Gareen Biyyoolessaa Itiyoophiyaa dorgommii Biskileetii ‘Gadaa Tuur’ 8ffaa walharkaa fuudhinsa baallii Gadaa Booranaa sababeeffchuun magaalaa Yaaballootti geggeeffame injifate

Guraandhala 28/2017(TOI) - Gareen Biyyaalessa Itiyoophiyaa jila sirna walharkaa fuudhinsa Baallii Gadaa Booranaa 72ffaa sababeeffachuun dorgommii  Biskileetii ‘Gadaa Tuur’ 8ffaa qophaa'e injifate.

Garicha irraa Filmoon Zaaraaburuuk 1ffaa bahuun  yoo injifatu Tamasgeen Maabraatuu immoo kilaaba Maqalee Sabandartaa irraa 2ffaa bahuun injifateera.

Kiyyaa Jamaal immoo Garee Biyyoolessaa Itiyoophiyaa irraa 3ffaa bahuun injifateera.

Dorgommii ‘Gadaa Tuur’ marsaa 8ffaa kana irratti Ispoorteesitoonni naannoo Oromiyaa, Tigiraay, Amaaraa, Haraarii Sidaamaa, Jiddugaleessa Itiyoophiyaa fi bulchiinsa magaalaa Dirre Dawaa hirmaataniiru.

Dabalataan kilaboonnii akka Garaad, Itiyoo Elektiriik,  Akkaadaamii Ispoortii Itiyoophiyaa,  bulchiinsa magaalaa Shaggar,  Poolisii magaalaa Finfinnee hirmaataniiru.

Gareen Biyyaalessaa Itiyoophiyaa Ruwaandaa Kiigaaliitti dorgommiirra turee dhufes dorgommicharratti  hirmaateera

Dorgommii kanaan kanneen sadarkaa hanga kudhaniitti xumuraniif baadhaasni birrii hanga kuma 50 sadarkaa isaaniin kennameera.