Milaagi Sanootah Addat Der Daawah Magaalah Ayyunta Tu Xiqta Baxaabaxsa Le Taamoomi Akkuk Temeeteh Tanimiiy Tamixxige.

Addis Ababa Qado Dirrik 24 Sanat 2017 (ENA)

Agat Caddol Yemeeteh Yan Milaagu Katayaak Warrayteh Tan Malcina (7)  Sanootah Addat Kulli Luddal Der Daabah Magaalah Ayyuntah Tu Xiqta Baxaabaxsa Le Taamoomi Abbinoowak Temweteh Tanim Leedah Partik Der Daabah Magaalah Luddih K/Buxah Saqal Gifta Ibraahiim Yuusufuuy Yescesse.

Gifta Ibraahim Elle Yescesseh Yan Innalaay Milaagi Sanootah Addat Tekke Taamoomii Kee Foocâ Fan Takkem Faxximta Yaamoomi Wagsiisak Gifta Ibraahim Mayballaalaqaay Yece. 

Ta Magaalah Xuinissooy Agat Caddoh Milaagu Katayaakaay Ayyunttiinooy,Siyaasaay Qidaddo Caddol Ayyuntah Meqe Xaloot Yemeeteh Yanimitiiy Yaaban.

 

Baxsa Luk Der Daabah Magaalah Xiinissoh Caddooluuy Milaagu Katayaak Saay Kee Salaam Cayla Diggoosak Saay Kee Salaam Kah Diggoiwannah Tekkeh Tanimiiy Qaddowte

Tahal Katayaakaay Ayyunta Fantteena Abta Milaagi Taamoomi Tekkeh Tanim Kee Baxsa Lukukuuy Barrii Kee Magaalah Caddol Inkih Ayyunti Kulli Luddal Antaffaqquk Geytimamataay Yaaban.

 Tonnah Kaaduukuut Fantteenaani Xijjitaalâ Fan Korsaanamih Caddol Sissin Taamoomi Akkuk Temeeteh Tanimiiy Timixxige.

Barri Kee Magaalah Caddoluuy Anxaxin Raatih Taddeeraay, Gadbô Xalootih Taamay,Magaalâ Buqreey,Tonnah Kalah Tan Taamoomiy Ayyuntah Tû Xiq Leh Tani Akkuk Temeeteh Tanimiiy Kassiisan.

Tonnah Kaaduukuuy Partik Fanti Miraacinnuuk Xabba Haanam Aydakakan Amcawwuk Yemeeteh Yanim Kee Miraacinnu Kee Ayyunti Fanal Baxsa Le Mabla Kee Gexso Kah Taninnah Abbinoowak Temeeteh Tanim Tahallihiiy Yescessen. 

Tahat Ossotinahaay Agat Baxissam Dudda Mablooki Kah Raqtaah Inkittinaane Maqarossa Mablooli Kah Taninnah Ayyuntaa Kee Ayyunti Fanih Qallaa Kee Toobokiini Kah Diggoiwannah Tekkeh Tanim Tahallihiiy Baxxaqisen. 

Ciggiltah Tan Udduurahaay Dumak Yaysennalaay Meqe Mablal Taamitoonuh Baxsa Le Ikraaroo Kee Hadaf Haysiteeniih Yaniinim Kee Ayyunti Xagna Duudusoonuuy Agat Bisô Maxco Abbinoosoonub Macale Loonuh Yaniinim Leedah Partik Xer Daabah Magaalah Xiinissoh Luddih K/Buxah Saqal Gifta Ibraahiim Yusufuuy Yescesse.

Tahat Ossotinah Qimbisimteh Tan Tamoomi Bisoh Kah Ittannah Ayyunti Gabat Aglel Tayse Taamaa Kee Xaloot Baahaanamih Fayxi Loonuh Yaniinim Tahallihiiy Kassise.

#Itiyoppiya
#Itiyopoiyak_Xaagi_Raceena
#ENA