Pan Afrikah Qunxaaneytih Miraaciini Gudgud Addis Ababal Gexsiisen.

Addis Ababa Qado Dirrik 18 Sanat 2017 (ENA)

Qado Dirrik 25-27, 2017 Fanah Paan Afrikah Qunaxaaneytih Miraacinnih Gud-gud Addis Ababal Gexsitelem Sayyo Kee Ayyuntiinô Caagiidah Malak Tiysixxige.

Sayyo Kee Ayyuntiino Malaakah Tan Ergoge Tesfaye (Dr.) Ta Konferensi " Qunxaneyti Cayla Leh Tan Afrikah" Inta Mablal Adwa Mayso Kasitoh Muuziyeemil Gexsitele.

Itiyoppiyal Qimboh Addah Gexsitu Waytah Tan Ta Qarangubah Caddoh Daffeyna Ledaa Kee Salaam Leh Tan Afrika Xisnuh Abaanah Yanin Macal Qunxaaneyti Gabat Agle Osisaanam Kinnim Yescessen.

Tahat Ossitinahaay Ossotinah Tah Baxaqisele Ta Daffeyna Nabah Tan Afrika Xisoinuh Kaxxa Caddo Le Daffeynay Qunxaaneyti Isi Doori Elle Kussaqisa Kinnih Tanimiiy Qaddowte.

 

Ta Konferensi Afrikah Qunxaaneytih Kuktal Elle Daffesen Cakki Kee Dirkik Aysaxaaxag Akah Yaybullennah Kaxxa Cato Abelem Yescesse.

Itiyoppiya Edde Anuk 53 Takke Afrikah Baxooxak Inki Alfih Gide Yakke Qunxaaneyti Edde Angalelem Yescessen.

Afrika Maqarle Ayyuntiinoh Nihiritteey, Fanni Kee Gino Acwa Leh Tan Qaranguba Kinnim Ta Malaak Kassiisem.

Saayoo Kee Ayyunttiinô Malaak Elle Tescesenal Qunxaaneyti Qarangubal Barittooy, Qafiyat kee Kalah tan Daddosih Angagoyitet Assakat Le Gabat aglel Afrikah Leeda Yascasenimih Kaxxa Dudda Lon.

Tama Malak, Itiyoppiya Afrikah Baaxooxal Curriyyat Kee Milaagih Ceelallo Kinnim Kassiisaak, Afrikah Inkittinaane Kee Inkittinaane Akah Diggowtannah Kaxxa Doori Digirak Geytimtam Qaddoose.

#Itiyoppiya#Itiyoppiyak-Xaagi-Raceena#ENA#Paan Afrikaanisim