Sarriinoh le salaam kee ummattak inkittiino diggosnuh ninni duddal taamitenno" - ENA Qafar Afa
Sarriinoh le salaam kee ummattak inkittiino diggosnuh ninni duddal taamitenno"
- Somaali kee Qafar Rakaakayih ayyuntih exxaaxi
Addis Ababa Qado dirrik 18 Sanat 2017 (ENA)
Qafar kee Somalih Rakaakayal Ummattah Fanal Sarrimaneleh Yan Salaam Kee Inkittiino Diggoysoonuh Rakaakayitteh Ayyunti Isinni Doori Digire Loonum Qaddoosen.
Namma Rakaakayak Ummattah Fanal Toobokiini Angaaraw Diggoysoonuh Namma Rakaakayak Fayya Le Mirocti Kee Ayyunti Exxaaxi Edde Tengeleh Tan Gudguduy Addis Ababal Gexisitak Meqe Gurral Yumurruqe.
Tonnah Rakaakayitte Fanal Yemeeteh Yan Salaam Dacrisoonuh Kee Diggoysoonuh Kulli Num Isi Doori Digiram Faxximtam Kassisen.
Qafar rakaakayak tama gudgudut tengeleh tan Qeysha Yaasin tama gudguduk kaxxa baritto kee abak raag geyoonu xiqeenih yaniinim diggosse.
Somalih rakaakayak tama walalat yengeleh yan Bashir Acmad elle yescessennal tama walal elle yekkeh yan sittin gey ayyunta gufusoonuh isinni doori digire loonum warse.
Salaam ciggilta horal tabsaanam faxximtam qaddoyse.
Qafar Rakaakayak Tama Walalat Yengeleh Yan Macammad Deres Kaadui Iyyeemihiy Salaam Gexsit Arac Xaguh Ken Katuk Faxximmaya Macal Abeloonum Diggoyse. Tama Gudgudih Ella Cabol Xiseenih Yanin Foreem Salaam Diggoowuh Kaxxa Xaloot Baahelem Gifta Macammad Darasa Qaddoyse
.
Qafarak tama koboxut yengele Qali Saleh iyyem: Namma ummatta mangoh tan aydaadu kee ceelo lem qaddoyse.
Yemeeteh yan Salaam diggosnuh ittalluk leh tan qaago wagitaanam faxximtam warse.
Somaali rakaakayak yengeleh yan Hiss Acmad kaadu ayyunta fan oobak salaam daabisaanam kee inkittiino diggoosaanamal taamiteloonum yiysixxige.
Soomalih Rakaakayak Gersi Edde Yengele Nur Casan, Salaam Kee Inkittinaane Daddos Rakiibo Kinnim Yescesseeh, Salaam, Inkittiino Kee Inkittinaane Diggoysaanam Faxximtam Kassiise.
Itiyoppiyak Islaaminnah Caagiidah Daga Raqta Malah Buxah Kutbeh Buxah Saqalah Yan Gifta Ustaz Abubakar Acmad Elle Qaddoosennal, Daga Raqta Malah Buxa Salaam Arac Akah Xagannah Islaminnâ Caagiidah Malah Buxa Taamitak Geytimtam Qaddoose.
ENA