Itiyoppiya Mangoh Tan Qaafiyat Ludditel Tayse Xalu Geysisse.

Addis Ababa Caxah Alsak 8 Sanat 2017 (ENA) 

Global Fundik  Saqalah Yan Peter Sands Itiyoppiya Mangoh Tan Qaafiyat Luddittel Meqe Xalu Tuybullem Qaddoyse.

Qaafiyat Malaak Dr. Mekdes Daba Naharsi Dayrekter Miraacisa Erga Lih Qaafiyat Maaliyya Kee Biyak Kalalih Caagiidal Walal Aben .

Ta Malaak elle Tescessennal xayi uddurut USAID Qokol Soolisenim Afrikah Baaxooxah Garci Kaloot  Seeco Kinnim Kassiisaak Itiyoppiya Uxih Qaafiyat Luddal Qaafiyat Taddeerah Taamoomih Qokol Eglaali Faxxam Qaddosse .

Tahak Ugut Abak Global Fendi Itiyoppiyah Abak Geytima Qokoluh Gadda Gacsse.

 

Baad Caddoh Fenxih Cato Baxsa luk HIV, TB, kee Kayniiqê Qaso Innah Tan Lakimiteh Kalalu Abta Qokoluh  Gadda Gacisseh Tan Tama Malaak, Baad Caddoh Fendi Naharsi Qaafiyat Ayfaf kee Inkih Tan Qaafiyat Siirat Akah Yaysiisen Innah Abak Geytiman Macal Fooca Fanah Qokol Abaanam Faxximtam Kassiise. 

Global Fendik Dayrekterih Yan Piter Sands, Itiyoppiya Mangoh Tan Qaafiyat Luddittel  Meqe Xalu Tayballu  Duddem Kassiisaak, Itiyoppiya Lih Taamitaanamal Kaxxam Ruffa Yoo Haytam Axcuk Kassiise.

Ta Malaakih Oyti Elle Yascasenal Ta Qokolul Baad Caddoh Catoh Cugaysoosah Xalootu Sumaqta kinnim Qaddoysa.

Afrikah Baaxooxa Qaafiyat Luddal Hangi Akah Yaceen Innah Sittin Gey Edde Aban  Innah Udduru Kinnim Kee Itiyoppiyal Qaafiyatah Yibbixen Mizaaniyyat Ossimak Geytimam Ceelallo Takkem Faxximtam Naharsi Xaarekter Kassiise.

#Ityoppiyah_Xaagi_Raceyna
#Ityoppiya #ENA