Qafar Rakaakayal Sanat 2017 Baajetik Warraye 6 alsih Addat 278 Km Giti Dambiyo Kee Bici Taama Tekkem Qaddowte.

Addis Ababa Caxah Alsak 8 Sanat 2017 (ENA)

Qafar Rakaakayal Sanat 2017 Baajetik Warraye 6 alsih Addat Giti Dambiyo kee Bici Caddol Taamitonuh Ikraraisen 303 Kiilo Meetirik 278 Km Abbinowem Merraytu kee Giti Daddosih Biiro Qaddose.

Merraytu kee Giti Daddosih Biirok Naharsi Saqlah Tan Gifti Amina Seeko Etvik Qafar Afih Exxah Elle Qaddosenal Sanat 2017 Baajetik Rakaakayak Baajetik kee Federaal Le Gambik Geytimeh Yan Baajetit Bixu-Girrifo, Zoobil- kalluwan , Kassagita-uwwa , Uwwa-Alale sulba, Badda-qadokuwa 6 Alsih Addat Tekkeh Tan Giti Dambiyo kee Bicih Taamak Abbinos 97% Gaba Kinnim Tescesse. 

 

Ciggilta 6 alsih Addat Ikraaroh Yibbiren Taama Yaakumik Ciggilil Taamat akak Aculak Taama Meqe Gurral akkuk Geytimttam Gifti Amina Seeko Qaddose. 

Qafar Rakaakayak Adda Gacah Yan Itiyopiyyak Awqenta kee Culenti Gitih Nagayna Dacrisanamih Taama Saay kee Salaam Biiroy , Poolis Koomishin kee Ayyunti Gabah Assagolat Assakat leh taama Edde Tekkem Merraytu kee Giti Daddosih Biiroh Naharsi Saqla Qaddose.

Merrayti Caddol Ayyunti Rakaakayak Qaasimah tan Inayta Magaalak Faxxa Haan Dariifa Fan Meqe Gurral Ayfaaf Akah Geyaninah Qusba Merrayti Egla Akah Xissimtanah abak Taama Fan Culusak Ayyuntti Merrayti Ayfaaf Meqe Gurral Akah Geyaninah Abanamih taama Tekkem Yecessen.