Kee Federaalak Fayale Xiinissoh Adoytit " Meqem kaban Kee Sittin Qokolu Itiyopiyah Nabna " Axcuk Karmah Meqem Abittoh Ayfaafay Qimmisen ።   Malaak Bilhadal Leeda Partik Leena Kutbeh Buxak Sehadayti Gadda Xiinissoh Saqalah Yan Ambasadder Casan Qabdulqadir Parti Ayyunti Rakiibo Abta Taamoomi Abak Ayyuntah Tuxxiiq Lee Taama Abak Geytimtam Qaddoyse ። Tahak Ugut Abak Addis Ababa Kee Gambellah Rakaakayal Tannah Tan Gaba Dagoytiit Buxaaxi Xisne Abteh Tanim Kassiise ። Ux Udduurih Addat 20 Takke Buxah Maritteh Tuxxiq Leh Tan 4 Buxaaxi Xisoonuh 14 Miliyoonih Birriik Daga Takke Miizaaniyyat Ekraarimteh Tanim Yiysixxige ። Tama Xisne Namma Alsih Addat Gabakalelem Kee Xisnek Maxxat Akah Diggowtannah Kattat Abeloonum Yiysixxige ። Benishangulgumuz Rakaakay Saqal Gifta Ashadli Casan Elle Qaddossennal Meqem Abittoh Ayfaf Qimbimeemiik Xabba haanam Mango Sekterittel Baxaabaxsa Le Taamoomi Akkuk Geytimtam Qaddoyse ። Ta Karmat 120 Takke Gaba Dagoytiiti Qarwa Xisaanam Kee 68 Takke Qarwa Yasqussuboonuh Ekraaro Abbixak Taamitak Geytimaanam Yiysixxige ። Kalah Kaaduk Anxaxin Raatay Buxaaxih Asqussubiyya Kee Maaqiddi Tabsih Taddeera Baxaabaxsa Le Dagaritte Lih Cattiimak Bisoh Axceloonum Yiysixxige ። Fana Brodkasting Korporeeshin, Walta Media Kee Communication Korporeeshin Kee Wafa Marketing Promotion Xiqsitta Egla 150 Takke Barteynit Baritto Mansoofah Qakol Abeenih Yaniinim Qaddoysen ። Tama Mirocti kaaduk Asoosa Magaalal Coox Daabisiyyih Taddera Gexseenih Yaniinim Timixxige ።

Addis Ababa Ximolik12 Sanat 2016 (ENA) Qafár Agatih Rakaakayih Doolatak Naharsí Saqal Massakaxxa le Cajji Awwal Qarba Kee Federaal Doolatak Culenti Malaak Gifti Aynaalem Neguuse Miraacissah Tan Federaal Kee Rakaakayak Fayya le Miraaciinih Erga Dubtê Daqaarak Ayrolaf Awdak Dabalaytoh Dariifal Anxaxin Raatih Taddeera Gexsen Tama aracal Federaalak Gumruuk Komishinik Komishineerih yan Gifta Xebele Qhabeta Kee Qafár Rakaakayih Doolatak Fayya le miraaciini edde anuk dariifah ayyunti elle geytimen.   Naharsi saqal Massakaxxa le Cajji Awwal Qarba tama aracal tatruseh yan farmol Qafar Baaxo Aggiriqqe sinni Weeqaytuy ,Buqreh Yakke Leemih Taagah Ummatta leh tan Saamit Antifiquk Anxaxin Coox Daabisak ,Maaqiddak isinnih Isinni Duudaanaah, Hawâ Milaagu Isinnik Yaymaaqeenim Faxxintah Tanim Yescesse. Baaxô Caddol Yibbixeenih yanin Anxaxin Raat Daabisaanamih Taddeera Udduruuk Uddur Milaagu Baahak geytintam tescesseh tan Federaalak Culenti Malaakah tan Gifti Aynaalem Neguuse Foocah fanah annah tan Taamoomi Diggoosoonuh Miraaciini Garuuq kee Ummattâ Gabatagle Faxxintah Tanim Kassisse. Federaalak Gumurruk Komishinik Komishineerih yan Gifta Xebele Qhabeta isinni dacrisaah, dagraanamal cami alle-sinnih tan Qafar Ummatta Anxaxin Raat Daabisaanaah, hanaawisaanamal aham fanah akkuk temeete taamoomi Assakat lem yabaloonu xiqeenim diggoyse.   Rakaakayak Buqre kee Ginô Gaddih Daddoosih Biirok Naharsi Saqal Cajji Ibraahim Qusbaan tama taddeerah aracal tatruseh yan farmol AsaakîTaddeera Ximoli Alsak 17, 2017 Agat caddol Gexsittu wayta Inki Ayrol 600 Miliyoonih Caxa Daabisaanamih Taddeerak Exxak Tiya kinnih tanim Qaddoose . Tama Erga Anxaxin Raatih Taddeera Gexiseenik Lakal Qamal Dagoytiitih Buxaaxi Yasqusbuseenimih Taama Loogiyâ Magalal Gexsen.

Addis Ababa Ximolik 11 Sanat 2016 (ENA) Rakaakayak Buqre kee Ginô gaddih daddoosih Biiro Qafar Rakaakayal Inki Maacat 600 Miliyon coox Daabisiyyih taddeeraK Faxxiima bicak Gaba Kaleenih Geytimaanam Qaddose ። Naharsi Malaak D/r Abiy Acmad Inki Maacat 600 Miliyoonih Coox Daabisoonuh Inkih Tan Ummatta Gabah Assagolla Edde Haysittaamih Farmo Tatruseh Yanim Tamixxige ።   Sittalih Ugutnek mangom abnam Dudnah Inkih Tan Itiyoppiyal Xaylo Inki Niyal Ninni Raat Cabnay Axcuk Qaddoyse ። Tama seecok ugutak Qafar Rakaakay Sinni Doori Yawaquh Faxxiima Bicak Gaba Kaleenih Geytimaanam Rakaakayak Buqure Kee Ginô Gaddih Daddoosih Biirok Ciggiila Saqal Gifta Qusmaan Macammad Qaddoose ። Ta Saqal ENA elle Qaddoysennal Rakaakayal Inki Maacat coox Daabisoonuh Missoysen cooxih fanak baxabaxsale Qaynatih caxâ baxa edde anuk muuz, mango, papaya, burtukaan kee zeytuun edde Geytimtam Qaddoyse ። Gifta Usman elle yescessennal Inki Maacat Takke coox Daabisiyyih taddera meqe gurral akah takkennah, coox Daabisiyyih Arooca Baxisak "GPS" addat Akah Culta Innah Anak Geytimaanam Qaddoysse ። Ta caxa daabisiyyih tadderal 220,000 daga takke ayyunti exxaaxi edde Tangalu Faxxiima Bica Abak Geytimaanam Qaddoysak Awayih uddur Rakaakayak Rasuk kee daqooritil akkuk geytimah yan bicih taama boolul 95 gaba gaba kalteh geytimtam Qaddoyse ። Tama Taddeeral Doolat Taama Abeenit, Barteynit, Qunxaaneyta, Sayyo Kee Kalah tan Ayyunti exxaaxi Edde Angalelem Yiysixxige. Naharsi malaak Abiy Acmad (Dr.) Inki maacat 600 milyoonih coox daabiseeh, isi raat cabeh, nanu itta geynek, tohuk muxxi abnam dudnah. inkih tan itiyoppiyal ni ratta inki niya luk cabnuh seeco abeenim kassitna ።

Addis Ababa Ximolik 11 Sanat 2016 (ENA) Ciggiila Naharsi Malak Gifta Temeseng Tiruneh Itiyoppiyah Xaylo Inki Maacat 600 Miliyon Coox Daabisak Anxaxin Raat Sitta Lih Caboonhh Taamitaanam Faxximtam Kassiise ። Naharsi Malaak Abiy Acmad (Dr.) Ximoli Alsak 17 Gexsituwa Inki Maacih Anxaxin Raat Taddeera 600 Miliyoonih Coox Dabisnuh Farmo Tatrusem Tamixxige ። Ta Taddeerat Kasle 20 daga takke coox daabissah Qunxaaneyti 10 daga takke coox daabisak Ninni Agatah Linoh Nan Kacanu Elle Faxiima Aracal Qaddosnam Faxximta Axcuk Qaddoyse ። Ciggiila Naharsi Malaak Gifta Temesgen Turuneh Elle Qaddossennal Anxaxin Raatih Taddeera Faxxiima Gital Akkuk Geytimtam Qaddoose ። Tahak Ugut Abak 7.5 bilyoonih coox Daabisoonuh Ekraariseenih Yaniinim 6 bilyoonuk daga takke coox Daabimtem Qaddoyse ። Ta Ikraaroh Addat Dabisen Cooxih Ixxima Taturte Sanootah Dabseenim Edde Anuk 40 Bilyoonih Gufelem kee Liggidi Ikraaro Raqte Uddurih Addat Arac Xagtam Duddah Tanim Qaddoyse ። Naharsi Malaak Abiy Acmad (Dr.) Elle Qaddosennalaay Inki Maacat Anxaxin Raat Taddeera Seecook Ugut Abak Baaxok Inkih Tan Dariifal Coox Dabsaanam Faxximtam Yiysixxige ።   Itiyoppiyah Xaylo Inki Maacih Addat Daabisaanam Faxxiimak Sugtemik Muxxi Daabisak Arac Xagtuh Gabah Assagolla Edde Haak Ni Baaxoh Migaq Fayya Haynuh Sitta Lih Taamitaanam Faxximtam Yiysixxige ። Tahak Ugut Abak Ximolik 17 Gexsitele Inki Maacih Anaxaxin Taddeeral Itiyoppiyah Xaylo Nagay Akah Gabah Assagolla Edde Haysitta Innah Seeco Xayyoose ። 2015 ih, Gexsen Inki Macsentih Taddeerat 566 milyoonuuk daga takke coox Daabimtem Kassitna ።

Addis Ababa Ximolik 9 Sanat 2016 (ENA) Ciggiila Naharsi Malaak Temesgen TUruneh Ta Sanat Anxaxin Taddeerah Addak 40% Takke Coox Abbay Weeqaytih Faacissoh Addat Daabiselem Yiysixxige Ciggiila Naharsi Malaak Gifta Temesgen Tiruneh Dredawa Magaalah Xiinissoh Saqal Gifta Keder Juhar Edde Anuk Rakaakay Saqolti Kee Malokti Dredawa Qali Biirah Parkil Anxaxin Raatih Raatih Taddeeray Gexsen ። A Sanat 7.5 Biliyoonih Coox Daabisoonuh Ikraariseenih Yaniinim Kee Tah Kaxxa Caddol Abak Geytimaanam Ciggiila Naharsi Malaak Qaddoose ።   Amolladi Daabisoonu Waan Cooxuk 40 Gaba Boolul Leeh Addah Nagaytaniina Dacrisoonuh Naba Itiyoppiyak Asqassabe Karawwadih Abbay Weeqaytih Dariifal Dabisak Geytimaanam Yiysixxige ። Dredawa Magaalah Xiiniso Saqal Gifti Keder Juhaar Anxaxin Rata Hawa Milaagih Xisneh Maduur Xisoonuh Lafale Doori Digirta Axcuk Qaddoyse ። Hawa Milaagih Sababah Dredawa Magaalal Ballaaqê Qawwalaylaay, Qabaar Kee Weeqi Qawwalayla Akah Yaynukuseenim Xiqqimtem Yiysixxige ። Ta Sanatih Addat Maaqiddi Caabih Dacayri Kee Sabhalal Le Hawa Gintuh 3 Miliyoonih Coox Daabisoonuh Ikraariseenih Yaniinim Kee Aham Fanah 1.5 Miliyoonih Coox Daabiseenim Yiysixxige ። Anxaxin Raat Dacrisaanam kee Hawa Milaagih Taqabi Yafdigoonuh Abaanah Yanin Macal Bisoh Axcelem Yiysixxige

Addis Ababa Ximolik 7 sanat 2016 (ENA) Anxaxin Raatih daddosih angagoyya lih, caxâ miru kee caxaaxuwa yabqureenimih taama kaxxa milaagu kee xalu geyak geytimta.   Ta assakat le taamak ugutak, ninni taamah afkan naysiisem kee ni cogdaadi tasqussubeh tan qusbaamih taama abnam faxximtaah, ninni dariifah dacayri kee buqre taamah afkan naysiisuh ayyunti edde angaluk gexsitak geytimna.

Addis Ababa Ditelik 28 Sanat 2016 (ENA) Itiyoppiyak Qaran Merraytih Mirocti Kee Taama Abeenit Anxaxin Raat Tadderal Coox Daabisak Isinni Raat Caben ። A saaku miraaciinu kee taama abeynit addis ababak bole garab magaalal tayyaara booxah darre axcuk yamixxige dariifal sinni anxax asta caben Itiyoppiyak Qaran Merrah Eglak Saqalah Yan Gifta Mesfen Tasewu Tama Qaran Merrah Egla Ayyuntiinô Masquuliyyat Kinnim Kee Dariifa Dacayrih Taama Abak Geytimaanam Qaddoose ።   Coox daabisiyyih ossotinah dariifa kataysiinu kee bicale haadiyyi teknoloojit xoqoysimak isi doori digirak geytimam warse ። Qusba kee Qasri Tayyaarat Haadiyyi Ayfaafay, Qaran Merraytitte Baad Caddol Dariifa Xarbi Aynukusoonuh Abaanah Yan Macal, Sarimanele Haadiyyi Siratat Antifiquk Karboon Rubta Kaxxam Aynukusak, Tonnah Uwwaytitte Qagitaak Antifiquk, dariifa dacrisoonuh kaxxa doori digirta   40 hektar takke dariifal 16 alfih coox baaxoh addah samaditteh coox daabisoonuh ekraaro yanim kee taham fanah 27 alfih coox daabiseenim aqaddoyse ። Tayaara Booxak Geytimeh Yan Oyti Elle Yascasenal Ta Inistitute Taama Abeenit Dabsen Coox Dacayri Abak Isinni Masquuliyat Kibiseloonum kee Fooca Fanah Anxaxin Raatih Taamat Gabat Agle Diggosoonuh Bisoh Axceloonum Qaddosen ።

Addis Ababa Diteli 28 Sanat 2016 (ENA) Itiyoppiyak Xaagi Qawa Ayfaaf Gitah Yan Oyta Yaceenimik Kalah Kaadu Anxaxin Raatihb Taddiirah Addat Abak Geytimaanam Itiyoppiyak Xaagi Ayfaafak Ciggiila Saqalah Yan Negasi Ambaye Qaddoose ።   Naharsi Malaak D/r Abiy Acmad Asanat Anxaxin Raat Taddeera Hayek Magaalal Baxaabaxsale gurral Qimmiseh Yanim Kassitna ። ENA miraaciinu kee mihrat leela kaaduk Entoto parkil coox daabisak sinni anxax asta caben ። Toh tonnal anuk Itiyoppiyak xaaguh Ayfaafak Ciggiila saqalah yan Negasi Ambaye iyyemih Ta xiso mango sanootah coox daabisak isi asta bicsak geytimta ። Usuk Elle Qaddosennalaay Ta Inistitute Dabise Coox Baaxoh Addal Geytimam kee Inkih yan Ux Uddurih Addat Ballaaqê Xaylo Qagitaak Geytimam Qaddoose ። Daabiseenih yanin coox dacayrih bical yaniinim tama coox daabisiyyat tengele miraaciinu kee mihrat leela qaddoysen ።   Ta Sanat Anxaxin Raatih Barnaamijih Addat 7.5 Bilyoonih Takke Coox Dabsaanam Ekraarimteh Tanim Kee "Baaxo Dabsaanam, Sarimanele Ado" Axcuk Miracsenta Mabla Luk Abni Taama Qimmiseenih Yaniinim Timixxige ።

Addis Ababa; Ditelik 27 Sanat 2016 (ENA) Federeeshin Malah Buxak Afteenah Yan Gifta Agnehu Teshager Karma labbatih Ayfaaf Taama Qimmisoonuh Butajra Magaalal Cule ። Afteena Agnehu Tashaager Federeeshin malah Buxah Gubat Raqta fanteynaani Buxaaxi Asqussubiyya Kee Barteynit Barittoh Silaacitte Xayyoosaanam Taddera Qimbiseloonum Yiysixxigen.   Mala buxah Afteyni Butajra magaala gufe waqdi Fanti Itiyopiyah rakaakayak saqal Gifta Ashashaw Tasawu kee rakaakayak fayya le mirocti garayyo kaah aben. Federeeshin Malah buxak Fayya Le Mirocti Kee Kay Gubat Raqta Missoynaanih Edde Anuk Afteena Ta Tadeera Edde Tengele Majlis kee Rakaakayak fayyale miroctiiy, Majlisik masquuliyat leh tan xisoosah saqoltii kee taama abeynit tonnah kaadu massakaxxale qibina edde anuk tama barnaamiji Baxaabaxsale gurral qimbimelem qaddoysen. Ayro Mawqah Gurgaon Zoonul 24 Miliyoonih Takke Coox Daddoosih Ekraaroh Addat, Coox Daddoosih Taddeera Gexsitele.   Federeshin Malah Buxak Geytime Oyti Elle Yascassennal, Ta Malah Buxa Taturte Sanootah Baxaabaxsa Le Dariifal Geytimta Karmah Anxaxin Rata Tadeera Abbinoosak Geytimtam Qaddoosen Naharsi Malaak D/r Abiy Acmad Baxaabaxsale Caddol Qimbisem Ta Sanat Anxaxin Raatih Tadeera " Coox Dacayri Baaxo kee Sarimanele Ado" Caxah Alsak 22, 2016 Gabbi Wolo Rasuk Hayqi Magaalal Qimbise Tamixxige ።

Addis Ababa Ditelil 23 Sanat 2016 (ENA) Ciggiila Naharsi Malaak Gifta Temeseng Turuneh Anxax Ibih Taddeera Dariifa Dacayrih Uguugus Aysaxaaxag Abak Anxax Gino Kee Qaafiyat Le Ardi Fooca Fanah Tabsenno Axcuk Qaddoose ። Ciggiila Naharsi Malaak Isi Ayyuntiinô Retteemah Galil Tatruse Farmol Bishoft Kutbe Abeh Yan Mesenkaca Yaqusbuseh Yan Kalit Gino Ritmi Ankacisaanam Kee Qaxmeqe Gad Elle Yaysixxigen Arac Kinnim Qaddoose ።   Ta sanatih Coox Daabissa Baaxo Diggossa Hora itta Maxcol Axcuk Barnaamijih Qimbisneh nan barnaamijih addat gexsitak geytimna Axcuk Qaddoyse ። Anxaxin Raatih Taamal Anxaxin Gino kee Qaafiyat le Ardi Ciggilta Horah Dariifa Bicale Uguugus Aysaxaxaguk Anxaxin Baaxo Horal Tabsenno Axcuk Qaddoyse ።

Addis Ababa Ditelik 17 sanat 2016 (ENA) Ciggiila Naharsi Malaakih Bilhadal Demokraasih Siirat Xisneh Koobaahissoh Fanteenah Saqal Kee Leeda Partik Ciggiila Pirezdantih Yan Gifta Adam Farac Kee Partik Fayya Le Mirocti Kee Taama Abeenit Lemi Kura Magaalah Footumah Addal Caxah Daabisaanamih Taddeera Gexsen ። Gifta Adam Farac Ta Tadderal Abeh Yan Yaabal Anxaxin Raatih Tadeera Kimal A saaku Kee Beerih Ado Akah Tasgoorowtannah Kaxxa Uguugus Kinnim Kee Itiyoppiya Rakaakayle Pilaanet Ginaanamih Doori Akah Kibtannah Abak Geytimtam Qaddoose ።   Kimal Abeenih Yanin Aydaaditte Bisoh Haanam Xiqqimtah, Qawwalayla Maytanih Kalalaanam Kee Ni Baaxo Hawa Milaagih Taqabi Kalaloonuh Bictam Kinnim Yiysixxige ። Taamâ saami ginaanamay, murti dadlisaanam kee A saaku tan horak maaqiddi kibal yasmitoonuh kaxxa doori Digirak Geytimam yescesse ። Rusqa milaagu Ramitte sinni Anxax Qidaddoh xisneh kaxxa doori digirtem Qaddoysen ። Sarra Horah Takkeh Tan Baaxo Kee Baadak Fooci Horah Takke Baaxo Tabsaanam Sinni Dirkik Akah Yawuqen Innah Abak Geytimna Axcuk Qaddoose ። Tayse Baaxo Kee Pilaaneti Fooca Fanah Tabsaanamal Abnah nan Macalal Arac Xagtem Kee Baad Caddol Leh Yan Doori Akah Tabsan Innah Abak Geytimna Taama Kinnim Qaddoyse ። Tohih taagah barri kee magaalâ dariifal inkih maqarroosaanam faxximtam qaddoyse ።   Leeda Partik Addis Ababah Luddih Kutbeh Buxak Saqalah Yan Gifta Moges Balcha Itiyoppiya Sariino Kee Raacat Leh Tan Baaxo Akah Takkennah Abak Geytimaanam Qaddoose ። Addis Ababa Diplomaasih Fanteenah Kinnim Kee Anxaxin Raatih Daabisaanam Abak Geytimaanam Yiysixxige ። Addis Ababa Qaxmeqe Magaala Akah Takkennah Kaxxa Caddoh Taama Akkuk Geytimtam Kassiisaak, Leeda Parti Tah Abina Akah Assannah Leh Tan Siyaasa Margaqa Abinal Ayballuk Geytimtam Yiysixxige ። Naharsi Malaak D/r Abiy Acmad Ta Sanat Anxaxin Ibih Taddeera "Baaxo Dabsaanam Kee Sarimanele Ado" Xiqsitta Mabla Lih Caxah Alsak 22/2016 Gabbi Wolo Zoon Haki Magaalal Qemmiseenim Timixxige ። Ta Sanat 7.5 Bilyoonih Coox Daabisoonuh Ikraariseenih Yaniinim Kee Coox Daabisen Ixxima 40 Bilyoonih Gufele.