Rakaakay Caddol Geytimta Qaafiyat Fanteenitih Qokol 120 Takke Abulansitte Edde Anuk Dawaata Kee Dayli Alaatittel Qokol Aben.

   Addis Ababa Qado Dirrik 24 Sanat 2017 (ENA)

Itiyoppiyak Qasa Qammile tibah Egla Tigraay Rakaakayih Luddih Kutbeh Buxa Tigray Rakaakayal Geytimta Qaafiyat Fanteenitih Qokol Abeenim Kee 120 Takke Ambulansitte Edde Anuk Daylitte Kee Dayli Alaatittel Qokol Abeenim Tiysixxige.

Ta Rakaakay Caddol Geytimta Qaafiyat Fanteenitih Qokolih Eglaali Lih Cattiimak 33 Miliyoonih Birriik Daga Takke Ambulansi Kee Rakiiboh Daylitte Qokol Abeenim Luddi Kutbeh Buxa Qaddosse.

 Luddih kutbeh buxah saqalah yan Berhanu Mekonnen ENAh elle warsennal Ta Egla Rakaakayal Tanih Tan Rakiiboh Diwaatitteh Dagna Kalaloonu Kee Ambulansih Gufne Akah Baarisan Innah Sitta Lih Taamitaanamih Taama Qokolih Eglaali Lih Cattiimak Baxaabaxsa Le Dawaata Keefeenim Yiysixxigen.

Toh tonnal anuk, luddi kutbeh buxa 120 takke ambulansitte qokoluh teceeh tanim kee inonti kee alaaqah raba daggoysaanamal kaxxa doori digirelemiiy, baxsa luk xalay uddur kee sissik catoh uddur kaxxa cato alle lem yiysixxigen.

Rakaakayak Qaafiyat Ayfaf Kee Siirat Missosoonuh Uxih Ossotinah Taamitaanam Faxximtam Yescessen.

 

Rakaakay barri ayyunti diwaata kee ambulansih ayfaf geyoonuh hangi acayuk geytimam qaddose.

Tah tannal anuk Qayder Baxsale Referraal Kee Mekele Amolladi Hospitaalal Qokol cibtal 18 Milyoonih birri takke dayli mansoofa Aben.

Qayxer Baxsale Referral Hospitaalal Alaaqa Daylih Mihratlih yan Dr. Kiros Woldegherima Elle Qaddosennal, 11 Takke Dayli Uwwaytitte Alaaqa Daylih Taama Abak Geytimta Eglaali Lih Cattiimak Alaaqa Daylisoonuh Edde Yantifiqeenim Yiysixxige.

Dr. Kiros Iyyeemih Ta Qokol Kaadu Alaaqa Raba aynukuselem yiysixxige 

Rakaakayak Elle Suga Xiinissok Qaafiyat Biiroh Awlaytuh yan Mikayile Hagos Ta Tabsi Aydakaakanat Geytimeh Yanih Yan Gifta Doolat Kee Doolat Akke Sinni Eglaali Abteh Tan Qokoluh Gadda Gacisak Abak Geytiman Taama Bisoh Akah Aban Innah Essere.