Samara ligyi magaalah xiinisso kee qafar daddoosih egla tittalluk cattiimak 4.5 milyoonih birrih xisen barittoh buxa doqaysen

Addis Ababa Qasa Diririk 18 Sanat 2017 (ENA)

Samara logyi magaalah xiinissok qasboxxahi makaftal xisen ta barittoh buxah dooqaysol qafar daddoosih egla kee samara logyi magaalah xiinissoh miraaciinuuy makaftah Ayyunti elle geytimte.

Qafar daddosih eglak saqalah yan Dr kunte tah wagsiisaak abeh yan yaabalaay qusba hora barittok bakaarat raaqe waytam faxximta inta maxcol abaanah yanin barittoh uguuhus kee qokolul rakaakay addal baritto buxaaxih xisne kee mansoofa qokolul mangoomut gaba assagalluk geytimaanam kassiiseeh
Away xiseenih yanin buxa qasboxxahi makaftay mango ummat elle taniih barteenit manga osak elle gexxah tanil footima dagna kee barittok mixxatal suge taqabi abaluk keenih faxximtam yismiteeniik gamadal xiseenih yaniinim yiysixxige 

 

Qasboxxahi awdah barittoh buxal away ossotinah xiseenih yaniinim 6 kilaas kinnim kee foocaffanah qasboxxaahi ayyuntah barittoh faxximtah tan qokolitte xiqqa haanamal abak gexeloonum yiysixxige 

Barteenit teknoloojih qaalamat matartuh baritto qokol abaanam dubuh hinnay xaltani maaqiddak is xiqtuh eglaakih ken xisak buqre edde aboonuh terakter keenih xayyoosaanamaay tonnah saymarih baritto keenih fakaanamal qokolut bisoh  keenih axceloonum qaddose.

Samara logyi magaalah xiinissok saqalah yan Qabdu musa islekabukuuy Qasboxxaahi makaftah ayyunti ambagguk elle yemeeteemil duma keenih xiseenih sugen barittoh buxak barteenit ambagguk teemeeteeh baritto caddol kaxxa taqabi luk sugeenim kassiiseen.

Ta barittih buxa akah xisoonu xiqeenimiiy 8haytul tatrah yan urri Qasboxxaak samara ibah gexak suge barteenit ayfaf geyonuuy tonnah inki qarit 80ak daga akak baritak sugte barteenit ceenak farakka geyu kinnih tanim Yiysixxigen.

Abarittoh buxaay  samara logyi magaalah xiinisso kee qafar daddoosih egla 4.5milyon takke lakqot akah teyyeeqem dubuh hinnay ayyunti isi qaafiyat edde assagalluk tittin qikilul xiseenih yaniinim qaddooseeh.

Qasboxxaahi Ummatta baritto buxaaxi isinni ikoytay sarrimaaneh baxaak raaqak ken xayloteknolojih qasrit matartuuy amàatinnaan hora elle baritta karqele buxa takkuh  dacrisaanam  faxximtam kassiise