"2022 Fanah Namma Sanatak Gubal Tan Alaaqah Raba Akah Naynukuse Innah Taamitaanam Faxximta" Dr. Mekdes Daba - ENA Qafar Afa
"2022 Fanah Namma Sanatak Gubal Tan Alaaqah Raba Akah Naynukuse Innah Taamitaanam Faxximta" Dr. Mekdes Daba
Addis Ababa Qado Diirrik 24 Sanat 2017 (ENA)
2022 Fanah Alaaqak Raba Daggoosak Erqa Raaqisoonuh Macalak Geytimaanam Qaafiyat Malaak Dr. Mekdes Daba Tiysixxige.
Qaafiyat Dacayrih Malaak kee Maaqiddi Siirataay, Maaqiddi Caagiidal Malaak Miraacisa Makaadoh Saqal Dr. Mekdes Elle Qadosennalaay, Affara Sanatih Addat Maaqiddi Siirat Yaysiisoonuh Maaqiddi Siiratah Edde Gexan Gita (Roadmap) Bicisak Geytimaanam Kee Daqoorit Fanah Abtol Asisak Geytimaanam Qaddosse.
Aham fan 334 daqooritil abbinotteh tanim tiysixxige.
Sanat 2022 Fanah Namma Sanatak Gubal Tan Alaaqah Erqah Qadad Foyya Fanah Akah Yaynukusen Innah Macal Abak Geytimaanam Qaddoose.
Ekraaro Arac Xagtuh Maaqiddi Tabaatabsa Kee Baacâ Kalalih Fayxi Abbinoteh Tanim Qaddosse.
Ta malaak Intremih Taqabi Ayyunti Addal Mabla Dagna Kinnim kee Maaqidda Wagsiisak Mablah Uguugusih Taamoomi 1.4 Milliyoonih Takke Alaaqa Lowsisanamaay, Xaleynak Raddi Geyanam Duudumtem Qaddose.
Itiyoppiyak Maaqiddi Siiratih Milaagi Arac Xaguh Sitta Lih Taamitaanam Faxximtam Kassisse.
Tama Gudgudul Qaafiyat Malaakah Tan Dr. Mekdes Daba, Buqre Malaakah Yan Girma Amente (Dr) Sayyo Kee Ayyuntiinô Caagiidah Malaakah Tan Ergoge Tesfaye (Dr) Baritto Malaak Berhanu Nega (Pr) Merayttu Kee Lojistik Malaakah Yan Alemu Sime (Dr.) Kee Makaadoh Adoytit Edde Tengele.