Itiyoppiya Rosqa Milaaguh Gaba Acse Sinni Buqre Murtissol Leh Tan Abak Raag Tabesse.

Addis Ababa  Caxah Alsak 6 Sanat  2017 (ENA) 

Itiyoppiya "Baad Caddibnak Efeq Kee Rosqa Milaaguh Gaba Ace Sinni Murtissoh Koboxul" Sarrimaane Le Daddoosul Tuskuttubeh Tan Xalootih Abak Raag Tabisse. Rosqa Milaaguh Gaba Acse Sinni Buqre Murtissol Leh Tan Abak Raag Tabesse.

Addis Ababal Gexisak Geytiman "Baad Caddok Efeq Kee Rosqal Milaaguh Gaba Ace sinnih Kobox"2heele Ayrot Geytima.

Tama Koboxul IFDR Pirezdantih Tayye Atsikesilase Edde Anuk Malokti Kee Baxaabaxsa Le Baaxooxah Awlaytit Edde Tengele.

Pilan Kee Daddos Malaakah Tan Dr. Fitsum Asefa:- Itiyoppiya Sarrimaane Le Daddoos Kee Rosqa Milaagut Koositaanamih Caddol Askattabuk Geytimta Xalot Tamakket Angaluk Geytimta Baaxooxah Awlaytiitih Addaffakot Abte.

Tahak Ugut abak Itiyoppiya Anxarin Raat Kee Dariifa Dacayril Assakat Le Xalot Elle Geysisseh Tanim Kassiisak:- Rosqa Milaagu Kalalitaanamal Tibbixeh Tan Ikraarok Exxak Teyna Kinnih Tanim Qaddosse.

Tama Malaaka Ossetina Aham Fanah Itiyoppiya 40 Biliyoonih Coox Daabusak, Baaxok Garbo Caddo Boolul 6 Gaba Fayya Hayteh Tanim Tiysixxige.

Daabimeh Yan Cooxih Fanak Caxaxuwa Fula Leh Tanim Caxa-Miiru Kinnim Kassiissemi Pilan Kee daddos Malaakih Oyti Yascasse.

Ossetinah Itiyoppiya Sirrayal Is Xiiqak Afa Baaxok Culak Sugte Murtitte Aynukusuk Tonnah baaxoh Addak Maaqiddi Kibal Diggoosak Geytimtam Qaddosse.

Leemat Xalot Itiyoppiyak Maaqiddi xayyoosiyya Kee Guddussoh Maaqiddi Kibal Akah Diggoowannah yan Yakkeh Yan Angagoyya Kassiisaak:- Taham Kaaduk Dudda Leeh Tonnah Qeedalsime Maaqiddih Siiratih Diggoosiyyah Kaxxa Doori Lem Tiysixxige.

Ta Angagoyyi Afrikah Dibuk Hinnay Baadah Yakkem Xiiqa Abak Raag Kinnim Kassiisaak:- Itiyoppiya Tama Langil Abak Geytimta Taamal Rosqa Milaagu Koositaanam Kee Maaqiddi Kibaalal Leh Tan Mabla Taybuleh Tan Taama Kinnim Qaddosse.