Yiggiriqqeh  Suge Bahirdaarak - Gashenaak - Allamaati Kooran Akat Qeedaben

Addis Ababa, Caxah-Alsak 27, 2016 (ENA) Kinal Qawwalayla Edde Boodeh Yiggiriqqe Suge Bahirdar - Debretabor - Nifas Mewcha - Gashena - Alamaata Fan Gexah Yan 230 Kiilo Volt Fayya Le Kooran Caylih Tabisa Akat Fayya Le Caddol Abeenih Yanin Macalal Qeedabiyya Akak Aben.

Itiyoppiyak Kooran Caylak Kooran Tanisiyya Kee Keefiyyo Fanteenah Opireeshinih Langil Kilbatti Ayro Kormah Rakaakayak Opireeshin Kee Qeedab Miracsentih Dayrekter Wunet Abbe Elle Qaddoosennal:- Asaaki Macsentaak Xabba Haanam Abeenih Yanin Qeedabiyyo Taama Yiggiriqqe Suge Akat Qagital Sittat Yasgoroweenimih Taamak A Bar Gaba Akak Kaleenih Yaniinim Qaddoose

Tahak Ugut Abak, Bahirdar, Gonder, Mekele Kee Kalah Tan Magaloolil Qagitak Kooran Cayla Geyeenih Yaniinim Itiyoppiyak Kooran Caylih Oyti Yascasse.

Tonnah Weldeyaay, Kombolcha Kee Dariifal Geytimta Magaalooliiy Edde Anuk, Kimbolchah Katuk Kooran Cayla Geyak Sugteh Tan Samara Kee Kalah Ran Qafar Rakaakayih Magaalooli Koran Cayla Akah Geyan Innah Taamitak Geytimaanam Qaddoose.