Itiyoppiya Kee Finlandi Sittin Qokoli Sittin Gey Diggoysoonuh Taamiteloonum Qaddoosen.

Addis Ababa  Qado Dirrik 13 Sanat 2017 (ENA) 

Itiyoppiya Kee Finlandi Sittin Fayxi Yassakaxxeenim Elle Duudan Namma Baaxoh Fantaaxaw Diggoosoonuh Sitta Lih Taamiteloonum Yiysixxigen. 

Malaakak, Afrika, Fanti Maac Kee Laatin Ameerikah Caagiidah Saqalah Tan Ambasadder Helena Ayraksinen Miraacissa Erga Lih Isi Kutbeh Buxal Walal Gexsen. 

Tama Walalal, Itiyoppiya Kee Finlandih Fanal Yanih Yan Angaaraw Diggoysaanam Elle Duudan Caagiida Kee Sitta Lih Taamitaanamih Saamitte Baarisaanam Elle Duudan Caagiidal Hangi Akah Yeceen Innah Aben Walal Kinnim Qaddoysen . 

 

Finlandi Itiyoppiyah Abak Geytimta Istraateejik Qokol Gadda Gacseeh, Baxsale Fayxih Barittoh Buxal, Inki Kaqayloh Tadeera Kee Ardi Xiinisso Edde Anuk Gersi Daddos Luddal Abak Geytimta Qokol Fooca Fanah Akah Diggoosan Innah Seeco Xayyose. 

Finlandik Afa Caagiidah Malaakak Afrika, Fanti Maac Kee Laatin Ameerikah Caagiidah Saqalah Tan Ambasadder Helena Ayraksinen Tet Baaxo Ayyunti Caagiida Edde Anuk Baxaabaxsa Le Luddal Itiyoppiyah Abak Geytimta Qokol Diggoyselem Qaddosse. 

Tamaha Lih Finlandi Itiyoppiya Lih Leh Tan Tellemmo Kee Investimenti Angaaraw Diggossam Faxxam Kassiise. 

Maaliyyah Malaakak Oyti Elle Yascasenal Namma Katuk Baaxooxah Fayxih Hangi Haak Sittaluk abit Diggoosoonuh Lon Xagana Qagitak Yismiten. 

Away Itiyoppiya Kee Finlandik Sittin Gey Angaarawak 30 Sanatih Qaffayda Assakaxxelem Kassitna. 

Finlandik Iroh Caagiidah Malaakak Afrika, Fanti Maac Kee Laatin Ameerikah Caagiidah Saqalah Tan Ambasadder Helena Airaksinen Kimaalih Ayro Lee Kee Enerjih Malaakah Yan HabtamuR Dr Ittefa (E/E) Lih Namma Baaxoh Fanat Lee Luddal Sitta Lih Taamitaanam Elle Duudan Caagiidal Walal Abeenim Qaddoosen.

#Ityoppiyah_Xaagi_Raceyna
#ENA
#Ityoppiya