Qafar Rakaakayak naharsi saqal massakaxxa le Cajji Awwal Qarba miraacisah yan rakaakayak fayyale miraaciinu kee Rasuuy Daqar miraaciini fanti Rasuk uwwa Daqaarak Burki Awdal bicisak geytiman geegi Karawwadat gufne aben. - ENA Qafar Afa
Qafar Rakaakayak naharsi saqal massakaxxa le Cajji Awwal Qarba miraacisah yan rakaakayak fayyale miraaciinu kee Rasuuy Daqar miraaciini fanti Rasuk uwwa Daqaarak Burki Awdal bicisak geytiman geegi Karawwadat gufne aben.
Addis Ababa Caxah Alsak 13 Sanat 2017 (ENA)
Naharsi saqal massakaxxale Cajji Awwal Qarba Uwwa daqar Culeh yan uddur Daqar miraaciinu kee Ayyunta Qaxmeqe garayyu kaah Aben.
Tama Gufneh Aracal Naharsi Saqal Massakaxxale Cajji Awwal Qarba ta karawwad kah xissiimaamak hadaf Qafar baaxo Rob elle dago baaxoy,Cuggane Baaxol radinnaanih roobih weeqi taqabi elle kataasa kinniimih taagah, ta lee saami fan korisak buqre daddoosul Assoonu kinnih tanim yescesse.
Ta krawwad 6 bilyeenih birrit federaalak Efeq kee Laqin Dariifah daddoosih malaakih qokolul bica karawwaday 65 milyeeniik daga yakke mitir kuub yabbixe kinnih tanim kee ta cugayso dariifah ayyunti edde sugeh yan leey, Gita kee Qaafiyat Ayfaafayih taqabik calli tekkeh tanim qaddoyse.
Ta Karawwad le uddurul gaba kaluh 19 Saaqat taamitak geytimaanam kee rakaakayay rasuuy daqar miraaciinuy Dariifah Ayyunti faxxiima koqol kee kaddat keenih Abak geytimaanam Ascassuk foocaffan diggoysak gexaanam faxximtam yescsse.
Tama Gufneh Aracal geytimeh yan rakaakayak efaq kee Faacissoosa daddoisih biiro saqal Injineer walaq witikka ta karawwad taama qembiseh yan uddur matarteh tan Adafitta ittalih Afadaguk Awakkih uddur le uddurul gaba kaluh itta lih qokkolsimak taamitak geytimaanam yescesse.