Ambaasaaddar Gannat Tashoomee xalayaa muudamasaanii pirezidaantii Ruusiyaa Vilaadmiir Putiiniif dhiheessan - ENA Afaan Oromoo
Ambaasaaddar Gannat Tashoomee xalayaa muudamasaanii pirezidaantii Ruusiyaa Vilaadmiir Putiiniif dhiheessan
Onkoloolessa 26/2017(TOI)-Ruusiyaatti ambaasaaddarri Itiyoophiyaa Dr. Gannat Tashoomee xalayaa muudamasaanii pirezidaantii Ruusiyaa Vilaadmiir Puutiiniif dhiheessaniiru.
Ruusiyaan Itiyoophiyaa waliin michooma cimaa fi hariiroo gamlamee akka qabdu pirezidaant Puutiin ibsaniiru.
Ruusiyaan dhiheenya magaalaa yaa’ii hooggantoota ‘BRICS’ 16ffaa magaalaa Kaazaanitti milkaa’inaan xumuruushee fi walgahii ministiroota dhimmi alaa Ruusiyaa-Afriikaa keessummeessuuf qophii xumuruushee eeraniiru.
Dabalataanis Ruusiyaan dinagdee, daldala, cehumsa teeknooloojii fi dhimmoota namoomaarratti biyyoota michootaa fi tumsitootaa waliin hojjechuuf qophii ta’uushee Puutiin ibsuusaanii odeeffannoon embaasiin Itiyoophiyaa Ruusiyaatti argamuu nimul’isa.