Ministirri Qonnaa Doktar Girmaa Amantee Ministira Qonnaa Zimbaabuwee waliin mari'atan

Amajji 3/2017 (TOI) - Ministirri Qonnaa Doktar Girmaa Amantee Ministira Qonnaa Zimbaabuwee Dokta Ankishees Jongiwee Masuukaa waliin tumsa misooma qonnaa biyyoota lamaanii ilaalchisuun mari'ataniiru.

Walgahiin ariifachiisaa Sagantaa Misooma Qonnaa hunda galeessaa Afrikaa erga geggeeffamu jalqabee har’a guyyaa sadaffaadha.

Ministirri Qonnaa Doktar Girmaa Amantee walgahii kanarratti hirmaachuun cinaatti Ministira Qonnaa Zimbaabuwee waliin mar'ataniiru.

Ministiroonni kunneen dhimmoota biyyoonni lamaan misooma qonnaa irratti tumsuu danda’an irrattis marii waloo gaggeessuu isaanii odeeffannoon ministee Qonnaa irraa argame ni mul’isa.

Walgahiin ariifachiisaan Sagantaa Misooma Qonnaa Hunda Galeessaa Afrikaa har’a sadarkaa hoggantootaatti gaggeeffamaa kan jiru yoo ta’u, murteewwan adda addaa dabarsuun ni xumurama jedhamee eegama.