Ijaarsi Istadiyeemii idil addunyaa Bahaar Daar boqonnaa ijaarsaa xumuraa irratti argama-obbo Tamasgeen Xurunaa

Guraandhala 25/2017(TOI)- Ijaarsi Istadiyeemii idil addunyaa Bahaar Daar boqonnaa ijaarsaa xumuraa irratti akka argamu itti aanaan ministra muummee obbo Tamasgeen Xurunaa ibsan.

Baatii Adoolessa darbe wayita dhufnetti sadarkaa turerraa jijjiirame mooraan isaa miidhagee teessoo daawwattootaa hidhuun si’ataa, margi dhaabamee, hojiileen keessoo ijaaramaa akka jiru argineerra jechuun Fuula marsariitii isaaniirratti barreessaniiru.

Ijaarsi Istaadiyeemichaa bu’ura misoomaa hundaan sadarkaa idil addunyaf Kaaf fi Fiifaa eeggatee sadarkaa ijaarsaa boqonnaa xumuraa irra gaheera jechuun ibsaniiru.

Biyyi keenya dorgommiiwwan Ardii fi idil addunyaa akka keessummeessitu Istaadiyeemiin Bahaar Daar  carraa kan uumudha jedhaniiru.

Dabalataanis magaalaa Bahaar Daariif miidhagina dabalataa, madda galii fi dameen Ispoortii akka dadammaqu gumaacha olaanaa qabaata jedhaniiru.

Xumura waggaa kanaatti hojiinsaa guutummaatti raawwatee taphoota keessummeessuu  akka jalqabu marii taasifneerratti kaafneerra jedhan.