8 hele Afrikak Tellemmoh Gudgud Addis Ababal Qimbisen

Addis Ababa Caxah Alsak 10 Sanat 2017 (EAN)

8 hele Afrikah Tellemmoh Forem Addis Ababal Qimbisen. 

Ta Gudgud “Dadalaak Leeda Fanah "Afrikah Rakaakayitteh Nihir Silsilatih Dudda Maqarosaanam" Itta Maxco Gexsiteloonum Qaddoysen

Tama Foremil Perezixanti Taye Atsekeslassie, Doolat Missoynaani kee  Canka Sekteritte, Daddos Eglaali, Baxaabaxsa Le Baaxooxah Ambasadderitte, Tonnah Maaliyyah Missoynaani  Edde Anuk Ayyunti Eglaali Awlaytit Edde Tengelem Qaddoysen 

Ta Tellemmoh Forem Afrikak Saqiiy, Buqre Kee Dayli Luddal Rakaakay Nihir Silsilatitte Kee Baxsa le Qidaddoh Rasitteh Daddosul Hangi Acelem Qaddoysen 

Tama Walal Doolat, Rakaakay Qidaddoh Ayyunta, Maaliyyah Missoynaani Kee Canka Sekterwa Afrikal Nihir Osisoonuh, Sarimane le Sanaqatah Daddosih Aysaxaaxag, Qasri Teknolojit Antifiquk, Taama Saamih Gino, Kee Maaqiddi Caabih Dacayri Akah Diggoysan Innah Akkuk Geytimta  Taamoomil Walal Abelem Qaddoysen 

 

Ta Forem Rakaakayite Nihir Silsilatittee kee Baxsa le Maduur Rasitte Daddosuh Investmenti Gaddite Angagoyih Gitite Walaleloonum Qaddoysen

Ta kobox Doolatittey, Investerittey, Cugayso Kobaahise kee Wagsiisah Yan Dagorti Sarimane le Daddosih Hadafitte kee Ajenxal 2063 Uguugus Arac Xagtuh Saamitteey, Taqabitte Kee Abini Raddittel Walaloonuh Bica le Dariifa Ginah Yan Walal Kinnim Qaddoysen 

#Ityoppiya
#Ityoppiyah_Xaagi_Raceyna
#ENA