Galli Maroh Eglak Sarrimaane Le Daddos Callih Egla Afrikah Bìro Addis Ababal Fakte

          Addis Ababa  Caxah-Alsak 11 2017 (ENA)

 Galli Maroh Eglak Sarrimaane Le Daddos Callih Egla Afrikah Bìro Itiyoppiyal Fakkimtemi Dariifa Kee Baad Caddibnih Tikkookal Leh Tan Gabat Agle Taybullem Kinnimi Maaliyyah Malak Acmad Shiide Qaddoose.

Galli Maroh Eglak Sarrimaane Le Callih Egla Afrikah Biiro Addis Ababah Jaamiqatal Fakte.

Tama Taddeeral Gifta Acmad Shiide Edde Anuk Afa Caagiidah Malak Dr. Gediyon Timotiyos, Pilan Kee Daddos Malak Dr. Fitsum Asefa, Galli Maroh Eglak Sarrimaane Le Callih Eglah Pirezdabti Profeser Jefiri Saks Kee Kalah Yan Qibini Elle Geytime.

Gifta Acmad Shiide Tamakkel Abeh Yan Yaabal:- Itiyoppiya Tatre Milaagi Sanatih Addat Mango Caddol Riformi Abteh Tanim Yiysixxige.

 

Itiyoppiyak 10 Sanatih Miraacsentak Daddos Ikraarol Sarrimaane Daddos Diggossaah Madma Akak Leedà Abak Kinnim Qaddoose.

Ayyuntiinooy, Maddur Kee Siyaasa Langittel Gabah Assagolla Le Riformi Tekkeh Tanim Ascassuuk:- Itiyoppiya Sarrimaane Le Daddos Madma Arac Akah Xagtannah Meqe Abnisso Elle Tunkuttubeh Tanim Yiysixxige.

Ayro MawqG Afrikak Kaxxa Ummatta Kee Maddur Leh Tan Baaxo Kinnim Yescesseh Yan Tama Malak:- Datiifa Mee Baad Caddibnih Fabteenitih Xisne Kee Abteh Tan Macalal Kaxxa Doori Digirteh Tanim Qaddoose.

Tama Egla Afrikah Biiro Addis Ababah JaamiqatL Faktemi Itiyoppiya Dariifa Kee Baad Caddibnak Siyaasaay, Maddur Mee Ayyuntiino Tikkookal Leh Tan Meqe Gabat Aglek Mayballa Kinnih Tanim Yiysixxige.

Makro Ekonoomi Maysaasah Riformil Sissikm Kee Sarrimaane Le Dadal Taskuttubem Elle Xiqta Caddol Rakiibo Abak Tekkem Kassiisaak:- Tama Madma Arac Akah Xagtannah Baxaabaxsa Le Pooliisi Maaqatta Beyeenih Yaniinim Qaddoose.

Adda Culentah Gaaboysiyya Qasriino Akah Tallennah Abaanamaay, Investimenti Fayya Haanamaay Diilatak Daddos Eglaaki Yaysiiseenimil Hangi Akah Yeceenih Geytimaanam Yiysixxige.