Galmeen waraqaa eenyummaa Faayidaa barattootaa Finfinneetti jalqabame

Guraandhala 21/2017(TOI)- Sosochiin galmee waraqaa eenyummaa Faayidaa barattootaa bulchiinsa magaalaa Finfinneetti jalqabameera.

Qorannoon raawwii galmee Faayidaa fi sagantaan jalqabsiisa galmee barattootaa bulchiinsa magaalaa Finfinnee taasifameera.

Sadarkaa itti aanaa Kantiibaatti hojii gaggeessaan olaanaa Finfinnee Injiinar Wandimmuu Seettaa, gaggeessaan waajjira pirojektii waraqaa eenyummaa biyyaalessaa obbo Yoodaahee Ar’ayasillaasee, hoogganaan biiroo Barnootaa bulchiinsa magaalaa Finfinnee Dr. Zalaalam Mulaatuu, daarektarri olaanaa Ejensichaa obbo Yoonaas Alamaayyoo fi hooggantoonni olaanoo biroon waltajjicharratti argamaniiru.

Sadarkaa itti aanaa Kantiibaatti hojii gaggeessaan olaanaa Finfinnee Injiinar Wandimmuu Seettaa wayita kana akka jedhanitti, galmeen waraqaa eenyummaa Faayidaa Finfinneetti adeemsifamaa jiru kanneen biroof fakkeenya kan ta’udha jedhan.

Sosochiin galmee waraqaa eenyummaa dijitaalaa barattootaa biiroo barnootaa Finfinnee waliin tumsaan akka raawwatamu wayita kanatti ibsameera.