Gulaallii xumura walakkaa meetira 800 dubartootaan Atileet Tsiggee dhugumaa fi Atileet Nigist Geetaachoo xumuraaf darban

Bitootessa 13/2017(TOI)-Gulaallii xumura walakkaa meetira 800 dubartootaa shaampiyoonaa idil addunyaa mana keessaa 20ffaan Atileet Tsiggee Dhugumaa fi Atileet Nigist Geetaachoo xumuraaf darbaniiru.

Shaampiyoonichi har’a guyyaa lammaffaa isaati.

Dorgommii gulaallii barii har’aa dorgomameen ramaddii tokko keessatti kan hirmaatte Atileet Tsiggee Dhugumaa daqiiqaa 2 fi sakondii 3 fi maayikiroo sakondi 85niin tokkoffaa baateetti.

Atileet Nigist Geetaachoo ammoo daqiiqaa 2 sakondii5 maayikiroo sakondii 01lammaffaa baateetti.

Ramaddii lama keessatti kan dorgomte Atileet Haabtaam Alamuu daqiiqaa 2 sakondii 5 maayikiroo sakondii 44n jahaffaa bahuun xumuraaf osoo hindarbiin hafteetti.

Atileetonni ramaddiirraa sadarkaa tokkoo amma sadiitti bahan xumuraaf darbaniiru.

Dorgommiin xumuraa Boru sa’aatii 9 fi daqiiqaa 54tti ni’adeemsifama.