Dahab Mayyaaqah Cugaysoh  Gommod Mali Girah Cayla Xayyoysoonuh  sittin gey Aben

                              Addis Ababa; Ximolik 14 Sanat  2016 (ENA)

Itiyoppiyak Kooran Cayli Kurmuk Dahab Maqdiinah Canka  Kampaani Kooran Ayfaaf Akah Xayyoosan Innah Sittin Gey Abeenih Yaniinim Qaddoysen ።

Tama Sittin Gey Itiyoppiyak Elektrik Caylih Eglak Naharsi Saqalah Yan Injiner Ashebir Balcha Kee Kurmuk Dahab Murtissoh Canka  Kampaanih Naharsi Manaajer Brooks Warku Sittin Gey Abeenim Yiysixxigen ።

Benishangul Gumuz Rakaakayak Kurmuk Daqaaral Tama  Xisne Akkelem Yiysixxige ።

Itiyoppiyak Kooran Caylih Fanteenak Qadaaga Kee Tellemmo Daddoosih Dayrekterih Yan Gifta  Hiywot  Eshetu Tama Kompaani Lih Abeenih Yanin Sittin Gey 12 Sanatih Gideh Sugelem Kee 35 Megawatt Cayla Akah Xayyoosan Innah  Xiqsiisa Sittin Gey Abeenim Yiysixxige ።

Cayli xayyoosih sittin geyih mekla dollaral akkelem kee tah ta xisok iro baaxoh lakqo Geysissuh  kaxxa doori Digirtam  Yescesse

Ta Sitingey Dahab Maqdiyah Cugaysoh Cayla Xayyoosaanamal Cato Lem Cayla Tabaatabsih Gitih Design Kee Xisneh Taama Abak Ta Institute Ossotinah Culenta Geytuh Saami Ginele Axcuk Qaddoose.

Tama Xiso Cayli Daddos Xisneh Qalayli Osisoonuh Kaxxa Doori Digrelem Ta Dayrekter Qaddoyse ።

Tahak Kalah Itiyoppiyal Baxaabaxsa Le Sekteritteh Nummale Cayla Xayyoosaanam Kee Investimenti Cugaysoosa Qokol Abak Ta Fanteena Isi Masuuliyyatak Awaquk  Geytimtam Yiysixxige ።

Kurmuk Dahab Murtissoh Canka Kampaanih Naharsi Manaajer Brookis Warku  Elle Qaddosennal Tama Sittin Gey Digga  Leh Yan Cayla  Xayyoosaanam Xiqqimtah Tanim Qaddoose ።

Naharsi Saqal Elle Qaddoysennal   Dahab Murtissoh Fabrika Sanat 2018 Taamal Fan Culan Innah Ekraarisenim Qaddoysak  Awayih Uddur Cugayso Xisneh Faxximta Uwwaytiit Dariifa Fan Culusak Geytimaanam Qaddoyse ።

Tama Dahab Murtissoh Fabrika, 500 Miliyoonih Doolar Takke Cugayso Akah Takkennah Abak Geytimaanam kee Tama Fabrika  Benshangul Gumz Rakaakayak  Kurmuk Daqaaral Xissiimelem Yiysixxige ።

Itiyoppiyak Kooran Caylih Fanteenak Geytime Oyti Elle Yascassennal Dahab Murtissoh Fabrika Ossotinah Caylih Fayxi Le Waqdi, Xayyos Kee Limo Sekkaacisele Axcuk Ambalal Addat Geytimtam Qaddoysen።