Taaliyan Itiyoppiya Lih Leh Baad Caddok Diplomaasih Angaaraw Fayya Le Caddo Fanah Beytuh Taamitak Geytimta

Addis Abaaba  Qunxa garabluk 21 Sanat 2017 (ENA) 

Itiyoppiyal Taaliyaan Ambasadder Agostino Palese Taaliyan  Itiyoppiya Lih Leh Tan Baad Caddoh Diplomaasih Angaaraw Fayya Le Caddo Fan Maadissuh  Taamitak Geytimtam Qaddoyse ። 

Itiyoppiyal Taaliyan Ambasadder Agostiino Palese ENAh Luk Sugeh Yan Angaarawal  Elle Qaddoosennal; Itiyoppiya Kee Taaliyan Xex Waktih Diplomaasih Angaaraw Leh Tan Baaxoxa Kinnim Qaddoyse ። 

Tamaha Lih Namma Baaxoh Fanat Qidaddo, Ayyuntiino Kee Siyaasa Luddal Udduruuk Udduruk Fantaaxaw Osisak Geytimaanam Qaddoyse ። 

Qidaddo luddal kalah ummatta kee ummattah fantaaxaw maqarroosuh taamitak geytimaanam Qaddoyse 

Itiyoppiyal Xissimtah Tan Daddos Cugaysoosat Taaliyan Gabah Assagolla Abak Geytimtam Yescesse 

Ceelalloh Taaliyan Itiyoppiyak Baxaabaxsa Le Rakaakayittel Daddos Cugaysoosah Dubuk Inki Sanatih Addat 300 Miliyoonih Yiurok Daga Yakke Maalu Awuqenta Abteh Tanim Qaddoyse ። 

Addis Ababah Daddos Cugaysoosah Fanak Weeqayti Qaxih Daddoosih 10 Miliyoonih Yiiroh Qokol Abeenim Qaddoyse ። 

Tama Aracal Tannah Tan Sittin Qokolih Arooca Diggosak Itiyoppiya Lih Leh Tan Kulli Diplomaasih Fantaaxaw Fayya Le Caddo Fanah Akah Beytannah Taaliyaan Xayi Ikkekb Taamitak Geytimtam Yiysixxige ። 

Tohuk Ugut Abak, Itiyoppiya Taaliyan Istraateejik Waklentit Axcuk Muggaaqiseenih Yanin  Baaxooxak Tiyak Teena Kinnim Yescesse ። 

Tama Baaxooxa Baxaabaxsa Le Baad Caddoh Caagiidal Lon Mangoh Tan Sittin Qokolul Maqar luk Taamiteloonum Yiysixxigen ። 

Oyti Elle Yascassennal Itiyoppiya Kee Taaliyan Madabiinoh Diplomaasih Angaaraw Qimmisseh Taniimih  Bool Sanootak Daga Takkem Tamixxige ።