Ameerikah Investerwa Itiyoppiyak Addis Ababal Baxaabaxsa Le Investimentih Luddal Ginte Saamit Akah Yantifiqimen Innah Seeco Xayyoysen .

Addis Ababa Qado Dirrik 23 Sanat 2017 (ENA)

Ameerikal  Itiyoppiyah Ambasadder Benalf Andualem Ameerikah Investerwa Itiyoppiyal Meqe Investimenti Saamittet  Antifiquk Angaaraw Akah Abaanam Faxximtam Kassiise. 

Ambasader Benalf Andualem Ayro culmah Verjiniyaak Morgantawun Gufne Abe. 

Tama Gufnet Kabxxa Kee Investimenti, Baritto Kee Fokkaaqo, Teknoloji Kee Innovationiy, Artifishaal Intelijensi, Tonnah Qaada Milaagih Caagiidal Hangi Akah Tekkeh Tan Gufune Kinnim Washingiton DCik Itiyoppiyah Embaasih Oyti Yascasse. 

 

Ambasadder Benalf Itiyoppiya Xayi Udduurih Addat Inkih Yan Duddal Abtol Geytimta Maddur Milaagitte Caagiidal Addaffakot Abem Qaddoysen . 

Ta Embaasi Itiyoppiya Fanah Safartah Tan Ameerikah Investerwah Baxaabaxsa Le Investimentih Dooritittet Kusaq Akah Aban Innah Faxxiima Qokol Abelem Yescesse. 

Qidaddok iroh, West Verjiniya Jaamiqatih Bordi kee Adoytit Lih Barittoh Luddal, Taddiira Milaagu Kee Biyoteknoloji, Ayyunti Qaafiyat, Kee Kalah Tan Luddal Sitta Lih Taamitaanamih Taama Akah Aban Innah Walal Gexsen. 

Amolladih Ta Gufne Itiyoppiyak Investimenti Saamitte Aysaxaaxag Abteh Tan  Gufne Kinnim Qaddoosen. 

Ayro korma Verjiniyal Geytimta Institutionitte Itiyyobiyal Geytimta Institutionittelih Angaaraw Akah Aban Innah Baritto Luddal Sitta Lih Taamitaanam Akah Diggoosan Innah Meqe Saami Gintem Ta Embaasi Tiysixxige.

#Ityoppiyah_Xaagi_Raceyna
#ENA
#Ityoppiya
#Midriino