Shaampiyoonaa atileetiksii mana keessaa addunyaa irratti atileetonni Itiyoophiyaa meetira 800 dubartootaatiin gara walakkaa xumuraatti darbaniiru

Bitootessa 12/2017 (TOI)-Shaampiyoonaa atileetiksii mana keessaa addunyaa irratti atileetonni Itiyoophiyaa meetira 800 dubartootaa walakkaa xumuraatti darbaniiru.

Shaampiyoonaa atileetiksii mana keessaa addunyaa 20ffaan har’a Chaayinaa magaalaa Naanjiingitti eegalameera.

Atileetonni Itiyoophiyaa fiigicha meetira 800 dubartootaa irratti hirmaatan sadanuu gara walakkaa xumuraatti darbuu isaanii odeeffannoon Federeeshinii Atileetiksii Itiyoophiyaa irraa argame ni mul’isa.

Atileet Habtaam  Alem ramaddii tokkoffaa irraa sa’aatii 2:04:48n sadaffaa, , atileet Tsiggee Dhugumaa ramaddii 2ffaa irraa  sa’aatii 2:04:52n sadarkaa tokkoffaa, atileet Ngisti  Geetaachoo  ramaddii 3ffaa irraa sa’aatii 2:03:91n  2ffaa bahuun atileetonni sadanuu gara xumura walakkaatti darbaniiru.

Dorgommiin xumura walakkaa  meetira 1,500 saala lamaaniin har’a akka gaggeeffamus beekamera, atileetonni  Itiyoophiyaa akka hirmaatan ibsameera.

Odeeffannoon federeeshinichaas akka agarsiisutti dorgommiin xumura walakkaa dubartootaa meetira 1,500 sa’aatii Itiyoophiyaatti sa’aatii 7:33 fi xumura walakkaa meetira 1,500 dhiirotaa sa’aatii 8:18tti akka gaggeeffamu odeeffannoon federeeshinichaa ni mul’isa.