Itiyoppiya Baad Kee Dariifa Salaam Dacrisoonuh Giffole Doori Le Baaxo Kinni " Itiyoppiyal Denmark Ambasadder

Addis Ababa Qunxa-Garabluk 21 Sanat 2017  (ENA) 

Itiyoppiyal Denmark Ambasadderih Yan Sunni Rogstrup, Afrikak Baxsa Luk Gaysal Geytimta Baaxooxal Saay  Kee Salaam Diggoysoonuh Itiyoppiya Kaxxa Doori Digrem Qaddoyse ። 

Tama Ambasadder ENA Lih Suge Uddur Baad Caddo Kee Dariifa Salaam Kee Nagaytaniinah Itiyoppiya Abak Geytimta Dooriir Baxxaqise ። 

Itiyoppiya Afrikah Gaysah Dariifa Saay  Kee Salaam Diggoowuh Kaxxa Doori Digirteh Tanim Kassiise ። 

Galli Maroh Eglak Salaam Dacayrih Missoynah Gubat Dariifa Caddol Dibuk Hinnay Baad Caddol Salaam Dacrisoonuh Itiyoppiyak Salaam Dacayrih Qande Kaxxa Doori Digirte Axcuk Baxaqise ። 

1951 Kooriyah Carbit Galli Maroh Egla Miraacisak Sugte Caylittel Itiyoppiya Tuxxiq le Gabah Assagolla Kassiise ። 

Tah Itiyoppiya Baad Caddol Saay  Kee Salaam Diggossuh Abteh Tan Doori Aydaadul Tunkuttubeh Tan Massakaxxa le Abto  Kinnim Kassiise ። 

Tama Ambasadder Elle Yescessennal, Itiyoppiya Salaam Dacayri Galli Maroh Eglak Salaam Dacayrih Missoyna Sumaqteh Tanim Kassiise ። 

Tamaha Lih Itiyoppiya Away Ayro Mawqah Afrikal Sugteh Tan Taqbitte Calli Lem Kee Salaam Akah Geyan Innah Kaxxa Doori Digrelem Qaddoyse ። 

Tama Ambasadder Elle Qaddosennalaay, Denmark Afrikah Inkiino Kee Dariifa  Institutionitte Lih Salaam Kee Saay Ajenxaaxih Caagiidal Leh Tan Qokol Diggoyselem Yiysixxige ። 

Itiyoppiya Afrikal Booditte Kee Sittin Wayteeta  Salaam Kee Walal Gitaak Yafdigoonuh Salaam Kee Xakak Akah Diggoysan Innah  Itiyoppiya Kaxxa Doori Digrteh  Tanim Kassiise ። 

Tahak Ugut Abak Ayro Mawqah Afrikal Qarkakisa Kalalitaanam Kee Boodittet Salaam Gital Yafdigoonuh Leh Yan Doori Diggoysak Dariifa Salaam Kee Xakak Fayya Le Caddoh Doori Digirta Axcuk Qaddoose ።