Cajji Awwal Qarba gabbi rasih xintok Galaqli daqaarak gaframok burtalil coox daabise

Addis Ababa Kaxxa-Garabluk 28 Sanat 2017 (ENA)

  Qafar Rakaakayak Naharsi Saqal Cajji Awwal Qarba gabbi rasih xintok Galaqli daqaarak gaframok burtalil coox daabise

Jibril cummad sammali xiqsitah yan Qafar invester taama elle qemmiseh yan gaframol geytimak coox daabise Cajji Awwal Qarba:- ni baaxoh caddooy rakaakay caddol anxaxin raatih taamoomih baxsale hangi acayuk tekkeh tan taamoomit assakat le xaloot amballauk geytimah yanim kee ni rakaakayih caddol kaadu baxsaluk gabbi rasul assakat le taamoomi akkuk geytimtam qaddoyse.

 

Ossetinah Naharsi Saqal Cajji Awwal Qarba dabalak fiiqaytol koona boolih hektaraak daga takke baaxok radak geytimah yan Qutbit/Tuutut gufne abe.

Qafar baaxo teefiiy sirrayaay, muuzuuy, qalê darooy, sanaadir darooy kalah tan faxem teetil qidan way yayse murtii kee maxxatal taceeh tan baaxo kinnih tanim kee geri keenik gexah yan weeqaytut antifiquk maaqiddi caabi sinnik diggoysaanam faxximtam Tamakkel abe Yaabal qaddoyse.

 

Gabbi rasuk qammih baxaay carrukaay dul ellaasaay Hawaash fanti qaleh daqaaral akkuk geytimtah tan daddos taamoomi gersi rasittee kee daqooritih ceelallo takkeh tan abto kinnuuk diggoysak foocah haanam faxximtam yescesse.

Qafar ummattå ken adda obtah tan Gaddaloola hanaawisak taamah abak raagaay taama saamiiy kalah tan ayfaafitte edde tanim cedak daddoosuh sinni ikkeh qokol yakkeenim faxxim Qaddoyes