Taama Kee Malaak Kee Haybirxi Xizaayin Sitta Lih Taamitoonuh Sittin Gey Aben. - ENA Qafar Afa
Taama Kee Malaak Kee Haybirxi Xizaayin Sitta Lih Taamitoonuh Sittin Gey Aben.
Addis Ababa Qado dirrik 16 Sanat 2017 (ENA)
Mango Rakaakay Xayloh Taama Saami Gintam Xiqtah Tan 5 Sanatih Taamah Sittin Gey Akah Yakkennah Abeenih Yaniinim Qaddoosen.
Ta Sittin Gey Mangoh Tan Baaxo Xayloh Taama Saami Gineleeh, 5 Sanatih Gideh Sugeloonum Qaddoysen.
Taama Kee Duddi Malaakah Tan Gifti Mufericat Kamil, Tama Foromul Elle Qaddossennal:- Baaxoh Caddol Taama Saamih Gino Yaysexeexegoonuh Macal Abak Geytimanam Baxxaqise. Ta Sitingey Mango Baaxo Xayloh Taama Saami Ginaanamay, Ayfaf Luddal Qasriino Lem Kee Qadlinaanle Wadba Yasmitoonuh Ciggilsime Wayta Doori Digirele Axcuk Qaddoose.
Tama Malak Biciseh Yan Taama Ikraaroh Uddur Ugut Abak, Madqa Gital Mango Baaxo Xayloh Sittin Gey Tuxxiq Akah Yakkennah Abak, Kulli Rakaakayittel Abtol Asisaanam Elle Duudan Afkan Daffeseenim Yiysixxige.
Samrawit Fikru, Hybrid Designs (Ride) xiqsitta kampaanih saqala, tama kampaani mango taamah saami ginteh tanim kee taama wayneh abnam wayna yaanamak sinam kaltuh macalak geytimaanam tiysixxige.
Tama Saqalá Elle Tescesenal Taham Fanah 120,000 Takke Baaxo Xayloh Taama Saami Ginnimtem kee Tama Sittin Gey Yamaate 5 Sanatih Addat 300 Alfi Yakke Qunxaaneyta Kee Sayyoh Taama Saami Ginele Axcuk Qaddoose.
Tama Sittin Gey Taama Abeenit Kee Malaakah Tan Gifti Muferiyet Kaamil Kee Raid Eglak Naharsi Saqalah Tan Samrawit Fikru Sittin Gey Abeenim Yiysixxigen.