innaa Lillaahi wa innaa Ileyhi Raajiquun ! Ambassaador Dr Kaxxaafo Issi Cakki gee

Addis Ababa ximolik 21 Sanat 2016 (ENA)

Ambassaador Dr.Kaxxaafo Macammad edde yoobokeh yan 86 Karmat asaaku guubuh elle sugeh yan Kanadal raq sinni Rabah a manok Baxsimem Tontoobbe.

Gannagiyo farangi Liggidih Loowok 1936 Dawwek Kataaro Xiqsittakkel yoobokem kaak manoh aydaadi yascasse.

Ambassador Dr.Kaxxaafo Macammad Qumri kaak Baritto elle gufekkel Aysaqiitak Dumaahi Migaaqal atse gebremariam/Macammad Canfaxeh Barittoh Buxal Baritto kataate,lakal Addis Ababal 12 hayto footima fan bartem kinni kaak mamoh aydaadi yascassem.

 

Gannaggiyo barittok 12 gaba elle kalekkel Itiyoppiyah Radiok Qafar afih exxat Taamite Xaagu Qaweh suge.

Ambassador Kaxxaafo Sultan Qali Mirac Caylasillaaset abak suge angaarawal Sultaanak Baxsimak masuginna.

Sultan Qali Mirac Farangi Liggidih Loowok 1971 Amerika elle gexekkel Sultaana luk gexxem gannaggiyo Ambassador Kaxxaafo kee gannagiyo Ambassador Sultan Canfaxe Qali Miraacak sugte.

Gannagiyo Ambassador  Kaxxaafo Macammad Amerika Sultan Qali Mirac luk elle gexekkel Washingtoonuk Amerikah Jaamiqatal Qimbo Degree Sultan Canfaxe Qali Muraaca luk International Leadershipik gaba kalen.

Ambassador Kaxxaafo qagitak ta Jaamiqatak 2 hayto degril International Leadershipil Dooqaysimem manoh aydaadi kaak yascasse.

Yalli kaah Racmatay Gannagiyo Ambassador Kaxxaafo Baxaabxsa le Baaxooxal issi Baaxo Itiyoppiya awlisak Ambassador tikkayeh ayfaf acayuk suge.

Ambassador tikkayeh Elle Taamite Baaxooxah tu-gactek Nigeriyaay,Lybiyaay,Kataraay,Djiboutiiy, Suudan kee Kuwait edde geytiman.

Ambassador Kaxxaafo kaxxa Deplomaatah sugeh yan wak Kuwait Doolatih emir luk maqar le angaarwu luk sugem warsan.

Gannagiyo taamoomik rabbo beyak elle yuqrufeh suge Kanadal Qafar Caagid kee Baaxo Caagidil ecleh,taqabeh axcekkal angayyuk fula le gabat agle luk suge agiruk sugem kay manoh aydaadi yascasse.

Ambassador Kaxxaafo guubuh elle sugeh yan Kanadal asaakih ayro ta addonyak raq sinni danqa fan haysite.

gannagiyok addonya bagul 5 xaylo raqteh tan wak labha 4 kee say baxah inkitto kaak raqte.

etvik Qafar afih exxa Gannagiyooy rabbasiteh Yalli Addonyak tayse akheera yacayaay,kay buxah maraay,ahali lee wadaayah imaan kee sabri yaceem qaaginna.

innaa Lillaahi wa innaa ileyhi Raakiquun