Hiwot Fana Referral Hospitaal 300 Daga Takke Maritteh Kanser Biyaakak Dayli Kattat Abak Geytimaanam Yiysixxigen.

Addis Ababa Agda baxissok 20 Sanat 2017 (ENA)

Haramayah Jaamiqatak Fokkaaqo Kee Ayyuntiino Caagiidal Ciggiila Pirezdantih Yan Dr. Iscaaqh Yuusuf, Hiwot Fana Referral Hospitaal 300 Daga Takke Rakaakay Xayloh Kanser Biyaakak Dayla Akah Aban Innah Abak Geytimaanam Qaddoose.

Kanser Biyaakih Daylih Fanteena Ayro Mawqah Exxal Aydakaakan Acayuk Geytimta.

Haramaya Jaamiqatak Fokkaaqo Kee Ayyuntiino Caagiidal Ciggiila Saqalah Yan Dr. Isaac Yusuf IPD Elle Qaddosennal, 300 Ila 400 Takke Baaxoh Addah Kee Baad Caddol Geytimta Biyaakita Maritteh Ayfaafay Akah Yacen Innah Abak Geytimaanam Qaddoose.

Tama Hospitaalal Somaaliyah Rakaakay Kee Jabuutik Kanser Biyaakita Mara Dayli Ayfaf Keenih Abak Geytimaanam Baxxaqisen.

Tama Hospitaalal Kanser Biyak Leh Yan Marih Kimoterapi Kee Raadiyeeshin Daylih Ayfaf Keenih Akkuk Geytimam Dr. Iscaaqh Qaddoose.  Qaafiyat Ayfaafih Xayyoosul Baar Le Taama Akkuk Geytimtam Yescesse.

Qaafiyat Luddal Baxsaluk Ayyunti Caddol Taama Akkuk Geytimtam Kassiise.