Muslimiin Ummatta Baaxoh Sarrimaaneh Salaam kee Dadal Geytuh Abah Yan Doori Maqarrosnuh Bisoh Iyyaanam Faxxinta

Addis Ababa Qunxa Garabluk 5 Sanat 2017 (ENA) 

Itiyoppiyak Islaaminnâ Caagiidah Daga Raqta Malah Buxa Muslimiin Ummatta Baaxoh Addal Sarrimane Leh  Yan Salaam Kee Daddosul Leh Yan Doori Diggoysaanam Faxximtam Seeco Tatrusse 

Nabiyyi Macammad 1,499 Heele Mawulid  Qaffayda Anwar Masjidil Yessekexxen ። 

 

Itiyoppiyak Islaaminnâ Caagiidak Daga Raqta Malah Buxak Naharsi Ciggiila Perezxenti Shek Qabdulkarim Shek Bederdin Kee Kalah Tan Diini Abbobti Tama Aracal Geytimak Unkaqiino Farmo Tatrusen ። 

Shek Qabdulkaariim Shek Badreediin Muslimiin Ummatta Qaffayda Yassakaxxeh Yan Wak  Meqe Taama Kee Nabi Macammad Baritto Rakitak, Baaxo Kee Ummattah Tuxxiq Leh Tan Meqem Abit  kee Meqe Taama Abak Yassakaxxeenim Faxximtam Yiysixxige ። 

Tahak Ugut Abak, Muslimiin Ummatta Ummatta Fanal Sitta Qokolih Qaada Dadlisak, Agat Inkittinaane Akah Diggoysan Innah Qimbiseenih Yanin Taama Fooca Fanah Akah Gexannah Farmo Tatruse ። 

Tahak Ugut Abak Qimbimeh Yan Daddos Taamoomi Sissikaakak Salaam Kee Inkittinaane Diggoysoonuh Kulli Num Isi Doori Digraanam Kassiise ። 

 

Addis Ababak Fayya Le Islaaminnâ Caagiidak Malah Buxak Ciggiila Pirezdantih Yan Shek Fatuuddin Cajji Zeinu Is Le Katuk, A Sanat Mawulid  Ayro "Salaam Nabi" Axcuk Addis Ababal Assakaxxuk Geytimaanam  Qaddoose ። 

ENA  Anwar Masjidil Xaagu Kak  Abteh Tan  Maritte Muslim Ummatta Tama Qaffayda  Tassakadde Wak Diini Caddoh  Dacrisak, Sitta Qokol Abaanam Faxximtam Qaddoosen ። 

Gifta Qabduracmaan Siraj Kee Ikram Macammad Elle Qaddoysen Innal  Muslimiin Ummatta Nabi Macammad  Yeceh Yan Baritto Rakitak Salaamay, Inkittiino Kee Sittin Cato Qaada Abaanam Faxximtam Yescessen  

Gifta Adam Neegash Ta Qiid Inkittinaane kee Salaam Yaysexeexegeh Tan Abtootaay Qaku Leh Tan Ummattah  Cato Abak Yassakaxxeenim Faxximtam Kassise ።