Ta Sanatih Gexsan Anxaxin Raatih Gooduk Asharal Boolul 40 Gaba Takke Coox Abbay Weeqaytih Faacissoh Dariifal Daabisimelonum qddoyse

Addis Ababa Ximolik 9 Sanat 2016 (ENA) 

Ciggiila Naharsi Malaak Temesgen  TUruneh Ta Sanat Anxaxin Taddeerah Addak 40% Takke Coox Abbay Weeqaytih Faacissoh  Addat Daabiselem Yiysixxige 

Ciggiila Naharsi Malaak Gifta Temesgen  Tiruneh  Dredawa Magaalah Xiinissoh Saqal Gifta  Keder Juhar Edde Anuk Rakaakay Saqolti Kee Malokti  Dredawa Qali Biirah Parkil Anxaxin Raatih Raatih Taddeeray Gexsen ። 

A Sanat 7.5 Biliyoonih Coox Daabisoonuh Ikraariseenih Yaniinim Kee Tah Kaxxa Caddol Abak Geytimaanam Ciggiila Naharsi Malaak Qaddoose ። 

 

Amolladi  Daabisoonu Waan Cooxuk 40 Gaba  Boolul Leeh Addah Nagaytaniina Dacrisoonuh Naba Itiyoppiyak Asqassabe  Karawwadih Abbay  Weeqaytih Dariifal Dabisak Geytimaanam Yiysixxige ። 

Dredawa Magaalah Xiiniso Saqal  Gifti Keder Juhaar  Anxaxin  Rata Hawa Milaagih Xisneh Maduur Xisoonuh Lafale Doori Digirta Axcuk Qaddoyse ። 

Hawa Milaagih Sababah Dredawa Magaalal Ballaaqê Qawwalaylaay, Qabaar Kee Weeqi Qawwalayla Akah Yaynukuseenim Xiqqimtem Yiysixxige ። 

Ta Sanatih Addat Maaqiddi Caabih Dacayri Kee Sabhalal Le Hawa Gintuh 3 Miliyoonih Coox Daabisoonuh Ikraariseenih Yaniinim Kee Aham Fanah 1.5 Miliyoonih Coox Daabiseenim Yiysixxige ። 

Anxaxin Raat Dacrisaanam kee Hawa Milaagih Taqabi Yafdigoonuh Abaanah Yanin Macal Bisoh Axcelem Yiysixxige