Milaagi Sanootah addat Sissik tellemmoh Siirat firissanam kee Xayyos siirata milaagak Qadaaga fayyah Caddo yaysiiseenim xiqqimteh tanim tellemmo kee dariifa fantaaxawih malaak qaddoyse.

Addis Ababa Qado Dirrik 23 Sanat 2017 (ENA)

Tellemmo kee dariifa Fantaaxawih malaak Dr Kaasahun Goffe itiyoppiyak Afa Qadaaga kee culenti tellemmo wagittaamal itiyoppiyak xaagi raceenah Abeh yan baxxaqsal  milaagi gexsol Ayyuntiinooy, Maddur kee Siyaasal luddal dumalih nableh nan wak mango xalootitte tamballeeh tanim yescesse.

Tellemmoh luddal Baaxoh Adda kee Afa qafaagah tellemmooy, tonnah maxxat dacrisaanamal matarak sugteh tan taqbitte raaqisaanam duudunteh tanim qaddoyse.

Dadalteh tan itiyoppiya ginoonuh qakitte massoysakaay, gabulle gambi digoysaaanam milaagi gexso kinnim ascassuk,  Afa qadaagah xayyos diggoysak  qalayli maxxat yiysiiseenih yaniinim kee taqbitte yafdigeenimil baxsale duddi yumbulleeh yanim baxxaqise.

Milaaguuk dumal itiyoppiyak tellemmoh Caddo Addah sugtem kassiisak , Awak tellemmoh taama qembisoonuh bicale gita fakak  mango xalootitte geytimteh tanim qaddoyse.

Itiyoppiyak tellemmoh siirat  diggoysoonuh mango gexsititteh maysaasa tekkeh tanim ascassuk, tellemmoh rukasatih mattacoo wagittaamal milaagi yambulleeh yanim diggoyse.

Tellemmo fayya yankusoonuh rakiibo fayxih murtitteh xayyos Aysaasuk xali yambulleeh yanim baxxaqise.

Baxsaluk naharsi malaakih mablaak ugutak  qembimteh tan leemaat xaloitih taddiiral magaalah addah buqreey,  murti kee murtisso diggoysak murti xayyos yaysiiseenim xiqqimteh tanim yescesse.