Qafar rakaakayal 400 hektar yakke ardil dooren dariyih samad dadlisoonuh daffesen ekraaro aracat gacuh cato aalle le

Addis Ababa Qado Dirrik 16 Sanat (ENA)

Qafar Rakaakayih caddol 400 hektaar takke baaxol yaabuke yayse samadih murti dadlisoonuh ekraarisen ekraaro aracat gacuh cato lem kinnim yiysixxigen.

Qafar Rakaakayak dooren dariyih Interprise 400 hektaar takke baaxol yubqurun sirray kee teef samad gaaboysak geytiman.

 

Itiyoppiyal cagay buqreh daddos dago sanootah addat qimbimte kaxxam assakat le buqre daddosih cugayso kinnim yiysixxigen.

Tohuk gexaak, sirray kee kalah tan buqre dadalih taamoomit baarluk gabat agle haysitak, duma murti elle amixxige waa uddurul mango murti kee maaqiddak sinni akah duudan innah macal akkuk geytimam diggoysen.

Baxaabaxsale buqreh murtittey, sirray edde anuk, buqre daddoosih fayxi kiboonuh, baxsa le ramud le murti xayyoosoonuh, dooren dariyih samad kaxxa cato aalle lem warsen.

Tahak Ugut Abak Qafar Rakaakayak dooren dariyih samadih Interpiraayizi 400 hektaar yakke ardik yayse samad gaaboysak geytimam ta interpiraayizik naharsi saqal Qabdu Casan qaddoyse.

 

Qabdu Casan Elle Yescesenal Sarrimanele gurral baarluk dooren dariyih interpiraayiz daddos dariyi xayoosuh Murti Osisaanam kaxxa tuxxiqlem  kee buqreh xiina Ta Saamit akah tantifiqennah farmo tatruse.

Interpiraayizik Murtisso Yaysiiseenim Kee Samad Dooroh Exxah Dayrekterih Yan Saqid Laqoyta Iyyeemihiy Sirray kee Teef Baxaabaxsale Dariifal Hawa Bicisanam kee Ken Murti Caabiino baahuh kaxxa doori lem yiysixxigen.

Interbirayiz xisne dibuk samad xayyoweem hinnay 500 daga takke madab kee elle sugah taamah saami ginniimem yiysixxigen.

Qafar Rakaakayal Sirray Buqreh Daddos Baarisak Murti Osisak Baacak Yawqeenimih Hadaf Arac Xagtam Xiqqimtam Yescessen.