Sadaasa 5/2017(TOI)- Ministirri muummee Dr. Abiyyi Ahimad garee jila olaanaa Jiyaangzuu Piriinsis Jiyaangizuu Chaayinaa Zuu Kunliiniin durfamu simatanii haasofsiisaniiru. Waajjirri ministira muummee akka beeksisetti gareen jilaa wayita wal arganitti ministira muummeen tti Ministira muummee Dr. Abiyyi Ahimad waliin dhimmoota garaagaraarratti mari’ataniiru.

Sadaasa 5/2017(TOI) - Itoophiyaan bara bajataa kana kurmaana jalqabaatti konfireesiiwwaan idil addunyaa 30 karaa milkaa'een keessumeesuu ishee Ministeerri Dhimma Alaa beeksise. Dubbi himaan ministeera Dhimma Alaa ambaasaaddar Nabiyaat Geetaachoo hojiin dippilomaasii turbee kana hojjetamanii fi gara fuula duraatti hojii hojjetaman ilaalchisuun miidiyaaleef ibsa kennaniiru. Ibsa isaaniin; dippilomaasii konfiraansii, walga'ii ministirootaa foramii tumsa Ruusiyaa Afrikaa, dippilomaasii dinagdee fi dippilomaasii lammileerratti xiyyeeffate ilaalchisuun ibsa kennaniiru. Haalumakanaan bara 2017 kurmaana jalqabaatti Itoophiyaan konfireesiiwwan idil addunyaa 30 ta'an karaa milkaa'aa keessuumeesuu ishee ibsaniiru. Konfireesiiwwaan kun Itoophiyaan humna qabdu kan ittiin mul'ifte fi magaalaa Finfinnee konfireesiiwwaan idil addunyaa keessumeesuun jiddugala dippilomaasii fi turizimii ta'uu ishee kan mul'iste ta'uu ibsaniiru. Waltajjiiwwan kana irratti Itoophiyaan galii turizimii fi maqaa gaarii ishee gabbifachuun cinaatti milkaa'ina misoomaa hunda galeessa ishee irratti muuxannoo qooduu ishees eeraniiru. Keesaattu hoggantoonni biyyoota adda addaafi hoggantoonni dhabbilee garaagaraa yaa'ii idil addunyaa ''Addunyaa beelarra bilisaa'' irratti hirmaatan hojii misoomaa Itoophiyaa fi jijjirama hunda galeessa Itoophiyaan keessa jirtu daawwachuu beeksisaniiru.

Sadaasa 5/2017(TOI) - Chaayinaatti jilli bulchaa bulchiinsa Jiyaansuu Shuu Kuliin durfamu har'a ganama Finfinnee gale. Jilli kun yeroo inni buufata Xiyyaara idil addunyaa Boolee gahu ministir deetaan ministira Dhima Alaa ambaasaaddar Burtukaan Ayyaanoo, ministeerichaatti daarektarri dhimma biyyoota baha jiddugaleessa, Eshiyaa fi Paasifik ambaasaaddar Nigus Kabbadaa fi hoggantoonni olaanoo biroo ministeera dhimma alaa simataniiru. Jilli bulchaa bulchiinsa Jiyaansuun durfamu kun turtii Finfinneetti taasisuun hoggantoota hojii mootummaa olaanoo waliin ni mari'ata jedhamee eeggama. Jilli kun yaa'ii dinagdee fi tumsa daldalaa Chaayinaa- Afrikaa har'a Finfineetti eegalu irrattis ni hirmaata jedhameera. Chaayinaatti bulchiinsi Jiyaansuu bulchiinsa dinagdee guddaa sochooftu ishee lammaaffaa yoo taatu kubbaaniyyaawwan ishee 76 Itoophiyaatti hojii invastimantii doolaara biliyoona 1.3 baasu irratti hirmaachaa akka jiran odeeffannoon Ministeera Dhimma Alaarra argame ni mul'isa.

Sadaasa 2/2017(TOI) - Ministirri Dhimma Alaa doktar Gede'oon Ximootewoos Ministiroota Dhimma Alaa Naamiibiyaa, Giinii, Angoolaa fi Rippabilika dimookiraatik Koongoo waliin mari'atan. Yaa'iin tuma ministiroota Ruusiyaa - Afrikaa kan jalqabaa Ruusiyaa magaalaa Sochiitti geggeeffama jira. Ministirri Dhimma Alaa doktar Gedee'oon Ximootewoos yaa'ii kana cinaatti ministiroota dhimma alaa biyyoota adda addaa waliin dhimmoota gamlamee, naannawwaa aardii fi idil addunyaarratti mari'achaa jiru. Haaluma kanaan ministira dhimma alaa Naamiibiyaa doktar Peyaa Musheeleengaa, Ministira dhimma alaa Giinii Mursaandaa Kuyaatee, minisitira dhimma alaa Angoolaa Terees Kaaykiiwambaa Wagiinaar waliin mari'ataniiru. Mariin kunis dhimmoota waloo fi tumsa naannawwa cumsuu irratti kan xiyyeeffate ta'uu odeeffannoon Ministeera Dhimma Alaarra argame ni mul'isa.

Onkoloolessa 30/2017(TOI)- Dandeettii humna nageenyaa gabbisuu fi hojmaatilee ammayyeessuun nagaa fi nageenya kabachiisuun cimee itti fufu Komishinar Jeneraaliin poolisii federaalaa Itiyoophiyaa Dammallaash G/Mikaa’el ibsan. Poolisiin Finfinnee bara 2016 gaggeessitoota poolisii, miseensotaa fi qaamolee dhaabbatichi hojii milkaa’aa akka hojjetu deeggarsa taasisaniif beekamtii fi badhaasa kenneera. Kantiibaan bulchiinsa magaalaa Finfinnee Adaanech Abeebee, komishinar jeneraaliin poolisii federaalaa Dammallaash G/Mikaa’el, komishinariin poolisii magaalaa Finfinnee Geetuu Argaawu fi hooggantoonni olaanoo federaalaa fi magaalattii saganticharratti argamaniiru. Komishinar Jeneraaliin poolisii federaalaa Itiyoophiyaa Dammallaash G/Mikaa’el wayita kana akka jedhanitti dhaabbilee poolisii sadarkaan jiran humna namaa ga’oomee fi lijistiksiin ammayyeessuudhaan nagaa fi nageenya biyyaa eegsisuun milkaa’eera. Qaamoleen nageenyaa sadarkaan jiran qindoomuun fi walhubachuun akkasumas ummata waliin tumsuun nageenyi waaraa fi amansiisaan akka bu’u gochuun akka danda’ame ibsaniiru. Haala Kanaan daba humnoonni biyya keessaa fi biyya alaa nagaa fi nageenya Iriyoophiyaa fi ummatashee booressuuf hojjechaa jiran fashaleessuun qooda olaanaa bahaa akka jiran eeraniiru. Poolisiin Finfinnee teeknooloojii fi humna namaan ofcimsuun qaamolee nageenyaa biroo waliin tumsaan hojjechuusaatiin nageenya Finfinnee egereef eegsisuun fakkeenya nageenyaa akka taatu akka taasise kaasaniiru. Haala Kanaan Finfinneen yaa’iiwwan biyyaalessaa fi idil addunyaa milkaa’inaan keessummeessuu akka dandeessu taasifamuusaa eeraniiru.

Onkoloolessa 30/2017(TOI) - Bulchiinsa magaalaa Finfinneetti yakka dursanii ittisuu fi olaantummaa seeraa kabachiisuurratti hojiin milkaa'an hojjetamuu Komishinarri komishiinii Poolisii Finfinnee Geetuu Argaaw beeksisan. Poolisiin magaalichaa hoggantootaa fi Miseensoota bara 2016 keessa raawwii hojii gaarii galmeessaniifi ergama isaanii bahataniif sagantaa beekamtii kennuu gaggeessaa jira. Saganticharratti Kantiibaa Magaalaa Finfinnee Aadde Adaanech Abeebee, Komishinara Jeneraalaa Poolisii Federaalaa Dammallaash Gabramikaa’el, Komishinarri Komishinii Poolisii Magaalaa Finfinnee Geetuu Argawu argamaniiru. Poolisiin magaalichaa Nageenya magaalichaa haala amansiisaan eeguuf teeknooloojii fi humna namaatiin of cimsaa jiraachuu komishinar Geetuun himaniiru. Bara bajataa darbe keessa humnoota farra nageenyaa magaalicha jeequu barbaadaan gargaarsa hawaasaatiin injifachuun akka danda'ame eeraniiru. Nageenya magaalichaa haala itti fufiinsa qabuu fi amasiisaan eeguun akka danda’ame ibsuun hoggantoota poolisii fi miseensota raawwii hojii gaarii agarsiisan galateeffataniiru.

Onkoloolessa 30/2017(TOI)- Itiyoophiyaa fi Ruusiyaan hariiroo gamlamee caalaatti cimsuuf akka hojjetan beeksisan. Yaa’iin ministirootaa jalqabaa tumsa Ruusiyaa-Afriikaa Ruusiyaa magaalaa Saachiitti har’a nijalqabama Ministirri dhimma alaa Dr. Geediyoon Ximootiwoos yaa’icha dura ministira dhimma alaa Ruusiyaa Sargee Laavroov waliin mari’ataniiru. Ministiroonni dhimma alaa kunneen dhimmoota gamlamee, qaxanaa fi idil addunyaarratti yaada waliiqoodaniiru. Tumsa gamlamee Itiyoophiyaa fi Ruusiyaa caalaatti gabbisuu fi dandeettiiwwan hariiroo dinagdee guddisan fayyadamuuf waliigalaniiru. Yaa’iin ministirootaa jalqabaa tumsa Ruusiyaa-Afriikaa Ruusiyaa har’aa fi boru Ruusiyaa magaalaa Saachiitti akka taa’amu odeeffannoon ministeera dhimma alaarraa argame nimul’isa.

Onkoloolessa 29/2017(TOI)-Walgahiin waloo bulchitoota daangaa fi komishinaroota Itiyoo-Jibutii 28ffaan guyyoota lamaaf Finfinneetti taa’amaa ture marii gufuuwwan furuu fi hariiroo caalaatti cimsuu dandeessisu adeemsisuun xumurameera. Gaggeessituun jila bulchitoota daangaa fi komishinaroota Itiyoo-Jibutii 28ffaa daarektarri olaantuu Immigireeshinii fi tajaajila lammummaa adde Salaamaawiit Daawit,dhimmoota biyyoota lamaan caalaatti fayyadurratti waliin hojjechuuf waliigaluusaanii ibsaniiru. Barreessaan olaanaa Ministeera dhimma biyya keessaa Jibutii የSulemaan Mu’aamiin gamasaaniin, walgahichi dhimmoota tarsiimawaarratti xiyyeeffachuun marii gadi fageenyaa taasisuusaa eeraniiru. Dhimmoota tumsaa dinagdee fi Siyaasa, akkasumas geejjibaa fi lojistiiksii caalaatti cimsuuf waliigaluusaanii ibsuusaanii odeeffannoon ministeera dhimma alaarraa argame nimul’isa.

Onkoloolessa 29/2017 (TOI)-Dandeettin balallii, leenjii fi suphaa humna qilleensaa Itiyoophiyaa dhaabbata muuxannoon irraa fudhatamu akkasumas ogeeyyota Afriikaa damee kanaatiif deeggarsi ogummaa kan irraa argamu ta’uusaa pirezidaantiin Seraaliyoon Juuliyees Maadii Baayoo dubbatan. Pirezidaantiin Seraaliyoon Juuliyees Maadii Baayoo fi ministirri muummee Giinii Amaaduu Urii Baah kaleessa korporeshinii injiinariingii ittisaa fi humna qilleensaa Itiyoophiyaa daawwataniiru. Ajajaan olaanaa humna qilleensaa Itiyoophiyaa Letenaal Jeneraal Yilmaa Mardaasaa hooggantoota biyyoota lamaanii simataniiru. Ministirri ittisaa Injiinar Ayishaa Mahaammad, ministirri qonnaa Dr. Girmaa Amantee fi hooggantooonni humna qilleensaa daawwanniharratti argamaniiru. Pirzidaantiin Seraaliyoon Juuliyees Maadii Baayoo daawwanicha ilaalchisuun ibsa kennaniin, hojiin Itiyoophiyaan sektara kanarratti hojjechaa jrtu kan muuxannoon irraa fudhatamu ta’uu kaasaniiru. Dandeettii balallii humna qilleensaa qofa osoo hinta’iin hojiiwwan leenjii fi suphaanis dandeettii guddaa akka qabdu daawwannichaan hubachuusaanii himaniiru. Muuxannoon humni qilleensichaa horatee fi sadarkaan guddinaa amma irra gahe ogeeyyonni Afriikaa sektara kanaa leenjii argachuuf carraa kan uume ta’uusaa dubbataniiru. Ministirri ittisaa Injiinar Ayishaa Mahaammad gamasaaniin, akkaataa gaaffii hooggantoota kanneeniin dhaabbilee lamaan akka daawwatan taasifamuu eeraniiru. Jijjiirama dhufe irraa ka’uun xiyyeeffannoo mootummaan riifoormii nageenyaa fi tasgabbiif kenneen humna qilleensaa dhaloota boonsu ijaaramuunsaa hoogantootaaf ibsameera jedhan. Daawwannaan hooggantootaa kun Itiyoophiyaan muuxannoo qabdu biyyoota michootaaf qooduuf kutannoo akka qabdu ibsanii, agarsiiftuu fedhii waliin badhaadhuuf qabduu akka ta’e kaasaniiru. Ajajaan olaanaa humna qilleensaa Itiyoophiyaa Letenaal Jeneraal Yilmaa Mardaasaa gamasaaniin, waggoota jahan darban riifoormiiwwan hedduun humna qilleensaa keessatti taasifamaa turuu eeraniiru. Keessumaa ijaarsa humna namaa, bu’ura misoomaa waraanaa, teeknooloojii fi walumaa gala humna qilleensaa Itiyoophiyaa madaalu gama ijaaruutiin hojiiwwan jajjabeessoon hojjetamuu himaniiru. Kun ammoo dandeettii qophaa’ummaa biyyattii waliigalaa cimsuu kan dandeessisu ta’uusaa eeraniiru.

Onkoloolessa 29/2017 (TOI) - Chiiliin hariiroo Itoophiyaa waliin qabdu cinaatti sochii Afrikaa keessatti taasiftuuf Itoophiyaa michuu ijoo ishee taasifachuu alla barbaadduu Itti aantuun Ministira Dhimma Alaa Chiilii Gilooriyaa dee Lee Foontee Gonzaleez beeksisan. Ministir deetaan ministira Dhimma Alaa amabaasaaddar Misgaanuu Araggaa itti aantuu Ministira Dhimma Alaa Chiilii Ministirri Ministeera Dhimma Alaa Ambaasaaddar Misgaanuu Argaa Ityoophiyaa daawwatan Deettaan Ministira Dhimma Alaa Chiilii Gilooriyaa dee Lee Foontee Gonzaleez waliin mari'ataniiru. Marii isaaniin Itoophiyaatti guddina ariifataa fi riifoormii diinagdee gooroo damee dinagdee galmaa’aa jiru akkasuma dhimmoota nageenyaa fi tasgabbii naannawwaa fi ardiirratti hojjetama jiru irratti ambaasaddar Misgaanuun ibsa taasisuufin himameera. Dameewwan qonnaa fi albuudaa damee diinagdee Itoophiyaan xiyyeeffannoon irratti hojjecha jirtu ta'uu ibsaniiru. Ambaasaaddar Misganuun Chiiliin damee qonnaa fi albuudaa isheetiin beekamtuu akka taate ibsuun, Itoophiyaan muuxannoo ishee irraa qoodachuu akka barbaaddu ibsaniiru. Kanaafis gareen daldalaa fi invastimantii Chiilii Itoophiyaa akka daawwatan waamicha taasisaniiru. Itti aantuun ministira Dhimma Alaa Chiilii Gilooriyaa de Le Foontee Gonzaalez gama isaaniin biyyi isaanii hariiroo Itoophiyaa waliin qabdu daran cimsuu akka barbaaddu mirkaneessaniiru. Chiiliin hariiroo biyyoota lamaanii qofaa osoo hin taane sochii Afrikaa keessatti hojjettuuf Itoophiyaa michuu ijoo ishee taasifachuun akka hojjetu himaniiru. Mariin siyaasaa gam lamee biyyoota lamaaniin bara darbe gaggeeffame walitti dhufeenya kana gama hedduu irratti xiyyeeffachuuf gahee olaanaa akka taphate yaadachiisaniiru. Qaamoleen lamaanuu dhimmoota Itoophiyaa fi Chiiliin karaa walta’iinsa Kibbaa fi Kibbaatiin caalaatti walitti dhiyeenyaan hojjechuu danda’an irrattis mari’ataniiru. Odeeffannoon Ministeera Dhimma Alaa irraa argame akka mul’isutti Itoophiyaa fi Chiiliin bara dhufu waggaa 80ffaa hariiroo dippilomaasii isaanii waliin kabajuuf waliigalaniiru.

Hoggantoonni biyyoota adda addaa yaa'ii ''Addunyaa beelarraa bilisaa'' irraatti hirmaachaa turan gara biyya isaanitti deebi'a jiru. Onkoloolessa 29/2017 (TOI) - Hoggantoonni biyyoota adda addaa yaa'ii ''Addunyaa beelarraa bilisaa'' jidduu kana magaalaa Finfineetti geggeeffama ture irraatti hirmaachaa turan gara biyya isaanitti deebi'a jiru. Ministir deetaan ministira dhimma alaa amabaasaaddar Burtukaan Ayyaanoo hoggantoonni kunneen yeroo gara biyya isaaniitti deebi'an geggeessuu isaanii Odeeffannoon Ministeera Dhimma Alaarra argame ni mul'isa.

Ministirri Muummee FDRI doktar Abiy Ahimad xumuru yaa'ii idil addunyaa ''Aaddunyaa beelarra bilisaa'' irratti dhimmoota ifa taasisan keessaa, Ministirri Muummee FDRI doktar Abiy Ahimad beelli dhimma dhuunfaa waan hin taaneef deebii idil addunyaa qindaa'aa fi walirraa hin cine barbaada jedhaniiru. Yaa'ii idil addunyaa ''addunyaa beelarraa bilisaa'' guyyoota sadiif magaalaa Finfinneetti geggeeffama ture irraatti bu'aawwan murteessoo akka roodmaappiitti tajaajilan afur argamuu himaniru. Wabii midhaan nyaataaf fandii idil addunyaa hundeessuu ilaalchisuun; Bu'uuraalee misoomaa jijjirama qilleensaaf hin jilbeeffanne, tekinolojii qonnaa fooyya'oo fi invastimantii sirna nyaataa balaaf hin jilbeeffanne irratti hojjechuuf findii idil addunyaa hundeesuuf kutannoo qabnu mul'ifneerra. Fandiin kun keessattu bakkeewwan bakkeewwan hanqina wabii nyaataaf saaxilamoo ta'aniif baay'ee murteesadha. Waljijjirraa Tekinoolojii fooyya'ee fi beeksaa ilaalchisuun Sirna nyaataa gahaa ta'ee ijaaruun qonna jijjirama qilleensaa damdamatuu fi waljijjirraa beekumsa daagaa ce'aa qabannaa oomishaan dura fooyyesanii fi waltajjiiwwan ce'umsa tekinolojiif haala mijeessan uumuuf waliigalleera. Hammattoo imaammataa fi bulchiinsa cimsuu, Qaqqabummaa gabaa haqa qabeessaa fi sirna raabsa nyaataa haqa qabeessa ta’e guddisuu akkasuma wabii nyaataa addunyaa galmaan ga’uuf biyyoonni imaammata murteessoo ta'an irratti walhubachuun(waldubbisuu)akka qaban ilaalleerra. Qonnaan bultoota ooyiruu xiqqaarratti oomishan keessattu dubartoota damee qonnaarratti bobba'aniif deeggarsa taasisuu; Qonnaan bultoonni qabiyyee lafaa xiqqaa qaban utubaa wabii nyaataa ta'uu isaanii mirkaneesineerra. Kanaaf kutaa hawaasaa qaqqabamummaa gabaa bal'isuun filannoowwan maallaqaa hirmaachisaa dhiheessuu fi dandeetti isaanii ijaaruun hawaasaa isaanii fi addunyaa nyaachisuu akka danda'an gochuu ni dandeenya. +12 See insights and ads Boost post All reactions: 1111

Onkoloolessa 28/2017(TOI) - Itoophiyaa fi Hangaariin damee dinagdee irratti tumsa qaban caalaatti cimsuuf waliigalan. Ministir deetaan ministira Dhimma Alaa ambaasaaddar Misgaanuu Araggaa Itoophiyaatti ambasaaddara Hangaarii Atilaa Tomaas Kopiniiy waajjira isaanitti simachuun waliin mari'ataniiru. Qaamoleen lamaanuu walitti dhufeenya biyyoota lamaanii cimsuu kan danda'an dhimmoota gamlameeniirratti fi walitti dhufeenya qaamolee hedduu hirmaachiseerraatti mari'achuu isaanii odeeffannoon Ministeera dhimma alaa irraa argame ni mul'isa. Marii kanaan Ambaasaaddar Misgaanuu Araggaa Hangaariin Itoophiyaanotaaf carraa barnootaa bilisaa kennuun gahee isheen baate dinqisiifataniiru. Gara fuula duraatti walitti dhufeenya biyyoota lamaanii gama damee dinagdeen caalaatti cimsuun barbaachisaa ta'uu himanii; Itoophiyaatti kubbaaniyyaawwan Hangaarii qonnaa fi damee albuudarratti akka hojjetan gaafataniiru. Itoophiyaatti ambaasaaddar Hangaarii Atilaa Tomaas gama isaaniin biyyi isaanii walitti dhufeenya dippilomaasii Itoophiyaa waliin qabdu cimsuuf kutannoo qabdi jedhaniiru. Hangaariin Itoophiyaa waliin walitti dhufeenya gama daldalaan, investimatiin, ijaarsa dadeettii fi deeggarsa namoomaan qabdu caalaatti cimsuun kan itti fufti jedhaniiru.

Onkoloolessa 28/2017 (TOI)- Walgahiin bulchitootaa fi Komishinaroota daangaa waloo Itiyoophiyaa fi Jibutii 28ffaan nageenyaa fi tasgabbii naannawoota daangaa Itiyoophiyaa fi Jibutii irratti mari’atu Bishooftuutti eegalameera. Itiyoophiyaan imaammata dippilomaasii fi hariiroo alaa biyyoota ollaaf dursa kennu kan hordoftu waan ta’eef hariiroon gamlamee cimaa fi yeroo dheeraa biyyoota lamaanii agarsiiftuudha. Itiyoophiyaa fi Jibutiin michooma seena qabeessa bara dheeraaf ture kan qaban yoo ta’u, hariiroon biyyoota lamaanii hariiroo ummataan kan walitti hidhate ta’uu nihimama. Hariiroo seena qabeessa kana gama hedduun cimsuuf biyyoonni lamaan waliin hojjechaa jiru. Walgahiin waloo bulchitootaa fi komishinaroota daandaa biyyoota lamaanii naannawa daangaatti nageenya waaraa fi misooma egeree ittifufsiisuuf nidandeessisa. Walgahiin bulchitootaa fi Komishinaroota daangaa waloo Itiyoophiyaa fi Jibutii 28ffaan nageenyaa fi tasgabbii biyyoota lamaanii egereef ittifufsiisuuf kan taa’amudha.

Onkoloolessa 27/2017(TOI) -Ministirri Muummee FDRI doktar Abiy Ahimad Pirezidaantii Rippabilikaa Seraaliyoon Juuliyaas Mandaa Bayoo waliin dhimmoota gamlamee irratti mari'atan. Doktar Abiy Ahimad erga karaa miidiyaa hawaasummaa isaanii qoodaniin Pirezidaantii Rippabilikaa Seraaliyoon Juuliyaas Mandaa Bayoo wajjira kootti simachuun dhimmoota gamlamee irratti mari'aneera jedhaniiru.

Onkoloolessa 26/2017(TOI)-Ruusiyaatti ambaasaaddarri Itiyoophiyaa Dr. Gannat Tashoomee xalayaa muudamasaanii pirezidaantii Ruusiyaa Vilaadmiir Puutiiniif dhiheessaniiru. Ruusiyaan Itiyoophiyaa waliin michooma cimaa fi hariiroo gamlamee akka qabdu pirezidaant Puutiin ibsaniiru. Ruusiyaan dhiheenya magaalaa yaa’ii hooggantoota ‘BRICS’ 16ffaa magaalaa Kaazaanitti milkaa’inaan xumuruushee fi walgahii ministiroota dhimmi alaa Ruusiyaa-Afriikaa keessummeessuuf qophii xumuruushee eeraniiru. Dabalataanis Ruusiyaan dinagdee, daldala, cehumsa teeknooloojii fi dhimmoota namoomaarratti biyyoota michootaa fi tumsitootaa waliin hojjechuuf qophii ta’uushee Puutiin ibsuusaanii odeeffannoon embaasiin Itiyoophiyaa Ruusiyaatti argamuu nimul’isa.

Onkoloolessa 26/2017(TOI) - Tumsi tarsimaawwaa haala kam keessattiyyuu hin jijjiramne kan Itoophiyaa fi Chaayinaan qaban gama tumsa paartileen fi Paartiinis cimsuunii itti fufuu waliigalteerra gahamuu Paartii Badhaadhinaatti hogganaan damee walitti dhufeenya uummataa fi adil addunyaa doktar Biqilaa Hurrisaa beeksisan. Doktar Biqilaan daawwanaan jilli hoggatoota Paartii Badhaadhinaa Chaayinaatti taasisan milkaa'a ture jedhaniiru. Paartiin Badhaadhinaa Paartii Koministii Chaayinaa waliin walitti dhufeenya cimaa qabaachuu eeranii; kaayyoon daawwannaa kanaas marii walitti dhufeenya Paartii fi Paartii cimsu taasisuu, waltajjiiwwan muuxannoo waljijjiraa taasisuu fi daawwannaa dirreeti jedhaniiru. Walatjjiiwwan marii taasifamaniin hojiiwwan rifoomii biyyaaleessa waggoota jahan darban Paartiin Badhaadhinaa taasisee fi bu'aawwan isaan argamsiisan hubachiisuun danda'uu himaniiru. Paartiin Koministii Chaayinaas rifoormicha kan hubatuu fi milkaa'ina rifoormichaaf deeggarsa taasisuu eeranii; mariiwwan taasifamaniis gara fuula duraatti dameewwan waliin irratti hojjetan adda baafamuu beeksisaniiru. Paartiin Koministii Chaayinaa fi Paartiin Badhaadhinaa walitti dhufeenya idil addunyaan, ijaarsaan, naamusa paartiin muuxannoo qaban wal jijjiruu himaniiru. Keessattu muuxannoon Paartiin Koministii Chaayinaa dippilomaasii Paartiin paartilee idil addunyaa 700 waliin qabu kan irraa qooddatamu ta'uu eeranii; miseensoota isaa miliyoona 99 ta'an qindeessee hogganuun karaan inni ittiin biyya jijjire muuxannoon guddaan kan irra argamudha jedhaniiru. Paartiin Badhaadhinaa miseensoota isaa miliyoona 15 karaa sirriin qindeesuun riifoormii biyyaaleessaa milkeessaa karaa inni itti dhufen muuxannoo qooduu himaniiru. Jilli kun turtii Chaayinaatti taasiseen dirree irratti mallattoo ammayyuummaa Chaayinaa hanga bu'aawwan misooma qindaa'aa baadiyaatti hojjetamanii daawwachuu himaniiru. Daawwannaa dirree kanaan karaa bu'urri ammayyummaa Chaayinaa, Seenaa fi hamabaa ijaarsa seenessaa fi turizimiif oolchaan dinqisiisa ta'uu hubachuu himaniiru. Paartii cimaa ijaaruu isaaniin guddina damee dinagdee biyyaaf, dippilomaasii fi hawaasummaa fi ijaarsa biyyaaf gahee murteessa bahachuu hubachuus ibsaniiru. Chaayinaan bakka amma geesse kan geesse karaa yaadama mandhalee, beekumsa fi ammayyummaa dhaloota biyyaan bu'uureffame irra imaaluun ta'uu himanii; yaadama mandhalee ida'amuu Itoophiyaan jalqabdeef barnoota guddaa kan ta'udha jedhaniiru. Daawwannaa kanaan Paartiin Badhaadhinaa fi Paartiin Koministii Chaayinaa dhimmoota tarsimaawwaa uummatoota biyyoota lamaaniif bu'aa qaban irratti tumsaan hojjechuuf walii galuu himaniiru.    

Onkoloolessa 26/2017(TOI)- Jilli Itiyoophiyaa komishinara Jeneraalaa poolisii federaalaa Itiyoophiyaa Dammallaash Gabramikaa’eliin durfamu yaa’ii walii gala Intarpool 92ffaa kan waggaarratti hirmaachaa jira. Yaa’iin waliigalaa Intarpool 92ffaa kan waggaa Skootlaand Gilaaskoowutti taa’amaa jira. Jilli Itiyoophiyaa komishinara Jeneraalaa poolisii federaalaa Itiyoophiyaa Dammallaash Gabramikaa’eliin durfamuu fi hoogganaa qorannoo yakkaa waliigalaa poolisii federaalaa Itiyoophiyaa Zalaalam Mangistee fi hoogganaa qajeelcha Intarpoolii biyyaalessaa gargaaraa komishinaraa Dajanee Baqqalaa of keessaa qabu yaa’ii waliigalaa kanarratti hirmaachaa jira. Itiyoophiyaa dabalatee hooggantoonni poolisii biyyoota miseensota dhaabbatichaa, hooggantoonni olaanoo f dhaabbileen idil addunyaa garagaraa poolisii waliin tumsaan hojjetan yaa’icharratti hirmaachaa jiru. Ministirri muummee Yuunaayitid Kingidam Ser keer Staamer biyyoonni miseensa dhaabbatichaa addunyaatti nageenyi akka bu’u tumsaan hojjechuuf carraaqqii taasisaa jiran dinqisiifatanii biyyisaanii deeggarsa Intarpooliif taasiftu ciminaan akka ittifufan ibsaniiru. Itiyoophiyaan yaa’ii dhaabbatichaa kan waggaa akka qopheessitu Komishinar Jeneraaliin poolisii federaalaa Itiyoophiyaa miseensota Intarpool waliin marii wayita taasisanitti gaafataniiru. Hooggantoonni dhaabbatichaas yaa’iiwwan Intarpool fuulduraaf taa’aman friikaaf ykn Itiyoophiyaan yaa’icha akka qopheessitu akka mijeessan ibsuusaanii odeeffannoon poolisii federaalaarraa argame nimul’isa. Gareen jilaa kun oomishtoota meeshaalee poolisiin ittifayyadamu fi teeknooloojii poolisiin ittifayyadanmu oomishanii fi dhaabbilee oomishasaanii yaa’icharratti dhiheessan waliin mari’atera. Jilli kun yaa’iin cinaatti biyyootaa fi dhaabbilee idil addunyaa waliin walgahii gamlamee akka taa’u ibsameera. በYaa’ii waliigalaa kan waggaa Kanaan raawwiin hojii dhaabbatichaa akkasumas karoora itti aanuu fi ajandaawwan garagaraarratti mari’atamee murteewwan nidarbu jedhamee akka eegamu eerameera.

Onkoloolessa 25/2017(TOI) - Itoophiyaan nageenyaa fi tasgabbii naannawwichaaf gatii guddaa baasteetti jedhan Daarektarri humna eeggataa Afrikaa bahaa Birgaade jeneraal Paawul Nijimaa. Daarekatarri humna eeggataa Afrikaa bahaa Birgaade jeneraal Paawul Nijimaa TOI'tti akka himanitti; Itoophiyaan nageenyaa fi tasgabbii naannawwaa fi ardichaaf gahee olaanaa baatetti jedhaniiru. Itoophiyaan qindoomina nagaa eegsistootaa dhaabbilee ardichaa fi naannawwichaa waliin ta'uun biyyoonni cimanii akka itti fufan fi nagenyi waaraan isaanii akka mirkanaa'u gahee isheen baate eeraniiru. Keessatti naannawwaan Afrikaa bahaatti nageenyaa fi tasgabbi fiduuf aarsaa guddaa akka baaste himaniiru. Nagaa fi tasgabbii Afrikaa bahaa eegsisuun guddinni dinagdee biyyoota akka mirkanaa'uu gaheen biyyoonni qaban gudda ta'uu eeranii Itoophiyaanis gahee ishee bahachuu cimsitee akka itti fuftu gaafataniiru. Yeroo ammaa walitti bu'insa waloo waloo, itti fayyadama qabeenyaa, galaana diimaa ilaalchisuun mudda jiruun naannawwichi qora yaaddoo nageenya jiran keessatti kan eeramanidha jedhaniiru. Humne eeggataa Afrikaa bahaa muddama naannawwicha keesa jiru gaaffii biyyootaa bu'uura godhachuun deebii kennuuf qophii ta'uu himaniiru. Dhaabbilee nageenyaa fi tasgabbii irratti jijjiirama bal’aa taasisuun dhaabbilee ciccimoo ijaaraa kan jirtu Itoophiyaan kana keessatti gahee guddaa akka taphattu ibsaniiru. Itoophiyaan shororkeessummaa ittisuu fi nagaa Afrikaa eeguu keessatti dhiibbaa guddaa qabdi kan jedhan immoo ajajaan humna waloo Giddugaleessa Afrikaa Mejar Jeneraal Nidwumunsii Odaas. Tokkummaa cimsuun humna shororkeessummaa ittisuu danda’u ijaaruun barbaachisaa ta’uus hubachiisaniiru. Nagaa fi tasgabbii ardii kanaa eeguun gidduu seenummaa fi hirkattummaa biyya alaa keessaa ba’uuf humna nageenyaa ijaaruun dhimma yeroon kennamuuf akka hin taane qondaaltonni kun himaniiru.    

Onkoloolessa 25/2017(TOI)- Konfaransiin nageenyaa mata duree “nagaan hundaaf, hundi nageenyaaf” jedhuun naannoo Amaaraa magaalaawwan garagaraatti taa’amaa jira. Gondar, Dabaarq, Matammaa, Marsaa, Dajan, Chaagnii, Maankusaa, Fandiqaa, Lumaamee fi Gindawayin dabalatee magaalaawwan, godinaalee fi aanaalee birootti mariin taasifamaa jira. Abbootiin amantaa, jaarsoliin biyyaa, barsiistota, jiraattonni naannawoota garagaraa fi kutaaleen hawaasaa, hooggantoonni godinaa fi bulchiinsonni magaalaa marii kanarratti argamaniiru. Hirmaattonni konfiransii nageenyaa haala nageenyaa fi tasgabbii haala yeroorratti mari’achaa akka jiru odeeffannoon komunikeeshinii naannichaarraa argame nimul’isa.