Malokti Malah Buxa 39 heele madab koboxul baxaabaxsa le margaqooqi tatrusen

Addis Ababa Qunxa Garabluk 21 Sanat 2017  (ENA)

Malokti Malah Buxa A saaku Gexisseh Tan 39 hele Madabiinoh Koboxul Baxaabaxsa Le Caagiidal Walal Gexisak Margaqa Tatrusen

39 heele Malokti Malah Buxak Madabiino Koboxih Margaqooqi

1. Qimboh, Malah Buxa Agat Caddol Fanti Uddur Culenti Makcaggurul 2017-2020 Fanah Walal Gexsen ።

Ta Istrateejih Hadaf Qiso Siirat Qasrisiya kee Canka Investementih Bicale Dariifa Ginaanamaay, Amolladih Qiso Poliisitte kee Xiinissoh Milaagitte Tonah Kaddu Milaagitte Abtol Asisaanam Xiqsissa
macgaggur faatacimeh 10 sanatih daddos ekraaro lih massowtuh Istiraateejih  baar luk walaleenik  lakal malah buxa margaqa tatruse Ayrok xabba haanam abbinosoonuh inki xongolol margaqa Tatrusen ።

2. Ciggiilak, Ityoppiyak Federaal Ximokraasih Rippablik Maltah Doolat Kee Chaad Doolat Lih Abteh Tan Qaran Ayfaafih Sittin Gey Faaticisoonuh Xayyowteh Tan 2 Qagunti Kuktittel Walal Gexsen ።

Ta Sitingey Itiyyobiyak Qaran Merayti Safar kee Kargoh Haadiyyi Loop Faxe Maltak Faxe Magaala kee 3 hyto kee 4hyto Tarafik Gaar Le N'Djamena Magaala Fanah, Awlaytiino le Qaran Merayti Sitaluk taamitaanam, 5 hyto Tarafik Gaar Le Doorimte Arooca Fanah Haadaanam kee Maqarroosaanam Xiqsissa ።

ni baaxoh  Namma baaxoh angaaraw, tellemmoo kee investimentih, toh kaxxa doori digirtah tan iro baaxoh tellemmooy, wacaysir taamah gino kee iro baaxoh lakqoh culenta Fayya Le Doori Sittin Geyitte Kinnim Qaddoysen ።

Tama Malah Buxa Xayyowte Kuktittel Walal Gexseenik Lakal Ummattah Awlaytiitih Malah Buxa FanahTatra Innah  Margaqa Tatrusen ።

3. Ciggiilak, Tama Malah Buxa Elle Walaltem Industirih Uwwaytih Caagiidal Paaris Konvenshin Faaticisoonuh Xayyowte Madqal Walal Abeenih Yaniinim Qaddoosen ።

Paaris kovenshin inxastarih uwwaytih xisne adoytit baaxooxah fanat egla inxastarih uwwaytih kalaluh, patentitte edde anuk, inxastarih ceelalloola, inxastarih goolissoosa, tellemmoh asta, ayfaf asta, tellemmoh migaaqitte, murtissok raceena tascasse asta, kee qadli sinni qalayli kalaloonuh kee Buqre kee inkih tan murtisso akkek ginoh murtisso kinni. Ta Konvenshin Faticisaanam Ni Baaxo Baadak Kabxah Eglah Adoytiinu Akah Geyta  Innah Abak Geytimta Esseroora Qokoltam Kee Adoytiitih Tan Baaxooxak Industirih Uwwayti Dacrisaanam Wagsiisak Esseroora Meqe Raddi Akah Yaceen Innah Xiqsissa ።

Tama Kukta  Walal Abeenik Lakal Malah Buxa Inki Xongolol Ummattah Awlaytiitih Malah Buxa Fanah Akah Taturta Innah  Margaqa Tatrusen ።

4. Tama Malah Buxal Madrid Konvenshin Baad Caddol Geytimta Astooti Wagittaamal Protokol Faticisaanam Faxximtam Qaddoosen.

portokool tellemmoh asta kee ayfaf asta baad caddol daccarsimtam xiqsissa, baaxoh addah madqal xayyowte kalaluk iroh, kee ossotinah, toh ginnimteh caalat murtitte kee ayfaf kalalu gersi marih gabat umaane, kee toh kaxxa tuxxiq le mexxat le murtittee kee ayfaafayitteh gadda raceena takkuh, mala buxal walalteh tenek portokool Lakal ummattah awlaytiitih malah buxal tatrusoonuh margaqa Tatrusen ።

5. Ellecaboh, Mala Buxa Elle Walalteh Tanim Immigration kee Baaxo Baxiini  Ayfaafayih  Taama Abeenit Edde Xinta Kinni

Ayfaf maktab mixxaagisen dirki kee qaaqa kiboonuh; Madruurwa Meqe Ayfaf Akah Yaceen Innah Kee Passportih Uddur Wagittaamal Taqabitte Yafdigoonuh Immigration Kee Baaxo Baxiini  Ayfaafayih Edde xintih Qagunta Bicisak Geytimaanam Qaddoosen.

Ossotinah qimbimte milaagitte xaloot bahtuh, milaagi inkitanuuk abbinooweleemih baxsa le ayfaafah gino hangit hayta taama abeynit edde xinta gulgulusen ።

Ta malah buxa edde xinta qagunta baar luk walalteek  lakal Negarit xaagi warkatal Edde  yewqeh yan Ayrok xabba haanam abbinoysoonuh inki xongolol margaqa tatrusen ።