Magaalah Addal Geytimta Qunxaaneyti Kulli Tuxxiq Elle Diggoysan Innah Abak Geytiman Taama Fooca Fanah Diggowak Geytimta - Magaalah Xiinissoh Saqal Adanech Abebe - ENA Qafar Afa
Magaalah Addal Geytimta Qunxaaneyti Kulli Tuxxiq Elle Diggoysan Innah Abak Geytiman Taama Fooca Fanah Diggowak Geytimta - Magaalah Xiinissoh Saqal Adanech Abebe
Addis Ababa Caxah Alsak 11 Sanat 2017 (ENA)
Addis Ababah Magaalah Xiinissoh Saqal Adanech Abebe Qunxaaneytak Kulli Tuxxiq Akah Yaysiisen Innah Abak Geytiman Taama Bisoh Axcelem Qaddosse.
2hayto miduh Gexsan qunxaaneyti Abnissoh Taddiira milniyeem handagal.
gexsitak Geytiman.
Baxaabaxsa le Aydakaakanittek Ossotinah Ta Tadeera Qunxaaneyti Baxaabaxsa Le Eglaali Lica Alsih Gideh Abni Aydakaakan Akah Yaceen Innah Abak Taamah Faxxiima Dudda Kee Abak Raag Akah Yallennah Abak Geytimaanam Qaddoysen.
A saakih ayro 2 hayto Miduh 48 daqaarak 13,527 yakke qunxxaaneyti nammey haytoh addah Dooqayseenim Qaddoysen.
Addis Ababah Magaalah Xiinissoh Saqal Adanech Abebe Elle Qaddossennal Magaalah Addal Qunxaaneytak Inkih Yan Tuxxiq Akah Geyan Innah Macalitte Akkuk Geytimtam Qaddosse.
Taturte 6 Alsitteh Addat Magaalah Addal 142 Alfiik Daga Takke Baaxo Xayloh Maytani Taama Saami Gineenim Tiysixxige.
Koridor Daddosih Taddera 70,000 Dagga Takke Baaxo Xayloh Maytani kee Wakti Taama Saami Ginnimtem kee Qunxaaneyti Taamah Abak Raag Qunxaaneyti Mihratal Milaaganamih Taamay Akku Geytimtah Iyya Taama Saamitte Baarisak Geytimtam Qaddoysen.
Taama Kee Dudda Malaakah Tan Gifti Muferihat Kamil Isi Katuk Elle Qaddoseh Tan Innal "Qunxaaneyti Dudda Taama Bagih Aydakaakanal " Itta Taddeera Addis Ababa Edde Anuk Inkih Tan Baaxoh Caddol 11 Magaalolil Abbinoosak Geytimaanam Qaddosse.
Qimboh Addah 15 Alfi 731 Daga Yakke Qunxaaneyti Aydakaakan Beeh Yanim Kee Taham Fana12 Alfiik Daga Yakke Qunxaaneyti Taama Qimmiseh Yanim Tescesse.
Tama Malaak Elle Qaddosennal 24 Alfi 213 Takke Qunxaaneyti 2hayto Miduh Saami Geenim Qaddoysak 21 Alfiik daga yakke Qunxaaneyti taama saamih Geeh Yaniinim kee 3 heele Miduh Gexseloonum Tescesse.
Baad Bankik Itiyoppiyaay, Eretriyaay, Gabbi Qaxih Suudaan kee Suudan Baaxoh Dayrekterih Tan Mariyam Salim Elle Qaddossennal, Baad Banki Qunxaaneyti Taama Saamih Saami Akah Ginniima Innah Abak Geytimta Taamoomi Bisoh Axcelem Qaddosse.
Dooqaysima Qunxaaneyti Baaxoh Dadal Yasissikeemil Kaxxa Tuxxiq Lem Qaddoosak, Fooca Fanah Akah Diggowannah Faxxiima Qokol Akah Yakkennah Abeloonum Tiysixxige
Ciggila Magaalah Xiinisoh Saqalih Bilhadal Addis Ababah Magaalak Taama Kee Duddi Biirok Saqalah Yan Tiraatu Beyene Elle Qaddossennal, Biiro Taama Sinna Yaynukuseenim Hadaf Leh Tan Qunxaaneyti Internship Taddeerat Mango Qunxaaneytak Tuxxiq Akah Diggoysan Innah Abak Geytimaanam Qaddoyse.
Ta Tadeera Baad Banki Lih Cattiimak Abtol Asisaanam Kinnim Ascassuk Qunxaaneyti 6 Alsih Gideh Taama Bagul Aydakaakan Akah Geyan Innah Abak Geytimaanam Qaddoyse.
#Itiyoppiyak_Xaagi_Raceyna #ENA #Ityoppiya