Addis Ababa Qasa Dirrik 18 Sanat 2017 (ENA) Chaynah Baaxok Zhiyamen Magaalal Qimbimte Sayyoh 5 Alfi Mitirik Sayyoh Anaakaral Nammay Elaa Malcin Haytoh Caddoh Yewqeenim Itiyoppiyak Atleetikis Federeshin Qaddosse. Kiiniyah Ardabeyna Sayyok 5 Alfi Mitirih Ardal Aysuk, Baaxoh Addah Rikardi Tiggileh.   Itiyyobiyah Ardabe Gudaf Tsegay Baxxole Caddol Cankah Yayse Wakti Dafese Nammayhele Caddoh Gaba Kalte. Ardabeyná Birke Hayelom 14:28.80 Sidoc Heele Caddoh, Ardabeyná Hirut Meshesha 14:29.29 Fereyhayto Caddoh Gabakalte.

  Addis Ababa Qasa stttDirrik 12 Sanat 2017 (ENA) Fanti Rasuk Golina Daqaarih Koobaahissol Ciggiila 2018 Liggidah Gexsitu waa Rakaakayak 7 hayto Dagar-Dig Qalayli Edde Takkuh Ibi-Koqosoh Booxa Xisoonuh Ukummo Xaa Daffeesen . Tama ukumoh xaahih Daffeesoh Aracal Rakaakayak ciggiila prezixentih Bilhadal ayyuntino kilasterih Koobaahiseey Rakaakayak Qaaday, Qunxaaneyta kee Dagar-Dig Biirok Naharsi saqal Gifta Caamid Duula Edde Anuk Fanti Rasih Miraaciinuy Diini Abbobti kee baaxoh idoola Elle geytimak Gexsen . Akkel Geytimaak Yab Abeh yan Rakaakayak Ciggiila presexentih Bilhadal ayyuntino kilasterih Koobaahisey , Qaaday,Qunxaaneyta kee Dagar diig Biirok Naharsi saqal Gifta Caamid Duula 2018 fanti rasul gexsitu waah yan dagar dig Qalaylik Asaaku daffesen ukumo xaahi qunxaaneyti dagar diigih lon kacanu osisak kaarib kee uma Aroocal wakti ruubanamak cato Takkem Kinnih Tanim Qaddoose .   Gifta Caamid Duula 2018 liggidah 7 hattoh addah fanti rasul gexsituwa Dagar Dig Qalaylih inkih tan daqoorit kee Magaalol Xiinissoosa yaakume bica le udduruk qimmisak Gaba kalaanam faxxintaamih seeco Tatruse. Tonnah Akkel Geytimeh yan fanti rasuk Naharsi Saqal Gifta Bilal Darge Diimu fanti rasul gexsituwaah yan digirih yakume bica qimmisenih geytimaanam kee asaaku heenih yanin ukkumo xaahi fanti rasi dagar digih lon kacanu Maqarrosam xiqtam Kinnih Tanim Yiysixxige. Fanti rasul gexsituwaah yan dagar Dig fanti rasih ummatta kee kalah tan rasitte ta digirih faxxima qokol kee mabla Caddol ken kah catan innah Seeco Xayyoose . Tama Ukkummo xaahih Daffeesoh aracal geytimeh yan Daqar miraacini 2018 fanti rasul gexsituwah yan Digiirih yaakume bica qimmisenih yaniinim kee Ciggiila sanat fanti rasih caddol a digir gexsitem ruffa ken hayteh tanim qaddose. Tama ukkumo xaa daffesenik lakal Daqaarak ayyuntino kilaster kee qidaddo kilasterih fanal lbi koqsoh digir Gexseenih Yaniinim kee Digiiril mayso ayyuntno kilaster Orbisak kaaqunta Hirgenim Mangaffa Rettimah Oyti Yascasse.

Addis Ababa Qasa Dirrk 6 Sanat 2017 (ENA) Qaada Kee Sporti Malak Shawwit Shanka Beelarusuk Iro Caagidah Malak Maksim Rezihinkov Lih nammay Takkok Sittallih Elle Taamitonwaanah Yanin Cagiidal Walal Aben. Nammmay Takkok Taama Ludittey,Qaaday,Naggarinni Luddal Namma Baaxo Sittallih Akah Taamittannah Abeloonumul Sitta Geen. Maloktit Walala Qaaday,Sporti Luddal Nammay Takko Luddal Sittallih Taamitak Namma Baaxoh Ummattak Sittalluk Alliyya Dadlisak Ummatta Kee Ummattah Angaaraw Elle Dadlisoonu Duudan caaagidal Walal Abeenimi Kassisen.

Naharsi Malaak Abiyyi Acmad reeda fanah yemeetem Abbay Karawwadak ukummo xaa edde hen qado dirrik 24 sabab abak Oromiyah Rakaakayak Shegger magaalal Xagar diig anaakar akkuk maacis. Qado dirrik 20 Sanat 2017 (ENA)  

Addis Ababa Caxah Alsak 25 Sanat 2017 (ENA) Bahir Dar Baadak Koqoso Booxah Xisneh Taama Kaxxam Meqeh Tan Caddot Geytimtam Ciggiila Naharsi Malaak Gifta Temesgen Tiruneh Qaddoyse. Ciggiila Naharsi Malaak Isi Ayyunti Rateemah Galil Elle Yescesenal Koqosoh Booxal Nabam Milaagimtem Waraye Ditelik, kee Ardi Yiysiiseh, Wagsiisa Dafeyna Dafesenih, Qayso Dabisenih, kee Gersi Taama Tekkeh Tanim Qaddoyse   Koqosoh Booxah Xisne Ilacabo Caddoh Xisneh Gufteh Tanim Kee Inkih Tan Daddosul CAF Kee FIFAh Baad Caddo Dacrisak Xisiimak Geytimaanam Qaddoyse Nabbah Yan Bahir Dar Koqosoh Booxa Ni Baaxo Qarangubal kee Baad Caddoh Qalaylite Arcibisuh Saami Ginelem Qaddoyse Bahir Xar Magaalal Geytimta Dagar Diig Luddal Qax maqaaneh, Culenti Gino Kee Uqusbusiyyal Kaxxa Doori Digirele Axcuk Qaddoyse. #Ityoppiyah_Xaagi_Raceyna #Ityoppiya #Ityoppiya

Addis Ababa Caxah Alsak 23 Sanat 2017 (ENA) Tokoyoh Maraatoon Qalayli Itiyoppiyah Atleetwa Namma Nadol Inkih Aysuk Tumurriqeh Tanimiiy Tamixxigem. Labhakaay Taxxese Takle Yeyseh Yanim Kee Sayyok Kaadu Atleet Sutuume Aseffa Teyseh Tanimiiy Qaddowtem. Baad Caddoh Atletiksik Kaxxa Caddo Kah Yecen Ta Qalayliliiy Sayyok Atleet Sutuuma Aseffa 2 Saaqat Kee 16 Dagiigaay,31 Sekonxil Gaba Kalak Inki Haytoh Caddo Tabbixemiiy Duddem. Labahak Kaaduukuuy Atleet Taxxese Takle 2 Saaqat Kee 3 Dagiigaau 23 Sekonxil Culak Saaqat Isik Yaysiisem Duudeh Yanimiiy Tamixxigem.   Atleet Xerresa Geletaay 2 Saaqat Kee 3 Dagiigaay 51 Sekonxil Culak Nammay Haytoh Caddoh Yibbixeh Yanim Atletiksi Federershinik Geuneh Nan Oytiiy Yascassem. #Itiyippiyak Xaagi Raceena#Itiyoppiya#ENA#Atletiksi

Addis Ababa Caxah Alsak 22 Sanat 2017(ENA) Qadawâ Magaalal Gexsitteh Tan Maraatoon Reel Qalaylil Agatak Kooraan Caylih Dokon Yeyseh Yanimiiy Qaddowtem. 20 Haytoh Addah Itiyoppiyak Maratoon Qalayli Qadawâ Magalalaay Gexsittem. Ta Qalayliiy Agatak Kooran Caylih Dokonih Maysoluuy Tumurruqem.   Shegger Magaalah Xiinissok Kee Tellemmô Bankih Dokonwa Nammay Haytuu Kee Sidoc Haytoh Awaqukuu Ta Qalayli Gaba Kalteh Tanimiiy Tamixxigem. Agatak Atletiksi Federershinih Perezixanti Komandder Atleet Silaashi Sihan Yeyseh Yan Dokonuh Dahab Kaasih Acwaay Abem. Nammay Haytuu Kee Sidoc Haytoh Tewqeh Tan Dokonwah Birrii Kee Nacaas Acwaay Yecem. #Itiyoppiyak Xaagi Raceena #Itiyoppiya #Qadawâ Mayso #Atletiksi

Addis Ababa Caxah Alsak 19 Sanat 2017 (ENA) Agda baxissoh Alsak 28, ilaa Caxah Alsak 18 fanah Abqaala Magaalal Akkuk Sugeh yan Dagar-Digiriy Kookacanuuy, Xuwaw kee Racmatta Abinah Elle Yuybleenih Yanin Digiirik Sugteh Tanim Rakaakayak Ciggiila Perezixentih bilhadal Ayyuntiino kilasterih koobaahiseey, Qaaday Qunxaaneyta kee isporti Biiroh saqal Gifta Caamid Duula Qaddoose . Gifta Caamid Duuda Ibi-Koqsol Kaas Orbisseh Tan Abqaala Magaalah Ayyuntak Unkaq iyyek lakal Isporti Yaanam Qunxaaneyti ceele wayta Aroocal Asaamak kaxxa Tuxxiiq lem Kassiisak ,Tohuk muxxih Qafar siita elle barittuh kaxxa doori luk sugeh yanim Diggoose .   Qafar Rakaakay Ispoortih yeceeh yan Hangi foocah Diggooselem yescesseh yan Gifta Caamid Duula Tah Aracat Gactuh Rakaakay Mango Afkanitte Daffeeseh Yanim Yescesse. Tá Digir Salaamah Gaba kaluh isi Doori Digirteh tan Saay Caylitte Edde Anuk inkih tan Qafar Ummattah Gadda Gacsah Yanim Gifta Caamid Tamakkel Abeh yan yaabal diggoyse. Duma Kulli Namma Liggidal Gexsitak Sugteh tan Qalayli Inki Sanat Fan Ramma Haak Sanat 2018 Liggidah Takku wayta Qafar Rakaakyak 7heele Dagar -Dig Qalayli Fanti Rasuk Rasí Fanteena Golinâ Daqaaral Akkelem kee Tonnah Ciggiila sanat 2019 Liggidah Carri Rasuk Xaalefaageh Daqaar Koobaahiselem Gifta Caamid Duula Illacabol Tatruseh yan Farmol Yiysixxige. Akkel geytimeh yan Rakaakyk Qaaday,Qunxaneyta kee isporti Biirok isporti Langil Ciggiila saqal Gifta Abubakar Qiise iyyeemih tá Digir Salaamh Gaba kaluh Macleh yan Kilbatti Rasu kee Abqaala Miraaciinuk Gadda geya iyyek lakal Tabisle Dagar Dig Qalyli Foocah Diggoosak Gexeloonum Qaddoose . Akkel Yaabisneh nan Kilbatti Rasih Miraaciini Iyyeemih Digir saay kee salaamh Yamurrquh 9 Daqaar kee inki Magaalah Xiinissok inkih Saay Cayla Baaheenih Yaniinim kee Ta digir Meqe gurral yumurruqem ruffa ken haytah tanim Diggoosen . Abqaala Magaalah Xiinisso beyteh tan Kaaqunti inkih Yan Qafar Beyte kaaquntih Migaaqal Beyne iyyeh yan Abqaala Magaalah Xiinissok Naharsi saqal Gifta Qali Nuur , Abqaala Magaala xiinisso kee Abqaalak Barri Daqaar sitta luk Qokkolsimak Digir saay kee salaamah Gaba kaluh Kaxxa Macal Abak yemeeteenih yaniinim Diggoose . Kimal Carra Alfenta kak Abeenib Yanin Dagar-Dig Qalaylil Yengeleh yan 43 Takke Daqoorit kee Magaalol Xiinissoosak Abqaala Magaalah Xiinisso 1 haytooy, Uwwâ Daqaar 2 Haytoy Kalah kaadu Gawwaani Daqaar 3 haytu Akkuk Digir Yumurruqeh yanim Kassitna .

Addis Ababa Caxah Alsak 19 Sanat 2017 (ENA) Abqaala Magaalah Xiinissok Ibi Koqsoh Dokon Uwwa Daqaarak Aysuk Kaas Ugse. 6heele Inkih Tan Qafar Digirittek Illacabo Kaas Digiiril Abqaala Magaala Kee Uwwa Fanal Yekkeh Yanih Iyyal Abqaala Teyse. Tama Digiiril Abqaala 3 Kee 0 Aysuk Kaas Beytu Xiqte. Ibi Koqsoh Digiiril Meqem Kabanal Wasami Daqar Yeyse Ossetinah Gersi Qalaylittey Aham Fanah Akkuk Sugteh Iyyal, Atleetikisil Hinnammay Ardi Qalaylil Lab Mara Kee Say Maral Inkih Abqaala Magaala Kaas Beyte.   Gaba Koqsol Sifra Daqar Kaas Beyteeh, Teenisil Lab Maral Qaabidaay, Say Maral Abqaala Magaalal Teyse. Amolladih Yekkeh Yan Digiiril 5 Kaas Ugusak Abqaala Magaala Maso Luk Orobte. 7heele Inkih Tan Qafar Digiiritte Fanti Rasuk Golina Daqaarah Yecen. Tama Digir Tu Taqabi Edde Boode Kal Salaamah Yumurruqe.

.Addis Ababa Caxah Alsak 1 Sanat 2017 (ENA) Qarab Imaaraatak SWAT Challenget Angalukalalak Sugteh Tan Agatak Federaal Pooliisih Buttah Boolek Baad Caddoh Taayirah Booxal Pooliis Stiraatejjikih Mirocti Baxsa Le Oggol Kahaay Abtem. Ta Oggolih Aracal Yab Abeh Yan Agatak Federaal Poolisih Komishiin Komishiiner Jeneraal Xemelaas G/Miikaael Agat Caddol Qinboh Addah Pooliis Qarab Imaaraatak SWAT Challenge Yenegeleh Yanim Agat Caddol Kaxxaam Caddo Leh Tanim Kinnih Taniimitiiy Yaabem. Komishiner Jeneraalaay Itiyoppiyah Pooliisih Aydaadul Qinboh Addah Ta Qalaylat Naggalem Dudneh Nanim Abak Raag Tabaatabsah Kaxxa Caddo Leh Tanim Kee Kataytah Tan Qalalaylal Nek Raqteh Taniimih Hangi Cayuk Elle Taamitnuh Baxsa Le Qalaylik Sugteh Tanim Kee Mangoh Tan Bicitte Abnuh Kaxxa Caddo Leh Taniimit Yaabeh Yanim Federaal Pooliisik Geyneh Nan Oytiiy Yascassem.   Agatak Federaal Pooliusik SWAT Adoytit Teceh Tan Mablal SAWT Qalaylit Angaluk Kalah Tan Baaxooxak SWAT Buttaatillih Baxaabaxsa Le Digiritte Abak Meqe Xaloot Geysisnam Dudeenih Yaniinim Kee Katayakaay A.L.L 2026 Gexsitu Waah Yan UEA SAWT Qalaylat Yangaloonuh Nagay Yan Bica Abak Yayseh Yan Xaloot Baahionu Waanah Yaniinmitiiy Yaaben Agatak Federaal Pooliusik SAWT Buttah Qarab Imaaraatak Sumaq Warkat Keenih Yomcowweh Yanim Kee Katayaak Gexsittu Waytah Tan Qalaylat Yanggaloonuh Oggol Karxi Oggoleenih Yaninmiiy Qaddowtem. #Ethiopian_News_Agency #Ethiopia #Ethiopiyak Xaagi Raceena

Addis Ababa Ciggilta kudok 13 Sanat 2017 (ENA) Itiyoppiyak Atleetikis Federeeshin 28hele Amolladi Daffeynal Kumander Atleet Selshi Sehin Itiyoppiyak Atleetikis Federeeshin Pirezdanti Abak Doorime ። Qaada Kee Dagar Diig Malaakah Tan Gifti Shewit Shanka Komander Atleet Selshi Sehn Itiyoppiyak Atleetikis Federeshin Pirezdanti Akkuk Doorimeh Unkaqiino Farmo Tatruse ።   Ta Malaakak Geytime Oyti Elle Yascassennal ityoppiya baad gudgudul Atleetikis Luddal Assakat Leh Tanim kee Duma Luk Sugte Aytî Gexxo kee Xaloot fan Akah Tadaarennah Taamiteleemih Qaago Kal Loonum Qaddose ። #Ityoppiya #Ityoppiyah_Xaagi_Raceyna

Addis Ababa Ximolik 22 Sanat 2016 (ENA) 20 Heele Addah Baadak 20 Sanatak Gubal Gexsitak Geytima Ardi Qalaylil Sayyoh 5000 Mitir Illacabol Itiyoppiyak Qimboh Addah Dahab Mexal Madiina Issa Geysisse ። Ardaabeenit Qabdiisa Fayisa Labhak 5000 Mitir Illacaboh Qalaylil Lakqo Meexaliya Geyu Xiqe ።   Ardaabeen Madiina 14 Minit, 39 Sekenxi Kee 71 Maykoro Sekenxit Naharsi Caddoh Gaba Kalteh Tan Wak, Itiyoppiyah Dahab Lakqo Geysisseh ። Ardabe Ilacabo Inki Kiilo Mitirih Dibuk Arbuk Assakat lee Gaba kalti Abtu Xiqte ። Madiina 2 Sanatak Naharal Kolombiyak Kali Magaalal Gexsen 19 hele Baadak 20 Sanatak Gubi Ardi Qalaylil 5000 Mitir Addat Dahab Mexaliya Geytem Kassitna ። Ardabe Sittalakleh Namma Qalaylil Inki Baxxol Dahab Medaalitte Aysuk Qusba Aydaadu Orbisse ። Gersi Itiyoppiyah Ardaabe Mqdes Alemeshet 14 Minit 57 Sekenxi Kee 44 Mikro Sekenxi 2 haytoh Awaquk Lakqo Mexaliya Geyteh Tanim Tamixxige ።   Ugandah Ardabeena Charity Cherope Nacaas Lakqo Teyse ። Shanbiyonal Qemmo Mexaliya Geysisse Qalaylil Itiyoppiya Maysol Gaba Kaltu Xiqte Tahak Ossotinah Labhak 5000 Mitirih Illacabol Ardabe Abdisa Fayisa 13 Minit 41 Sekenxi Kee 56 Mikro Sekenxit 2 Haytoh Awaquk Itiyoppiyah Lakqo Meexaliya Geysiisu Xiqe ። Gersi Itiyoppiyah Ardabe Nibrat Kende 6 hele Caddoh Awaquk Gaba Kalu Xiqe ። Kiiniyah Ardabeena Andrew Kipruto Alamisi 1 Haytoh Awaquk Dahab Lakqo Geyteh Tanim Warsen ። Kenneth Kiprop Nacaas Lakqo Geyu Xiqe ። 20 hele Baadak Ardi Qalaylih Qimboh Ayrook Assental Itiyoppiya 1 Dahab Kee 2 Lakqoh Meexaliya Geyteh Tanim Timixxige ።

Addis Ababa Ximolik 8 Sanat 2016 (ENA) Itiyoppiyak Atleetikisi Dumaahi Fayya Le Caddoh Yadaaruh Taqabitte Baxisak Missoysiyyi Maqatta Beyaanam Faxximtam Perezixanti Sahlework Zewde Qaddose ። Paaris Magaalal Gexsen 33 hele Olompik Digiril Tengeleh Tan Itiyoppiyak Atleetikis Erga Kimaalih Ayro Agatak Kalqatal Mamaxxaga Kee Acwa Taddeera Gexseenim Tamixxige ። Pirezdanti Sahlework Zewde Olompik Digiritteh Itiyoppiya Awlisak Edde Angaleh Itiyopiyah Migaqa Fayya Hayte Tan Ardaabeenit Unkaq Ruffa Iteenim Axcuk Qaddose ። Tama Qalaylit Gabah Assagolla Abak Duudan Taama Abak Itiyoppiyah Mexaliya Orbisseh Tan Arda Abeenitih Konnabna Kee Fatta Keenih Taguudem Qaddose ።   Labha Maratoonul Dahab Orbiseh Yan Tamrat Toola, "Anu Biyaakiteh, Atu Qalal " Axcuk, Itiyoppiyah Xalootuh Isi Cankah Saami Yeceh Yan Atleet Sisay Lema Massakaxxa Kee Konnabna kah Taguuden Qaddoyse ። Tama Pirezdanti Kaaduk Ardi Itiyoppiya Baad Caddol Aytigexxem Kee Tama Dagar Diig Ayyunta Lih Maqar Le Angaaraw Lem Qaddoose ። Ta sanat edde anuk sittalakleh sidiica olompik digirittel dubuk 1 dahab mexaaliya Geytimtem Taybulleem nanu linoh nan taqbitte baxisak sissik massos maaqatta beyaanam faxximtam kinnim qaddose ። Itiyoppiya Olompik Abteh Tan Abnisso Aham Fanah Akah Raaqe Waytannah Abaanam Kulli Num Masuuliyyat Kinnim Qaddoose ። Ta Luddal Tanih Tan Taqabitte Yafdigoonuh Walal kee Sitta Assakoxxa Kee Ankacsal Takkem Faxximtam Qaddoysak Doolata Tahah Faxxiima Qokol Abelem Tiysixxige ።   Qaada Kee Dagar Diig Malaak Shewit Shanka Tamaha Lih Abeh Yan Yaabal Xalootu Soolo Edde Anuk Dagar Diig Luddal Tanih Tan Taqabitte, Fokkaaqo Kee Walalal Ugutak, Dagar Diig Luddal Tanih Tan Taqabitte Yafdigoonuh Doolat Diggaluk Taamitele Axcuk Yiysixxige ። Ispoortih Gexsit, Miraaciinu, Kee Madqah Rakiiboh Addat Tanih Tan Taqabitte Yafdigeenim Baxsale Hangi Faxximtam Kassiise ።

Addis Ababa Ximolik 7 Sanat 2016 ILL (ENA) 33hele Olompik Digiril Tengeleh Tan Itiyoppiyah Ergah Mamaxxaga Taddeera Agat Kalqata Gexisak Geytiman ። Pirezdanti Sahlework Zewde Edde Anuk Kalah Tan Federaalak Mirocti Atletik Federeeshin Kee Olompik Makaado Edde Anuk Edde Tengele Taddeera Gexisak Geytiman ።   Itiyoppiyal 38 Takke Arda Abeenit Edde Tengeleh Tan Arda Kee Leeh Addih Giiru Abak Edde Anu Ittat 4 Medaalitte 1 Dahab kee 3 lakqo Geyak 47 hayto Akku Gaba Kaltu Xiqte ።

Addis Ababa Ditelik 25 Sanat 2016 (ENA) Ardi bilqah astaay, ginoh assakat le mayballak, Bahridaar magaala culleh geytimna. Baxsa le Weelo le Bahridaar magaalah Istaaxiyeemit gufne abne. Ta Istaaxiyeem Qaranguba Kee Baad Caddoh Qalayli Akah Arcibisannah Abenno.   Xisnek Ilacaboh Caddot Geytimah Yan Ta Istaaxiyeem Ciggiila Sanat Gabakalelem Kee Digiritte Elle Arcibisaanam Xiiqintah Tan Innal Qokol Bisoh Axcele. Ta Gufnek Gamadal Bahridaar magaalal Anxaxin Raatih Tadeera Gexsine. Bahrdar Qaalam Tayyaarah booxal meqe garayyo neh abeh yan Amcari Rakaakayak fayyale miroctiiy, tonnah magaalah abba kee ummattak kulsa le gadda siinih gacsa. rmo Addis Ababa Ditelik 25 Sanat 2016 (ENA) Ardi bilqah astaay, ginoh assakat le mayballak, Bahridaar magaala culleh geytimna. Baxsa le Weelo le Bahridaar magaalah Istaaxiyeemit gufne abne. Ta Istaaxiyeem Qaranguba Kee Baad Caddoh Qalayli Akah Arcibisannah Abenno. Xisnek Ilacaboh Caddot Geytimah Yan Ta Istaaxiyeem Ciggiila Sanat Gabakalelem Kee Digiritte Elle Arcibisaanam Xiiqintah Tan Innal Qokol Bisoh Axcele. Ta Gufnek Gamadal Bahridaar magaalal Anxaxin Raatih Tadeera Gexsine. Bahrdar Qaalam Tayyaarah booxal meqe garayyo neh abeh yan Amcari Rakaakayak fayyale miroctiiy, tonnah magaalah abba kee ummattak kulsa le gadda siinih gacsa.  

Addis Ababa Ditelik 18 sanat 2016 (ENA) Dagar Diig Inki Baaxok Daddoosih Luddak Tiyak Teyna Kinnim Kee Maqarleeh Angagoyya Kee Qaafiyat Le Baaxo Xaylo Elle Ginoonuh Fayya lee Doori lem C/Naharsi malaak Gifta Temesgen turuneh Qaddoyse ። Ciggiila Naharsi Malak Ayyuntiinô Retteemah Galil Tatruseh Yan Farmol Agat Caddol Dagar Diig Malah Buxa Taama Fanah Akah Culan Innah Abak Geytima Fayu Qaddoose ።   A saaku Qaada kee Isporti Malaakih mirocti lih abne walal ni baaxoh dagar diggah dadalah tuxxiq leh tan mango mabloolit walal geyneeh tonnah kaadu taqabi elle nafdigem xiqna gititte baxxaqisne axcuk qaddoyse ። Dagar Diig Inki Baaxoh Daddosih Luddak Teyna Kinnim kee Tah Naharsi Silaacih Gino Maqarleeh, Abnisiya kee Qaafiyat le Baaxo Xaylo Gintam Kinnim Qaddoyse ። Agatak Dagar Diig Malah Buxa Xisne Fokkaqak Nanu Daffeseneh Afkan Mannal Qagitaak Xisne Akah Takkenna Taama Fanah Elle Culan Gurra Wagittaamal Afkan Daffeyseenim Qaddoyseb ።

Addis Ababa Ditelik 18 sanat 2016 (ENA) A saaki Macsenta Faransah Baaxok Paaris 40 Takke Itiyoppiyak Olompik Erga Culte Wak Itiyoppiyah Embaasi Kee Faransal Tan Itiyoppiyah Xayloh Qaxmeqe Garayyo Keenih Aben ። Tama Butta Itiyoppiyah Wakti 2:30 Saaqatah Paaris Baadak Tayyaarah Booxa Culen ። A saaku Qimboh Addah Gexsitak Geytima Itiyoppiyak Olompik Taama Selta Borxiiy, Baxaabaxsa Le Federeeshinitteh Saqoltiiy, Rakaakayitte Kutbeh buxaaxih Saqoltiiy, Lee Giirisiyyay Dagar Diigih Butta Kee Qanbaalit Sugte Ardaabeenit Edde Anuk Geytiman ።   Itiyoppiyak raqteh tan Olompik erga 5 raadul kurruumak tama arac fanah gexe loonum timixxige ። Paaris 2024 Olompik Baxaabaxsale Fakkenti Taddeera Beera 2:30 Saaqatah Fakkimelem Qaddoysen ።

Addis Ababa Ditelik 15 sanat 2016 (ENA) Paaris Magaalal Gexsituwa 33 hele Olombik Digiritteh Addat Atletwa Kullimik Qemmo Isinni Baaxo Abak Mayso Geysiisonih Maclaanam Faxximtam perezixant Sahalework Zewude Yiysixxige 33 hele Olompik Digirit Angalelem Itiyoppiyah Erga Qalayli Taddera A gatak Kalqatal Gexisak Geytiman ። Pirezdanti Sahlework Zewde Tama Gudgudul Tatruse Farmo Ardaaba Baxaabaxsa Le Baad Gudgudittel Itiyoppiyah Simbil Fayya Hayriseenih Yaniinim Tiysixxigen ።   Tamakkel Itiyoppiya Paaris Magaalal Gexsituwa 33 hele Olompik Digiritteh Addat Mango Kulsa Baheloonimih Kibal Keenil Leem Tiysixxige ። Ardaabeenit Itiyoppiya Naharal Haak Isinni Baaxo Maqar lee Buttah Ruuwu Kee Sittin Qokolul Taamitaanam Faxximtam Qaddose ። Faxe itiyopiyah num isi baaxoh kunnabna maqambaala. Itiyoppiyah Kinnaane Sitta Lih Soolisnuh Dudda Kee Gicma Neh Taceh Tan Kinnaane Kinnim Tiysixxige ። Ardaaba Agattiinah kee Dagar Diig Caagiidal Meqem Kaban Luk Akah Qalalan Innah Seeco Xayyose ። Pirezdanti Sahlework Zewde Itiyoppiyah Simbil Itiyoppiyah Erga Tabse ። 33 hele Olombik Digiritte Sanat Diteli Alsak 19 Ila Ximolik 5 /2016 Fanah Paaris Magaalal Gexsitele ። 206 Takke Baaxooxak Temeeteh Tan 10,714 Takke Ardaaba ( Baadak Olompik Makaado Kee Olompik Dabbo Maritteh Butta Edde Anuk) 32 Takke Dagar Diig Edde Angalelon ። Itiyoppiya Ardaay Giiru Kee Boksi kee Kalah 39 Takke Dagar Diigitte Edde Qalaylit Gabah Assagola Heelem Qaddoyse ።

Addis Ababa Ditelik 8 sanat 2016 (ENA) 17 Heele Awroppah Kaas Gabakaltil Ispaaniya Ingliizk 2-1 Aysuk Kaas Geytu Xiqte Berliin Olompik Booxal 22 Karmat Geytima Atletico Bilbao Digir Abak Suge Nico Williams 47 Heele Minitil Lamin Yamal Korus Geytimeh Yan Wak Ispaaniya Miraacissu Xiqte ። Takkay Ikkah, Chelsi 22 Karmat Geytima Cole Palmer, Kaxxam Meqeh Yan Goal Culusak Ingliiz Lih Inkigid Abak Geytima Palmer 3 Minititteh Addat Coby Maino Lih Cattiimak Gool Culusu Xiqe ።   86 hayto Minitil 27 Karmat Geytima Real Sociedad Goal Digir Abak Sugeh Yan Michael Oyarzabal, Mark Kuqueriyah Goal Digir Abak spaani Mayso Orbissu Xiqte ። Tama Xaluuk Ugutak Ispeen 4 hele Addah Awroppah Kaas Teyseeh Mango Addah Kontinental Kaas Teyse Baaxo Tekke ። Ispaaniyah Tama Qalaylil 7 Takke Digiril Taysu Xiqte ። Ispaaniyah digir tayseh tan ikoyta luk sugteeh mango goolitte Gibatte ። England Sittalakleh Namma Addah Awroppah Kaas Qalaylil Illacaboh Addat Geytimtam Takkay Ikkah Namma Addah Tayseh Masuginna ። Illacaboh Digirik Afal Berlinik Olompik Booxal Kaxxa Alfenti Taddera Gexsiten ። 18 hele Awroppah Kaas 2028 Ingiliz, Iskotlanxi Wales Ayrelanxi kee Kilbatti Ayrelanxi Arcibiselem Qaddoysen ።

Addis Ababa waysuk 30 sanat 2016 (ENA) Kalali Qandeh Malaakah Tan Injiner Qisha Macammad Elle Qaddossennal, Mechal Isporti Dokon Isi Diggoysak Mechal Ceelalloh Yakkem Faxximtam Qaddosse. Tonnah kaaduk inkih tan ummattah dudda qokoloonuh abaanah yanin macalal gabah assagolla akah haan innah esserte. Addis Ababal Mechal Dagar Diig Dokon Xissiimay 80 Sanatih Qaffayda Wagittaamal Lakqo Gaaboyna Akkuk Geytimta. Tama taddeerah Addat Milaagu Kee Milaagu Abak Geytimta Exxaaxik Tiyak Teena Mechal Isporti Dokon Kinnim Tama Malaak Qaddosse.   Kalali Qandeh Malaak Isporti Dokon Qokoluh Takkeh Tan Aydaadi Taamat Gabah yassagollaanim Baaxoh Fayxih Yadaareenim Kinnim Kassiisaak Kulli Num Culenti Gaaboysoh Taddeerah Qokolut gabat agle Abaanam Faxximtam Kassisse. Kalali Qandek daga raaqa Itaamaajoor Shuum Fild Marshaal Birhanu Juula Mango Sanootah Mechal dokonut Digir Abeh Yan Shambel Abebe Bikilah Dahab Mexaaliyal Kee Lakqoh Acwa Isi Buxah Marical yekkem warsen.   Filxi Marshaal Birhanu Jula Elle Qaddosennal, Baaxo Dumaahi Giclo Fanah Akah Gacisan Innah Abak Geytimaanamih Taamak, Milaagi Addat Geytimaanam Kee, Kaxxa Milaagi Akah Yakkennah Abaanam Xiiqimtam Yiysixxige. Kalali qandeh fayyale mirocti edde xissimta borxih miraaciini kaxxa taama abtem kee faatit akah yaguudeh yan abto Kinnim Qaddoyse. Inkih Tan Itiyoppiyah Xaylo Kulli Luddal Baaxo Kaxxiini Kinnih Tan Qandeh caddi kee kunnabna Abaanam Faxximtam ascassuk Qokol Akah Aban Innah Seeco Xayyoose. Tama Gudgudul Kalali Qandeh Malaak Injiner Qeysha Macammad Mouse kee Qalali Qandek Data raaqa Itaamaajoor Shuum Filxi Marshaal Birhaanu Juulaay, Dirri Dawah Magaalah Xiinissoh Saqal Kedir Juhar kee Doolatak Fayya Le Miroctiiy, Kalali Qandek Fayya Le Saqolti kee Investerwaay, Agat Caddol Dagar Diig Federeshin Edde Geytimtem kee eglaali qandek dumi xagar diigih maritte Mechal xagar digil yamixxige xagar dig kee fanni mihrat leela tonnah arcibiseenih yaniinim kee canka maritte edde Tengeleh timixxige. Mechal Dagar Diig Dokon 1936 Qaskarak Tewqeh Tan Dagar Diig Marittey Agatak Kalali Qandeh Maysok Astah Kinnim Kee Tah Kaxxam Faxxiima Dagar Diig Dokon Kinnim Qaddoosen.