Carruki Daqaaral 250 Hektaar Takke Baaxol Yubquren Muuz Buqre Awayih Udduur Baaxoh addah Qadaagal Xayyoowak Geytintam Timixxige

Addis Ababa Qunxa garabluk 5. Sanat 2017 (ENA)

Gabbi Rasuk Carruki Daqaaral Rakaakayak Naharsi Saqal Massakxxa le Cajji Awwal Qarba kee Federaalak Buqre Malaak Dr Girma Amenteh Koobaahissol Daabiseenih yanin 250 Hektaar Takke Muuz Buqre Awayih Udduur Baaxoh addah Qadaagal Xayyoowak Geytintam timixxige 

Tama Muuz Daabisaanay Inki Liggidah yanih yanim Kee Tatre Waysi Alsaak Xabba Haanam Qadaagal Xayyoosak Geytimaanam Yiysixxigen . 

Tama Buqre Carruki Daqaarak Taturak Gabbi Rasuuy,Inkih Yak Qafar Rakaakayih Caddol Ceelallo Akkuk geytintam Qaddooseh yan Carruki Daqaarak Naharsi Saqal Gifta Casan Diini :- Qafar Baaxol Tu Mataabuka Axcuk yenen Udduur Gaba Kalak inkih tan Itiyoppiya Inti Qafar Baaxo fan kah Haytanna Taamat Foocah Axceloonum Yescesse .

Akkel geytimeh yan Carruki Daqaarak Buqre kee Gino gaddih Daddoosih K/buxak Saqalah yan  Gifta Qali Caysama  Awayih Udduur Qadaagah Xayyoosak Geytimaanah yanin Muuz Murtik , Buqre abeenit Inki Makiinal 210 Alfiik Daga Takke Lakqo Geyaanam Qaddoosak , Tama Buqre Ayyuntah Taama Saamih Ginoh kaxxa Tuxxiiq lem Dibuh hinnay :- Ummatta Foocah Digga luk Taamittuh kaxxa Uguugus Akkuk Geytintam  Baxxaqise . 

Geenih yanin Muuz Buqreh Tuxxiiqik Ugutak Foocah Nagay Taamiteloonumih Ikraaro Loonuh Yaniinim Carruki Daqaarak Angallaleh Awdak Yooqoren Makaftak  Gariixa Sittalluk abit Eglay Muuz Buqre Amrutuk Geyyintak Miraaciini Adoytiitih tan Gifta ibraahim Acmad kee Gifta Altayye Kuuse Qaddoosan.