Alsi Gide Sugu Waah Ya Fayda Xijitaa Mamaxxagah Maysarraqah Gaadi Addis Ababal Beerak Xabba Haanam Qimmiselem Warsen . - ENA Qafar Afa
Alsi Gide Sugu Waah Ya Fayda Xijitaa Mamaxxagah Maysarraqah Gaadi Addis Ababal Beerak Xabba Haanam Qimmiselem Warsen .
👉 Inki alsih addat inki milyoonuuk daga yakkeh yan ayyunti akah tankuttubennah ekraariseenih yaniinim diggoosen
Addis Ababa Qunxa garabluk 29 Sanat 2017 (ENA)
Agat mamaxxagah
porograamih kutbeh buxa kee Addis ababah magaalah xiinissok sivil maysarraqa kee baaxô baxiini ayfaafih ejensi sitta luk cattiimak Faydâ mamaxxagah maysarraqa abeloonum yiysixxigen.
Agat Mammaxxagah Taddeerak Naharsi Dayrekter Yoxahe Zemikayel Xaagi Qawah Yeceh Yan Maybalaalaqal Elle Qaddoosennal, Agat Mammaxxagah Maysarraqa Beeraak Xabba Haanam Addis Ababal Qimbimelem Qaddoose.
Tama Aydakaakan Fayda Dijital ID Addis Ababah Magaalal Xayi Udduurih Addat Gaba Kalelem Yiysixxige.
Maysarraqa gaadi inki alsih addat inki milyoonih maysarraqa akah aban innah ekraariseenih yaniinimwarsan. Usuk iyyemih Fayda Dijital ID maysarraqah wali qaynatih mekla waytam Warse.
Faydak Xijital Kinnaane Itiyoppiyak Xijital Istiraateejih 2025 Ikraaroh Addat Tanim Kinnim Qaddoose. Fayda Ta Baaxok Sehdayti Caylih Qadad Yaaxagoonuh Baxsa Lem Kee Duddaleeh Qasri Ayfaf Akah Geyan Innah Abelem Qaddoose.
Addis Ababah Magaalah Xiinissok Siivil Maysarraqa Kee Baaxô Baxiini Ayfaafih Ejensik Dayrekterih Yan Jonas Alemayehu Faydah Maysarraqa Kulli Daqooritik, Fanteenaani Kee Namma Luddal Akkelem Yiysixxigen.
Maysarraqa Taama Sitta Lih Aboonuh Taski Forsi Xiseenim Qaddoseeh, Ta Angaaraw Siirat Magaalah Caddol Qimbisen Xijitan Ayfaf Bisoh Hoonuh Xiqle Axcuk Qaddoose.
Ta Gaadu Addis Ababah Magaalah Xiinissok Siivil Maysarraqa Kee Baaxô Baxiini Ayfaafayih Ejensi Kee Agat Kinnaaneh Taddeera Lih Cattiimak Abeenim Warsen.