Itiyoppiya Taturte 5 Sanootah Addat 8.5 Biliyoonuk Daga yakke Buni Coox Daabissem - Ciggiila Naharsi Malaak Gifta Temesgen Tiruneh

Addis Ababa Caxah Alsak 15 Sanat 2017 (ENA) 

Itiyoppiya Taturte 5 Sanootah Addat Buni Murtisso Kee Sarriino Diggoosuh 8.5 Bilyoonih Takke Buni Coox Daabbisseh  Tanim Ciggiila Naharsi Malaak Gifta Temesgen Tiruneh Qaddoyse. 

Itiyoppiya  4 hele G-25 Afrikak Buun Murtissa Baaxooxah Daffeyna Arcibissuh Ikraaro Lem Yiysixxige. 

Tanzaaniya Gexsen 3 hele G-25 Afrikak Buna Murtissa Baaxooxah Daffeynal Ciggiila Naharsi Malaak  Edde Yengelem Qaddoysen. 

 

Ciggiila Naharsi Malaak Gifta Temesgen Tiruneh Tama Konferensil Abeh  Yan Yaabal, Itiyoppiyah Xaylo Buna Lih Qaada Kee Aydaadi Caddol Kaxxam Maqar le Angaaraw Leh Tanim  Kassiise. 

Itiyyobiya, Aslih Bunak Ubka, Afrikak Naharsi Caddol  Buna Murtussa Baaxo Kinnim Yescesse . 

Itiyoppiya Buni Murtitte Kee Mexxat Dadlisoonuh Taamitak Geytimtam Ascassuk Waraye Sanat 300,000 Ton Gufta Buna Baadak Qadaaga Fanah Ruubak 1.43 Bilyoonih Dolaar Culenta Geyteh Tanim Qaddoyse. 

Takkay Ikkah Hawa Milaagiiy, Baadak Buni Limoh Milaagitte Kee Poliisi Milaagi Ta Luddal Gexekalit Akkuk Geytimam Kassiise. 

Itiyoppiya Maxxat le Buni Yamrutoonuh  Qusba Pooliisi Bicisak Abbinosseh Tanim Ascassuk Agat Caddol Akkuk  Geytimanam Anxaxin Raatih Taamat  Cattiimak Buni Coox Daabisaanamih Taama Akkuk Geytimtam Qddoyse. 

Itiyoppiya Baad Qadaagal Leh Tan Caddo Fayya Haytuh Taamitelem Yiysixxige. 

Afrika Buni Gaddat Tantifiquh Taamitam Faxximtam Axcuk Kassiiseh Yan Ciggiila Naharsi Malaak Gifta Tamesgen Turuneh Ta Mabla Sitta luk  Arac Xagtuh Itiyoppiya Kulli Baaxooxa Lih Cattiimak Taamitaanamih Fayxi Lem Kassise. 

Itiyoppiya 4hele G-25 Afrikak Buun Murtissa Baaxooxah Daffeyna Arcibissuh Leh Tan Ikraaro Qaddoysak Tan Baaxooxah Daffeynal Arcibisaanamih Essero Akah  Oggolan Innah  Seeco Xayyoyse. 

#Ityoppiya
#Ityoppiyah_Xaagi_Raceyna
#ENA