Samarâ Magaalal NaharsibMalaakih Buxah Ina Massakaxxa Le Zinaash Tayyaachow K/Buxah Bical Xissimte Qasri Gaqammo (Xabbô) Masnaqataay Dooqaysime

Addis Abab Qado Dirrik 13 Sanat 2017 (EMA)

Naharsi Malaak Dr Abiy Acmad Kee Kay Buxah Ina Massakaxxa Le Zinnaash Tayyaachaw Qafar Rakaakayak Samarâ Magaalal Naharsi Malaakih Buxah Inah K/Buxah Bical Xissimteh Tan Gaqammo (Xabbô) Masnaqat Dooqaysiisakaay Taam Qimbisiisen.

Ta Masnaqat Ayroh Addal 300 Alfih Gaqammo Tamrutem Duddah Tanimiiy Timixxigem.

 

Naharsi Malaak Dr Abiy Acmad Kee Kay Buxah Ina Gifti Zinnaash Tayyachow Qafar Rakaakay Leh Yan Buqree Kee Sanaaqattâ Taamoomit Gufne Abeenih Yaniinim N/Malaak K/Buxak Geyneh Nan Oytiiy Yascasse.

Ta Gufneliiy 6 Alsaak Afal Murti Qimbisseeh 15 Toon Saaqat Addal Tameutem Dudda Aywoxaaz Qasbô Masnaqatat Gufne Abeenih Yaniinimiiy Qaddowte.

Tahat Ossotinahaay Qafar Rakaakay Dudda Le Sirray Buqreh Morti Elle Geytimah Yan Dubtek Dabal Kee Calle Bayruuy,Ayro Laaf Saqi Qaysoh Bankit Gufneey Aben.

 

Qafár Rakaakayih Caddoluuy Sirray Buqrel Xaloot Le Taama Akkuk Geytimtam Yabloonu Xiqeenih Yaniinim N/Malaakih K/Buxah Oytiiy Yascasse.

N/Malaak Kee Kay Buxah Inah Gaqammô Masnaqatay Gawraak Maaqiddâ Fan Morti Taysiiseh Taniiy Dooqaysen.

Ta Masnaqataay Addal Leh Tan Qasri Maashii itteek Ugutak 420 Kuntaal Sirrayak Riyak 300 Alfih Gaqammo 24 Saaqatih Addat Tamrutem Duddah Tanim N/Malaakih K/Buxak Geyneh Nan Oytiiy Yascase.

#Itiyoppiyak_Xaagi_Raceena
#ENA #Itiyoppiya#N/Malaakih K/ Buxa