Malokti Malah Buxa A saakih Ayro Gexisseh Tan 42hele Madabiinoh Koboxul Baxaabaxsa Le Caagiidal Walal Abeenik Lakal Margaqa Tatrusen

Addis Ababa Caxah Alsak 10 Sanat 2017 (ENA)

Malokti Malah Buxa A saaku Gexisseh Tan 42hele Madabiino Koboxul Baxaabaxsa Le Caagiidal Walalak Margaqa Tatrusen .

Margaqa Elle Tatruseenih Yanin Caagidak 

1. Malâ Buxa Naharsi Addah Elle Walalteh Tanim Itiyoppiyak Qawwalaylâ Qawwalaylah Kalalih Qagunti Maybalaalaqal Walal Gexsen.

Tama Qaguntu Tama Missoynah Addal  Qimbisen Milaagu Siiratih  Abinosiya, Hangi kah Yecem Itiyyobiyah Ayyuntih Fanal Sitta Catoh Qaada Maqarroosaanam kee Sarimaane le Daddos Yasmitenim kee Banaadamiyyoh Catoh Radmoomaay, Sarimaane le Daddosih Tadeera kee Ayyunti Salaam Xisne kee qidaddo salcisaanam kee mooraal taqbi salcisaanam duudaanah kinni.

Tama Malah Buxa A Caagiidal Baar Le Walal Gexseenik Lakal Ossotinah Masoos Kak Abak Ummattah Awlaytiitih Malah Buxah Fanah Tatrusoonuh Malah Buxa Inki Xongolol Margaqa Tatrusse

 

2. Tohuk lakal Malah buxa Elle Walalteh Tanim  xisoosa xisoonuh sidiica qagunti edde xintittel walal aben. Itiyoppiyak Kalali Qandeh Jaamiqatih Xisneh Edde xinti Qagunti  Jaamiqatak Hadaf Arcisoonuh Abaanam Faxximta Eglaali Massos Kee Taama Milaagitte kee Kalali Qandeh Baxsa le Referral Hospitaal  Kee Kalali Qandak  Fokkaaqoh Fanteenah Xisneh Edde xinta Baaxoh Addal Fayya Le Caddoh Daylih  Fokkaaqo Kee Tahat Angaaraw Le Ayfaf Kiboonuh Hadaf Lem kee  Ossotinah, madqah rakisso Kee Yayse Dayla Geyoonuh   iro baaxo gexxah Tan Maritteh Yayse dayli  Ayfaaf Elle Yacoonu duudaanah yaniinim kee kalali qandeh injineeringih sanaqatah butta xisaanam Wagsiisak Xayyooweh Yan Edde Xintal Baar Le Walal Gexseenik Lakal, Malah Buxa Inki Xongolol Faticisak  Ta Edde Xinti Negarit Xaagi Warkat Yetbiqen Ayrook Xabba Haanam Abtol Akah Asa Innah Margaqay Tatrusen.

#Ityoppiya
#Ityoppiyah_Xaagi_Raceyna
#ENA