Rakaakayak Qaafiyat Biiro UNICEF deqsitta Meqem Abittoh Eglâ Luk Cattiimak Daqooritik Tewqe Qaafiyat Mihratleelah Aydakaakan Acayuk Geytimta.

Addis Ababa Kaxxa Garabluk 24 Sanat 2017 (ENA)

Ta Aydakaakan Rakaakay Caddol CIFF Taddiirah Yayse Xalu Baahele Axcuk Dooren Ferey Takke Daqooritiy Axcih Aysaqiitay Daqaaray, Afambooy, Gawwaani Kee Konnabî Daqaarak Tawqe Mihratleela Edde Tengelem Tamixxige.

Tama Aydakaakanat Qaafiyat Mihratleelak Ossotinah Ta Affara Daqaarak Maaliyyah Ku/Buxah Saqalay, Raq Sinnî Tekkookah Exxah Saqalay, Qaafiyat Kutbeh Buxaaxih Saqal Kee Maaliyyah Ku/Buxak Mihratli Edde Tengeleh Sugtem Tamixxige.

 

Ta Aydakaakanak Lafale Hadaf Inki Aracal Mango Ayfaf Akah Giyan Innah Yascasse Aydakaakan Kinnuk Maaqiddi Keefo Elle Takke Dariifal Aftabu Bekkal Sugtá Alaaqa Aftabu Too Aracal Akah Biyta Inna Kee Raq Sinni Tekkookak Ubka Certificate Too Aracal Saani Akah Giyan Innah Yascasse Hangissoh Aydakaakan kinnim Tamixxige.

Ni Ummatta Dacarsittoh Xiinah Ummattay Fixixih Tani Kinnuuk Mangom Aftabu Elle Faxximtannal Elle Faxximta Aracal Amaatuk Bee Waanam Kinnuuk Ta Cogdat Antafaquk Alaaqa Aftabu Akah Geytannah Absiisanam Kinnim Tamixxige.

Tonnah Kaadu Maaqiddi Keefoh Yamaaten Way Tamaa Aracal Ni Ummatta Aftabul Meqe Mabla Akah Taallenna Kee Aftabu Wagittaamal Ummattah Nagay Hangisso Akah Yaceen Innah Ta Mihratleelah Aydaakan Yaceenim Faxximtam Kinnuuk Yamcawwe Aydakaakan Kinnim Tanixxige.

 

Qagitaak Kaadu Maaqiddi Taqabi Le Alaaqa Duddale Gurral Maaqidda Akah Geytanna Kee Aftabu Akah Geytannah Maaqidda Kee Aftabi Siirat Sittat Axawah Haak Akah Yaceen Innah Absiisa Siirat Kinnuuk Yamcawwe Aydakaakan Kinnim Tamixxige.