Itiyoppiya Baadak Duddi Eglak Inkih Tan Adoytiinu Sumaqta Geyte

Addis Ababa  Qunxa garabluk 3 Sanat 2017 (ENA) 

Taama Kee Duddi Malaakah Tan Muferihat Kaamil Itiyoppiya World Skills Xiqsitta Eglak Inkih Yan Adoytiinu Sumaqta Geytem Qaddosse ። 

Itiyoppiya Baadak Duddi Eglah Adoyta Takkem  Mango Tuxxiq Lem Tama Malaak Isi Ayyuntiinô Retteemah Galil Tatruseh Tan Farmol Kassiise ። 

 

Baxaabaxsa le Baaxooxa Lih Sanaqatah Angaaraw Ginaanamaay, Duddi Daddosih Wagsiisak Baad Caddol Abak raag Tabsaanam Kee Mangom Siyaasaay, Qidaddo Kee Ayyuntiino Abak Raag Geyoonu Xiqsisam Kassiise ። 

Tamahaay Tama Luddal Akkuk Geytinta  Taamal Yayse Milaagi Baahoonuh kee Baad Caddoh Duddih Gexsitilih Sitta Luk Gedoonuh Saami Gintam Kinnimbl Qaddosse ። 

Itiyoppiya Baadak Dudda Eglah Adoyta Tekkem Faransak Liyoon Magaalal Gexsitak Geytima Baadak Dudda Qalaylit Tengelem Kee Baad Caddol Beytah Tan Maaqattooti Misos Abtuh Cato Tekkem Tama Malaak Qaddosse ። 

Baadak Duddi Qalayli Qunxa Garabluk Pagmek 5  Sanat 2016 Qimmiseeh, Qunxa Garabluk 5 Sanat 2017 Fanah Gexsitelem Qaddoysen ። 

Itiyoppiya Sidiica Duddi Luddal (ICT Kee Networking, CNC Machine, Furnicher Making) Namma Naddo Awlisak Tama Qalaylil Angaluk Geytimta ። 

Tama Qalaylil 70 Baaxooxak 1 Alfi 400 Yakke Qunxaaneyti Edde Yengele ። 

Qunxaaneyti Baxaabaxsa Le Dudda Kee Hadal Taama Elle Xayyosak Qalalak Geytiman 

Qalaylik hadaf Garuq Sinnuk Milaagimak Geytima Baadal Metteebanni kee Mihrat Exxaaxi leh tan Doori Yaybulleenim kinnim Qaddoysen ።