Agat Salaam kee dadal diggoowuh Siyaasâ missoynaani fanat itta luk taamitaanamih qaada fooca fanah diggowtam faxximta " Sittin Gey Malah Buxa

Addis Ababs Qado Dirrik 22 Sanat 2017 (ENA) 

Agat Caddol Salaam Kee Daddos Diggoysoonuh Siyaasâ Missoynaani Fanal Sitta Lih Taamitaanamih Qaada Bisoh Ittam Faxximtam  Itiyoppiyak Siyaasâ Missoynaanih Tengele Malah Buxa Tiysixxige. 

Gabbi Ayro Mawqah Itiyoppiyak Ummattah Rakaakayih Doolatak Siyaasâ Missoynaanih Sitta Luk  Angaaraw Malah Buxak Madabiino Daffeyna Kee Fooca Fanah Taama Afkanittel Hangi Elle Yaceen Caagida Wagsiisa Walal Mizaan Aman Magaalal Gexsitak Geytima. 

Tama Mabla Gudgudul Yengeleh Yan Itiyoppiyak Siyaasa Missoynaanih Sittin Gey Malah Buxah Pirezdantih Yan Solomon Ayele Is Le Katuk, Siyaasa Missoynaani Numma le Demokraasi Abinal Asisaanam Kee Agat Daddoos Elle Faxxiima Innal Arac Xaguh Missoynaani Kaxxa Doori Lem Kassiise. 


 

Milaaguk  Xabba Haanam Itiyyobiyal Siyaasa Siiratih  Addal Siyasah Dariifa Siirat  Inkih Gaba  Edde Yassagaleenim kee  Esserimiyya Yasmitoonuh Fayya le Taama Tekkem Qaddoyse . 

Gifta  Solomon Elle Qaddosennal, Sittat Angaaraw Leh Yan Malah Buxak Rakiiboh Ajenxa Salaam Kinnim Kee Inkih Tan Siyaasah Misoynaani Lih Taamitak Geytimaanam Kee Taqabitte Ugutta Wak Miid Dariifal Akah Tafdigen Innah Abak Geytimaanam Qaddoyse. 

Gabbi Ayro Mawqah Itiyoppiyak Ummattah Rakaakayak  Leeda Partih Luddih Saqalah Yan Gifta  Fikre Aman Elle Qaddoysennal  Daddos Kee Ummattah Inkittinaane Akke Waytek Siyaasa Maqaane Maliimih Taagah  Ta Caagiidal Hangi Naceem Faxximta Axcuk  Qaddoyse. 


 

Rakaakay Caddol Taamitta Siyaasa Missoynaani Rakaakay Leh Yan Dudda Gadda Fanah Korisaanamal Sitta Lih Taamitelon Axcuk Qambaalan. 

Salaam diggoowak ummatta daddos tuxxiq akah geytannah boodittet itta luk yafdigeenimih meqe abak raag diggoowak bisoh haanam faxximtam yescesse. 

Bench Shekoh Rasuk  Ciggila Xiinissoh Abba Gifta Mesfin Mengesha, Isi Katuk Elle Qaddoysennal  Siyaasah Missoyna Sittaluk Malah Buxa Rasi Addal Amni Taqabite Booddah Tan Arooca Sabhalaltuh Meqe Doori Digirtem Qaddoyse . 

Tonnah Mizan Ammaan Magaalal Gexsitak Geytima Rakaakay Siyaasa Missoynaani Sitta Lih Malah Buxah Walal Gudgudul Qusba Taama Selta Miraacini Dooreloonum Yiysixxigen. 

#Ityoppiya #Itiyoppiyak_Xaagi_Raceyna #ENA

Ithioppiyak Xaagi Ayfaafayih Missoyna
2016