Makro-Ikonomih Milaagi Tellemmoh Ayyuntih Essero Gacissem Kinni " Gifta Adam Farah

              Addis Ababa Ximolik 20 Sanat 2016 (ENA)

Doolat Abbinosseh Tan Makro-Ikonomik Milaagu Tellemmo Ayyuntih Esseroora Gacseh Tanim Kinnim  Dimokraasih Siiratih Xisneh Koobaahissoh Fanteenah Saqal Kee Leeda  Partik Ciggiila Pirezdantih Yan Gifta  Adam Farac  Qaddoyse ።

Tellemmo  Kee Dariifa Angaarawih Malaakih  Koobaahissol  "Itiyoppiyahim Xaam" Axcuk Bicisseh Tan Agatak Tellemmo Ayyaamih  Malaakih Maktabih Addal Qaduuk Fakkiimeh Geytima ።

 

Tama Mayballa  Ciggilta Koona Ayroh Addat Gexsiteleeh, Xaama Maritte Kee Limmoysa Maritte Angaaraw, Ta Luddal Tanih Tan Duddite Yaybulleenim Kee Tellemmo Wagittaamal Mabla Akah Yaysiisen Innah Abak Geytimaanam Qaddoysen ።

Toh tonnal Anuk Dimokraasih Siirat Xisneh Koobaahissoh Fanteenak saqalay Leeda  Partik Ciggiila Pirezdantih Yan Gifta  Adam Farac Itiyoppiyah Dadal Sarrimaane kee Waar Le Dadal Aboonuh  Qasriino lee  Tellemmo Siirat Fidsaanam  Faxximtam Qaddoyse ።

Tahah Itiyoppiya Baadak Tellemmoh Siiratal Qalayli Akah Takkennah Abaanam Kee Qadaaga Fanteenaani Baarisaanam Faxximtam Kassise ።

Kalah Kaaduk  Elle Yescesenal Taama Qimmiseenih Yaniinim Xayyos kee Fayxih Fanat Yan Baxsa Yaynukuseenim Faxximtam Kasiisak  Tellemmoh Ayyunti Masquliyyat le Gurra Taamitak  Agat Dirkik Yawqeenim Faxximtam Yiysixxige ።

Doolat Canka Luddal Qalayli Akah Takkennah Bicale Caloota Ginak Geytimtam Qaddoyse ።

Kabxa kee  Dariifah  Angaarawih Malaak G Kasahun Gofe (Dr.)  Elle Qaddoysennal  Ta Luddat Boodeh tan Taqabi  Kusaaqal Baxisak Abinal Taamoomi Akkuk Geytimtam Qaddoyse ።

 

Afa Baaxoh Investerwah Alfimteh Sugte Tellemoh Sekteritteh Fakiyyaay, Madqooqi Yaysiiseenim Kee Qasri Siirat Xisaanam Baar luk Abak Geytimaanam Yiysixxige ።

Tahak Ugut Abak Baxaabaxsa Le Dijital Siirat Edde Anuk Onlaayin Tellemmoh Maysarraqa Kee Idni Yaceenimih Taama Akkuk  Geytimam Yiysixxige ።

Sittin Gey Kee Sittin Gey Elle Tumbulleh Tan  Maytani Mayballaah Fanteenah Asaakih Ayro Fakkimeh Yan Doolat Kee Cankâ Sekterih Sittin Gey kee Sittin Qokol Iro Baaxok Tellemmoh Mayballaata Fakkimtem Qaddoysak Tah Ludda Yaysiisoonih Loonuh Yanin Digga le fayxi Qaddosam Kinnim Tam Malaak Qaddoyse   ።