Qidaddo Diplomaasiiy, Qadaaga Gufneh Baarisaanam Kee Iroh Saanih Investementih Caagiidal Assakat Lee Taama Tekke - Iroh Caagiidah Malaak

Addis Ababa Qado Dirrik 22 Sanat 2017 (ENA) 

Itiyoppiya Qidaddo Diplomaasi Diggoysak Qusba Qadaagah Arooca Baarisaanam Kee Iro Baaxoh Saanih Investementitte Baarisaanamal Abak Geytimta Macal Xalootu Le Taama Tekkem  Afa Caagiidah Malaak Qaddoyse. 

Tama Malaakak Qidaddo Diplomasih Naharsi Dayrekterih Yan Ambasadder Yohanes Fanta Elle Qaddosennal, Itiyoppiya Baxaabaxsa Le Baaxooxal Leh Tan Embaasittek Iro Baaxoh Saanih Investementitte Akah Hirigtannah Kee Qusba Qadaaga Saamitte Akah Baarisan Innah Taamitak Geytimtam Qaddoyse. 

TaBaaxol Buqrey, Manufakteriiy, Maqdiin,Enerji Daddos,Dijitaal,Wacaysir kee Kalah tan Luddal Baarle Investementi Saamitte Lem Yesceseh. 

Ta Malaak Kaaduk Iroh Angaarawih Taama Qidaddo Diplomaasi Akah Yaysennah Abak Geytimta Angagoyyitte Hangi Akah Yallennah Abak Geytimaanam Qaddoyse. 

Ossotinah kusaaqime Sanatih addat Itiyoppiya kee baxaa baxsa le baaxooxal tekkeh tan tellemmoo kee investimenti gudgudwa Itiyoppiyah murtitte yaysexeexegeenim kee investimentitte akah hirigtannah meqe saami ginnimtem Qaddoysen. 

Ceelalloh Ayro mawqah awroppaay, gabbi ameerikaay, kee asiyah baaxooxal temeeteh tan investerwa ityoppiyal investimenti akah aban innah tekkeh tan macal assakat leh tanim kee xalu baahak geytimtam warse.

Tahak Ugut Abak, Afrikah Addal Itiyoppiyah Murtitte Ahak Afal Elle Geytime Wayteh Tan Baaxooxal, Cuggaane Baaxooxa Edde Anuk, Qadaaga Gorrisak Murtitte Iro Fanah Ruubak Investmentitte Hirigoonuh Taamitak Geytimaanam Qaddoyse. 

Ambasadder Yohannes Kaaduk Afrikak Curik Tan Tellemmoh Sittin Gey Itiyoppiya Baar Le Qadaagah Saamittet Antifiquk Meqe Saami Acelem Kassiise. 

Tellemmo kee Tellemmo Angaaraw Baxaabaxsale Baxooxalih Qidaddo Diplomasih Macalite Qusba Qadaagah Saamitte Baarisaanam kee Iro Baaxoh Investerwa Hirigoonuh Bisoheelem Qaddoyse 

#Itiyoppiyah_Xaagi_Raceyna #Itiyoppiya #Madduru #diplomaasi