Jilli miseensoota Paarlaamaa Iraan daawwannaa hojiif Finfinnee dhufe

Amajjii 8/2017(TOI)-Jilli miseensoota Paaarlamaa Iraan kan Af-yaa'ii Paarlaamaa Iraan Doktar Mahaammad Baqaar Qaalibaafiin durfamu daawwannaa hojiif Finfinnee dhufeera.

Jilichi yeroo innii Buufata Xiyyyaara Idil Addunyaa Boolee gahu Af-yaa'iin Mana Maree Bakka Bu'oota Uummataa obbo Taaggasee Caafoo fi Ministir deetaa ministira Dhimma Alaa ambaasaaddar Burtukaan Ayyaanoon simataniiru.

Jilli miseensoota Paarlaamaa Iraan turtii isaatiin daawwannaa adda addaa kan taasisaanii fi Af-yaa'ii Mana Maree Bakka Bu'oota Uummataa fi hoggantoota mootummaa olaanoo biroo waliin kan mari'atu ta'uun ibsameera.